,
“ეს შეუძლებელია” - თქვა მიზეზმა.
“ეს უგუნურებაა”-აღნიშნა გამოცდილებამ.
“ეს უსარგებლოა”- აღშფოთდა სიამაყე.
“ცადე”- წაიჩურჩულა იმედმა.
გინდათ დაიწყოთ ბიზნესი, მაგრამ ვერ იღებთ გადაწყვეტილებას? ეს დილემა მრავალი თქვენთაგანის წინაშე დგას და მისი გადაწყვეტა მხოლოდ თქვენს ხელშია. უბრალოდ უნდა გაერკვიოთ თქვენს თავში იყოთ დაქირავებული მუშაკი თუ გქონდეს საკუთარი საქმე და თვითონ იღებდე გადაწყვეტილებას. იცოდეთ, რომ ეს ნაბიჯი ერთ-ერთი უმნიშვნელოვანესია თქვენს ცხოვრებაში. ეს გადაწყვეტილება განაპირობებს თქვენი ცხოვრების სტილს და დონეს.
განვიხილოთ რა დადებითი და უარყოფითი მხარეები აქვს როგორც დაქირავებულ შრომას, ასევე საკუთარი ბიზნესის წარმოებას
დაქირავებული შრომა:
დადებითი - ა) სტაბილური შემოსავალი; ბ) სტაბილური ურთიერთობები გ) შემოსავლების დაკარგვის ნაკლები რისკი; დ) თავისუფალი დრო – შაბათ-კვირა თქვენს განკარგულებაშია.
უარყოფითი - ა) შედარებით დაბალი შემოსავალი – ხელფასი არასოდეს არ გყოფნით; ბ) ხელფასის მომატება თქვენი შეფის ან სახელმწიფოს ნებასურვილზეა დამოკიდებული გ) არასაინტერესო საქმის კეთება; დ) როდემდე უნდა ვასრულო ამ სულელის დავალებები.
საკუთარი ბიზნესი:
დადებითი - ა) შენი შემოსავალის ზედა ზღვარი პრაქტიკულად არ არსებობს; ბ) იღებ გადაწყვეტილებებს და შენზეა დამოკიდებული შენი თანამშრომლების კეთილდღეობა; გ) თვითონ ირჩევ როდის და სად დაისვენო.
უარყოფითი - ა) წარმატებიდან წარუმატებლობამდე ერთი ნაბიჯია; ბ) დრო კატასტროფულად არ გყოფნით; დ) ბევრია პრობლემები და ხშირია კონფლიქტები: ბიზნესი - ომის და სპორტის კომბინაციაა. (ა.მორუა).
კარგად აწონ-დაწონეთ და გადაწყვიტეთ კიდევ გინდათ დაიწყოთ ბიზნესი?
თუ თქვენ მაინც ბიზნესის სასარგებლოდ მიიღეთ გადაწყვეტილება, მაშინ გავაგრძელოთ.
* * *
საკუთარი საქმის დაწყებამდე გულწრფელად შეაფასეთ თქვენი შესაძლებლობები და რამოდენიმე შეკითხვას გაეცით პასუხი:
ხართ თუ არა თქვენს თავში დარწმუნებული?
გაქვთ თუ არა ლიდერის თვისებები და ადვილად ღებულობთ თუ არა გადაწყვეტილებებს?
შეგიძლიათ პასუხისმგებლობის თქვენს თავზე აღება?
გაქვთ თუ არა ადამიანების მართვის გამოცდილება?
გაქვთ თუ არა რაიმე ცოდნა ბიზნესის წარმოების შესახებ?
გიადვილდებათ ადამიანებთან ურთიერთობა?
ადვილად იღებთ გადაწყვეტილებებს?
თუ თქვენ, ზემოთ მოყვანილი კითხვების უმეტესობაზე დადებითი პასუხი გაქვთ, მაშინ ბიზნესი თქვენთვის ყოფილა მოგონილი. თუ რამოდენიმე კითხვაზე პასუხი უარყოფითია, ესეც კარგია, გაამახვილეთ ყურადღება თქვენს ნაკლოვანებებზე, იმუშავეთ მათ აღმოფხვრაზე და თქვენ წარმატებას მიაღწევთ.
თუ უმეტეს კითხვებზე პასუხი უარყოფითი გაქვთ, მაშინ ალბათ თქვენთვის აჯობებს გარანტირებული, სტაბილური შემოსავალი გქონდეთ და სტაბილურ გარემოში მუშაობდეთ.
* * *
ეხლა კი დაივიწყეთ ყველაფერი რაც ზემოთ მოისმინეთ, ეს არის ტრადიციული სქემა იმ შეხედულებების და რჩევების რომელსაც დამწყები მეწარმეებისათვის გამოიმუშავებენ სხვადასხვა საზოგადოებრივი თუ ბიზნეს ინსტიტუტები.
გინდათ იყოთ წარმატებული? იყავით!!!
გინდათ დაიწყოთ საკუთარი საქმე? გარისკეთ და დაიწყეთ!!!
დაიჯერეთ და აუცილებლად გაგიმართლებთ!!!
მაგრამ აქ ჩნდება ერთი შეკითხვა, რა სახის ბიზნესი გვინდა დავიწყოთ, ან გვაქვს კი საერთოდ ბიზნეს იდეა.
თუ თქვენ უკვე შერჩეული გაქვთ საქმე რომელის დაწყებაც გინდათ, მაშინ კარგად შევაფასოთ რამდენად გახორციელებადია ეს იდეა. ბევრი მეწარმე ჯერ ბიზნეს იწყებს და მერე ხვდება, რომ თურმე ყველაფერი ისე ადვილი არ ყოფილა როგორც თავიდან ეჩვენებოდა. ნება მოგვეცით რამდენიმე მარტივი რჩევა მოგცეთ:
-გააცანით თქვენი იდეა მაქსიმალურად ბევრ ადამიანს: ოჯახის წევრებს, მეგობრებს, ახლობლებს რომელთაც შეხება აქვთ ბიზნესთან. მოუსმინეთ ყველას აზრს, თუნდაც კრიტიკულს. გაანალიზეთ ყველაფერი კარგად, წარმოიდგინეთ რა რისკზე მიდიხართ და გარისკეთ.
-შეაგროვეთ მაქსიმალური ინფორმაცია თქვენი ბიზნესის შესახებ, შეისწავლეთ ბაზარი
- გაესაუბრეთ პოტენციურ მომხმარებლებს და განსაკუთრებული ყურადღება მიაქციეთ მათ აზრს
-განსაკუთრებით კარგად გაეცანით კონკურენტებს. გახსოვდეთ რომ თქვენი ამოცანაა პირველი იყოთ ამ სფეროში. თუ ამის სურვილი და ამბიცია არა გაქვთ წარმატების იმედი ნუ გექნებათ.
- შეადგინეთ ბიზნეს გეგმა. კარგად დათვალეთ და დაიწყეთ საქმის კეთება.
გახსოვდეთ ბიზნესში მთავარია დრო არ დაკარგოთ და სხვებზე სწრაფად იმოქმედოთ.
და რაც მთავარია ნუ იმოქმედებთ შაბლონურად და დამკვიდრებული სტანდარტების შესაბამისად.
“შაბლონურად აზროვნება - საქმის ჩაგდების საუკეთესო საშუალებაა.” - დ. ენრაიტი
მაგრამ თუ თქვენ არ გაქვთ ბიზნეს იდეა და ძიების პროცესში ხართ, მაშინ რა ვქნათ?
საერთოდ კარგი ბიზნეს იდეის ძებნა გეგმის მიხედვით ძალიან ძნელია, თითქმის შეუძლებელი.
ხშირად გვსმენია, ბიზნესში უკვე დიდიხნია ყველაფერი მოფიქრებულია და ახალი ბიზნეს იდეის მოფიქრება წარმოუდგენელია. თუმცა საპირისპიროს ამტკიცებს ჯეფრი ფოქსი თავის წიგნში “როგორ გავაკეთოთ დიდი ფული მცირე ბიზნესში”_ “საინტერესო იდეები ფეხქვეშ გვიყრია”- ამბობს ის. თუ მას დავუჯერებთ აღმოჩნდება რომ, იდეები ჩვენს ირგვლივ დაფრინავენ. საკმარისია, მხოლოდ ფანჯარაში გავიხედოთ ან ჩავიხედოთ საკუთარ თავში და გავათავისუფლოთ იდეები, რომლებიც უკვე დიდი ხანია ჩვენში ცხოვრობენ.
* * *
ნებისმიერ ქვეყანაში სამეწარმეო საქმიანობას სახელმწიფო რეგისტრაცია ჭირდება. არარეგისტრირებული სამეწარმეო საქმიანობა ყველგან დასჯადია სახელმწიფოს მხრიდან.
საქართველოს კანონმდებლობა ბიზნესის წარმოების შემდეგ ორგანიზაციულ-სამართლებრივ ფორმებს იცნობს:
ყველაზე მისაღები ფორმა ბიზნესის დასაწყებად საქართველოში არის - ინდივიდუალური საწარმო და შეზღუდული პასუხისმგებლობის საზოგადოება – შპს.
განვიხილოთ ორივე ფორმა და შევადაროთ ერთმანეთს მათი დადებითი და უარყოფითი მხარეები.
ინდივიდუალური საწარმო – ეს არის მცირე საწარმო, რომელსაც ერთი ადამიანი ან ოჯახი ფლობს. საწარმოს ვალდებულებებზე (გადასახადების გადახდა, კრედიტორული დავალიანება ან საბანკო კრედიტი) პასუხისმგებელია მისი მეპატრონე, მთელი თავისი ქონებით და არა მხოლოდ ბიზნესის ქონებით.
დადებითი მხარეები: რეგისტრაციას არ სჭირდება წესდება და სხვა იურიდიული დოკუმენტები. რეგისტრაციის ხარჯები დაბალია.
უარყოფითი მხარეები - მფლობელი პირადი ქონებით არის პასუხისმგებელი მოვალეებთან, დიდი კაპიტალის მოზიდვის სიძნელეები. მეპატრონეს უხდება ბიზნესის წარმოების ყველა ასპექტის მართვა, ბიზნეს პარტნიორები არასერიოზულად ეკიდებიან ასეთი სამართლებრივი ფორმის მქონე პარტნიორს.
და ბოლოს, როგორც წესი, წარმატებული ინდივიდუალური საწარმო შპს-დ გარდაიქმნება.
შეზღუდული პასუხისმგებლობის საწარმო – ერთ-ერთი ყველაზე გავრცელებული ფორმაა საქართველოში. შპს-ს შეიძლება დააფუძნოს 1-დან 49-მდე პარტნიორმა.
დადებითი მხარეები - შპს-ს წევრები საზოგადოების მიერ აღებულ ვალდებულებებზე პასუხს აგებენ მხოლოდ საზოგადოების კაპიტალში თავიანთი შენატანების ფარგლებში. საზოგადოება კი, როგორც იურიდიული პირი, პასუხს აგებს მესამე პირების წინაშე მხოლოდ თავისი ქონებით. კლიენტებისთვის და პარტნიორებისათვის შპს, როგორც წესი, უფრო სანდოა, ვიდრე “ინდმეწარმე”, საბანკო კრედიტი უფრო ხელმისაწვდომია. აქვს საფირმო სახელი, რომელიც კანონმდებლობით არის დაცული. მიღებული საგადასახადო ფორმების გარდა არ ევალება რეგულარული დეტალური ანგარიშების ჩაბარება თავისი საქმიანობის შესახებ.
უარყოფითი მხარეები: დაფუძნების და შემდგომი ხარჯები უფრო დიდია, ვიდრე “ინდმეწარმის” შემთხვევაში. წილის გასხვისება უფრო რთულია სხვა ანალოგიურ ფორმებთან შედარებით. მნიშვნელოვანი გადაწყვეტილებების მიღებას პარტნიორებთან შეთანხმება ჭირდება.
რაც შეეხება გადასახადებს, ის თითქმის იდენტურია ორივე შემთხვევაში, თუმცa არის განსხვავებებიც.
დღეს საქართველოში მოქმედი ბიზნესის ორგანიზაციულ-სამართლებრივი ფორმებს შორის ყველაზე მეტია შპს-ს, როგორც ყველაზე მოქნილი ფორმის, ხვედრითი წილი და როგორც ზემოთ აღვნიშნეთ, ბოლოს როგორც წესი წარმატებული ინდივიდუალური საწარმო შპს-დ გარდაიქმნება.
მაშ ასე, ჩვენ მივიღეთ გადაწყვეტილება ვყოფილიყავით წარმატებული ბიზნესმენები, ავირჩიეთ ბიზნესის ის სფერო, რომელშიც ჩვენ აუცილებლად პირველები ვიქნებით და უკვე მზადა ვართ დავიწყოთ საქმის კეთება. ბიზნესის საწარმოებლად ორგანიზაციულ-სამართლებრივ ფორმად შეზღუდული პასუხისმგებლობის საწარმო ავირჩიეთ და ეხლა გვინდა დავარეგისტრიროთ ჩვენი ბიზნესი..
დღეს შპს-ს დარეგისტრირება ძალიან გამარტივებულია. საკმარისია მოძებნოთ თავისუფალი 30 წუთი, მიხვიდეთ საგადასახადოში და დაარეგისტრიროთ თქვენი საწარმო.
გილოცავთ, თქვენ უკვე ოფიციალურად იურიდიული პირი ბრძანდებით და ეხლა წინ აღარაფერი გეღობებათ!
დაიწყეთ ბიზნესი და იშოვეთ დიდი ფული!!!
გიორგი გურული
„ნატოს უმაღლესი დონის შეხვედრამ ჰააგაში, სადაც პროგრამის მთავარ მშვენებად დონალდ ტრამპი გახდა, ევროპის განხეთქილება და გაუბედაობა მხოლოდ მიჩქმალა. ცხადი გახდა, რომ ალიანსი საერთოდ არაფრად არ ღირს აშშ-ის ხელმძღვანელობისა და მხარდაჭერის გარეშე.. და ეს მხარდაჭერა რომ მიიღოს ვაშინგტონიდან, ყველა მისი დანარჩენი წევრი მზად არის მუხლებზე დაიჩოქოს“, - ნათქვამია ბრიტანულ გაზეთ „თაიმსში“ (The Times) დაბეჭდილ სტატიაში სათაურით „ნატოს პოტიომკინური სამიტი სიკვდილის სიგნალებს გზავნის. რა აჩვენა ალიანსის ჰააგის შეხვედრამ: ევროპელი წევრების გაუბედაობა და განხეთქილება მათ რიგებში“ (ავტორი - ედვარდ ლუკასი, პოლიტოლოგი, ჟურნალისტი).
გთავაზობთ პუბლიკაციას მცირე შემოკლებით:
სამხედრო ალიანსს სიმხდალე და მშიშრობა არ შეშვენის, მაგრამ სწორედ ეს სუფევდა ჰააგაში გამართულ ნატოს სამიტზე. ჰოლანდიურ ქალაქში შეკრებილმა ლიდერებმა აჩვენეს, რომ მათ დონალდ ტრამპის წინაშე უფრო მეტ შიშს განიცდიან, ვიდრე ვლადიმერ პუტინის მიმართ.
აშშ-ის პრეზიდენტისათვის რომ ეამებინათ, ნატოს ლიდერებმა შეამოკლედ დღის წესრიგი, უკან დასწიიეს უკრაინა, შეარბილეს რუსეთისადმი კრიტიკული დამოკიდებულება და თავი დაიძვრინეს გადაუდებელი გადაწყვეტილებების მიღებისაგან. ამ მეთოდმა, სამწუხაროდ, იმოქმედა - გარკვეული დროით მაინც.
რუსი თავადი გრიგოლ პოტიომკინი ასეთ მდგომარეობას მოიწონებდა. შთაბეჭდილება რომ მოეხდინა რუსეთის იმპერატორ ეკატერინე II-ზე და სასახლის მუქთამჭამელ გარემოცვაზე, 1787 წელს ოსმალეთისგან წართმეულ ყირიმისაკენ მოგზაურობის დროს, რუსმა დიდებულმა, რომელიც იმ დროს ნოვოროსიის (ყირიმის და ტავრიის) გუბერნატორი იყო, ლეგენდის თანახმად, ბუტაფორული გადასატანი სოფლების იდეა მოიფიქრა. გზის პირას ლამაზ-ლამაზი სახლები ჩაამწკრივა და დედოფალს ასიამოვნა, თუმცა, როგორც ამბობენ, სახლების მიღმა ცარიელი ველ-მინდვრები იყო. დღეს გრიგოლ პოტიომკინის თანამედროვე კოლეგები ნატოს სამიტზე ცდილობდნენ შთაბეჭდილება მოეხდინათ სხვა მბრძანებელზე - იმპერატორ დონალდ I-ზე.
დონალდის თაყვანისმცემლებში ნატოს გენმდივანი მარკ რიუტე ლიდერობს. თავისი პირფერობა-პირმოთნეობით აშშ-ის პრეზიდენტის მიმართ ნიდერლანდების ყოფილმა პრემიერმა თავისი ქვეყნის ეროვნული დამახასიათებელი ნიშანი აჩვენა - პრაგმატიზმი, თანაც ჯერ არნახულ დონეზე. მისი პირადი მისალმება დონალდ ტრამპისადმი (რომელიც ძლევამოსილმა ადრესატმა ჩვეული ფორმით გამოაქვეყნა სოციალურ ქსელში), თითქმის პაროდიად გადაიქცა პრეზიდენტის გამოსვლის ფონზე. მასში გენმდივანმა მადლობა უთხრა „დონალდ I“-ს იმისათვის, რომ მან მოკავშირეებს თავს მოახვია თავდაცვის ხარჯების ახალი დონე, მთლიანი შიდა პროდუქტის (მშპ) 5%-ის მოცულობით და აღფრთოვნებით განაცხადა: „ევროპა გადაიხდის იმდენს, რამდენიც საჭიროა და ეს ყველაფერი თქვენი გამარჯვება იქნება“.
იმ ქვეყნებს, რომლებიც რუსეთის საფრთხეს განსაკუთრებით მწვავედ გრძნობენ (მეზობლები - ბალტიისპირეთი, პოლონეთი...), თავიანთ ბიუჯეტში დიდი ხანია 5%-იანი და მეტი ხარჯვა აქვთ სამხედრო სფეროში, მაგრამ მათ არ შეუძლიათ ფული სხვების ნაცვლად იხადონ. „ლიეტუვას შეუძლია 100%-ის გადახდაც, მაგრამ მისი ფული მაინც არ იქნება საკმარისი, რათა დააბალანსოს იმ ქვეყნების ხარჯები, რომლებიც თავიანთ ვალდებულებებს არ ასრულებენ“, - აღნიშნავს ქვეყნის ყოფილი საგარეო საქმეთა მინისტრი გაბრიელიუს ლანდსბერგისი.
მათთვის (და ვლადიმერ პუტინისთვის) საბედნიეროდ, სამანევრო სივრცე საკმარისზე მეტია: ამ 5%-ში შევიდა 1,5%-იანი თანმდევი ხარჯები უსაფრთხოებისათვის. წესით და რიგით, ეს თანხა უნდა დაიხარჯოს უკრაინის დასახმარებლად - სამოქალაქო თავდაცვის განსამტკიცებლად და რუსი ჯაშუშების გამოვლენა-დასაჭერად, რაც ნამდვილად ქება-დიდებას იმსახურებს. მაგრამ ამ თანხების ხარჯვის დროს შეიძლება საბუხჰალტრო წიგნების გაყალბებაც... და რაც ყველაზე მთავარია, 5%-იანი ხარჯების ზრდის საბოლოო ვადაა შორეული 2035 წელი, როცა დღევანდელი პოლიტიკოსებისაგან, რომლებიც ჰააგის სამიტში მონაწილეობდნენ, ცოტა ვინმე თუ იქნება ხელისუფლების საჭესთან.
რაც კიდევ უფრო მნიშვნელოვანია, გაზრდილი სამხედრო ხარჯები პოლიტიკურად არაპოპულარულია და ეკონომიკურად დამანგრეველი. „საბჭოთა კავშირს ძირი სწორედ ასეთმა ხარჯებმა გამოუთხარა, როცა ბიუჯეტმა, სამხედრო ასიგნებების ზრდის კვალობაზე, ვეღარ შეძლო მოსახლეობის სოციალური მდგომარეობის გაუმჯობესება და მათი კეთილდღეობის დონის ზრდა“, - ჩაფიქრებულმა ჩაილაპარაკა სამიტის ერთ-ერთმა მონაწილემ. კაცმა რომ თქვას, ნატოს ევროპელი წევრები ერთობლიობაში რუსეთთან შედარებით ათჯერ უფრო მდიდრები არიან. მათ რომ სწორად დახარჯონ დღეს არსებული სამხედრო ბიუჯეტები, ყველაფერი კარგად იქნებოდა, მაგრამ ისინი ვერ ხედავენ, ან განგებ არ ამჩნევენ სახიფათო ხვრელებს თავდაცვაში და იმედს სამომავლო ხარჯებზე ამყარებენ.
სამიტის ოპტიმისტური ტონი ნაკარნახევი იყო ძირითადად იმის გაცნობიერებით, რომ თავიდან იქნა აცილებული კიდევ უფრო დიდი კატასტროფა. ჯერ ერთი, რომ სამიტი, პრინციპში, შედგა, თუმცა რამდენიმე თვის წინათ მისი ჩატარება კითხვის ნიშნის ქვეშ იდგა; მეორე - დონალდმა კეთილი ინება და ჰააგაში ჩაბრძანდა. საბედნიეროდ, სკანდალიც კი არ აუტეხავს. ნათელი გახდა, რომ დონალდი და მისი ადმინისტრაცია ევროპის ტავდაცვას ძველებურად მხარს უჭერს - უკიდურეს შემთხვევაში, სიტყვით მაინც. ვლადიმერ პუტინთან მისი მეგობრული ურთიერთობის მიუხედავადა, სამიტის ერთობლივ კომუნიკეში რუსეთი მაინც ნეგატიურად არის მოხსენიებული - „გრძელვადიან საფრთხედ“ (თუმცა ეპითეტი „უშუალო“ რომ გამოეყენებინათ, უფრო კარგი იქნებოდა). დონალდ ტრამპმა ჟურნალისტებთან შეხვედრისას თავი აარიდა ასეთი შეფასების პირდაპირ დადასტურებას და მხოლოდ იმით შემოიფარგლა, რომ თქვა - „რუსეთის ლიდერი შეცდომებს უშვებსო“.
ჩრდილოატლანტიკური ალიანსის წინა სამიტების დროს გამოთქმული დაფიცებები და დაპირებები ჰააგის სამიტის დეკლარაციაში აღარ განმეორებულა, თუმცა არც გაუქმებულა. ვოლოდიმირ ზელენსკის ნატოს ლიდერების შეხვედრაზე უკვე აღარ დაუძახეს, მაგრამ მისთვის ტაშისკვრა არ შეუწყვეტიათ. მისი შეხვედრა „ტეტ-ა-ტეტ“ აშშ-ის პრეზიდენტთან ძალიან ზრდილობიანად გაიმართა. „რა თქმა უნდა, მას არ შეეძლო სიყვარულის გამომხატევლი ყოფილიყო“, - შეაფასა დონალდ ტრამპმა მისი მდგომარეობა და მიანიშნა, რომ შეიძლება მიჰყიდოს უკრაინას კიევისათვის უკიდურესად აუცილებელი ჰაერსაწინააღმდეგო დაცვის სისტემები, კერძოდ, „პეტრიოტის“ საზენიტო-რაკეტული კომპლექსი.
ეს სასიამოვნო ახალი ამბავი იმ პრეს-კონფერენციაზე გაჟღერდა, რომელზეც დონალდ ტრამპი პირდაპირ სხივებს აფრქვევდა თვითკმაყოფილებისაგან. მან აღიარა, რომ მისმა ნატოელმა კოლეგებმა ალიანსის მიმართ დამოკიდებულება შეცვალეს და აჩვენეს, რომ „მათ ნამდვილად უყვართ თავიანთი ქვეყნები და რომ სამხედრო ხარჯები ზრდა ვიღაცის აჩემებული საკითხი არ არის“. ნატოს მიმართ მისი მრავალწლიანი უგულებელყოფა და „აბუჩად აგდება“ ამჟამად აღტაცებული მოწონებით შეიცვალა.
თუმცა მანამდე სულ რაღაც რამდენიმე საათის წინ დონალდ ტრამპმა ევროპა თითქმის ისტერიკამდე მიიყვანა, როცა ეჭვის ქვეშ დააყენა ნატოს ძირითადი ვალდებულება კოლექტიური თავდაცვის თაობაზე: მან თქვა, რომ აშშ-ის ერთგულება ნატოს ხელშეკრულების მე-5 პუნქტის მიმართ დამოკიდებულია მის ინტერპრეტაციებზე და განმარტებებზე, რომლებიც საკმაოდ ბევრიაო. როგორც ხშირად ხდება ხოლმე დონალდ ტრამპის განცხადებების ირგვლივ, ამაში არის რაღაც სიმართლე₾ ატლანტიკური ქარტიის ყველაზე ხმაურიანი პუნქტი ალიანსის წევრებს მხოლოდ მოუწოდებს ერთმანეთს დაეხმარონ უცხო ქვეყნის თავდასხმის შემთხვევაში, მაგრამ არამც და არამც არ ავალდებულებს.
თუ განსვსჯით პრობლემის ჭეშმარიტ მასშტაბებს (და არა კატასტროფას, რომლის თავიდან აცილება მოხერხდა), სამიტის შედეგები სრულიად სხვაგვარად გამოიყურება: ასეთი დაჟინებული ყურადღება დონალდ ტრამპის განწყობების მიმართ და სიტყვების გულდასმით შერჩევა ხაზს უსვამს ალიანსის მოწყვლადობას პრეზიდენტის კაპრიზების წინაშე. ნატოს მთლიანობაში მაინც აშშ-ის იმედი აქვს, მის სიმძლავრეს ეყრდნობა, მისი დახმარებით და ხელშეწყობით ცდილობს მრავალრიცხოვანი ბზარების ამოქოლვას. ეს არის საბრძოლო მასალებისა და სათადარიგო ნაწილების მწირი რეზერვები, ჰაერსწინააღმდეგო და რაკეტსაწინააღმდეგო თავდაცვის სისუსტე, მცირე რაოდენობის შორსმსროლელი ქვემეხები და სუსტი ლოჯისტიკა, დაზვერვის ჩათვლით. ევროპაში რეზერვები თითქმის ფსკერზეა დასული: „ყველაფერი მხოლოდ თითო-თითო დარჩა“, - მითხრა ამას წინათ ევროპაში აშშ-ის არმიის ყოფილმა სარდალმა, გენერალმა ფრედერიკ ბენ-ჰოჯესმა. მოკავშირეები გაოგნებულნი არიან დონალდ ტრამპის ქცევით და მის ჭეშმარიტ ზრახვებზე მკითხაობენ. პოზიტიური ისაა, რომ ალბათ, ვლადიმერ პუტინიც იგივე მდგომარეობაში იმყოფება ტრამპთან მიმართებით. სხვათა შორის, ზოგჯერ ორაზროვნებას უფრო მეტი მნიშვნელობა აქვს, ვიდრე ნათლად გარკვევას.
მაგრამ საქმების გაჭიანურება და გაუბედაობა არ გამქარალა: როგორც გაბრიელიუს ლანდსბერგისმა შენიშნა, „უკრაინა ყურადღებიდან გამორჩათ“. სანამ სამიტზე ყვედობდნენ და ხმაურობდნენ, რუსული დრონებისა და რაკეტების თავდასხმამ ათობით უკრაინელი მოქალაქის სიცოცხლე შეიწირა. ევროპა ასეთ სიტუაციას იმდენად მიეჩვია, რომ დაბომბვის ფაქტები სტატიების სათაურებშიც აღარ ხვდება. ზოგიერთებისათვის სიმხდალე და გაუბედაობა იაფი ჯდება მაშინ, როცა მის ფასს სხვები იხდიან.
