ავტორი: შოთა ტყეშელაშვილი

წყარო:https://bm.ge/

რიკოთის მაგისტრალის ჩუმათელეთი ხევის მონაკვეთზე არსებული სარისკო ფერდობის გამაგრებისთვის 2023 წლის ნოემბერში 64-მილიონიანი ტენდერი გამოცხადდა. სახელმწიფო შესყიდვების სააგენტოს ვებგვერდის თანახმად, ტენდერში გამარჯვებული უკვე გამოვლენილია და აღნიშნულ სამუშაოებს 62 მილიონ ლარად ქართული სამშენებლო საინჟინრო კომპანია "ცეკური" შეასრულებს.

სარისკო ფერდობი თბილისი-სენაკი-ლესელიძის, ანუ აღმოსავლეთ-დასავლეთის ცენტრალური მაგისტრალის 149-ე კილომეტრზე მდებარეობს. მასზე პირველად მეწყერი 2022 წლის ივნისში შენიშნეს, გამოც სახელმწიფომ გზაზე გადაადგილების სპეციალური რეჟიმი დააწესა. ფერდობზე შემდგომი მოძრაობების არარსებობის გამო, გზაზე შეზღუდვები გასულ წელს მოიხსნა, ხოლო პარალელურ რეჟიმში მიმდინარეობდა ხევის სტაბილიზაციის პროექტის მომზადება, შესაბამისი შესყიდვა კი საავტომობილო გზების დეპარტამენტმა ნოემბერში გამოაცხადა.

ტენდერში ორმა კომპანიამ - "ცეკურმა" და "ენერგონმა" მიიღეს მონაწილეობა, თუმცა გზების დეპარტამენტმა "ენერგონს" ტექნიკური დოკუმენტაციის გამო დისკვალიფიკაცია მიანიჭა, შესაბამისად ტენდერში გამარჯვებულად "ცეკური" დასახელდა. "ენერგონი" სახელმწიფოს ამ ფერდობის გამაგრებას 58.8 მილიონ ლარად სთავაზობდა.