USD 2.7315
EUR 3.1202
RUB 3.4423
თბილისი
რევაზ სოხაძე - ყოფილი აბრეშუმის ფაბრიკის ტერიტორიის მიმდებარედ დაგეგმილი მშენებლობის პროექტთან დაკავშირებით პირველი ეტაპი ხორციელდება
თარიღი:  406

თბილისის საკრებულოს ურბანული დაგეგმარების და საქალაქო მეურნეობის კომისიის თავმჯდომარე რევაზ სოხაძე ოპოზიციის ბრალდებებს ეხმაურება და ყოფილი აბრეშუმის ფაბრიკის ტერიტორიის მიმდებარედ დაგეგმილი მშენებლობის პროექტთან დაკავშირებით განმარტებებს აკეთებს. ამის შესახებ ინფორმაციას თბილისის საკრებულო ავრცელებს.

რევაზ სოხაძის განცხადებით, სრულიად გასაგებია, რომ ოპოზიციის წარმომადგენლებს პოლიტიკური მიზანშეწონილობიდან გამომდინარე გარკვეული განცხადებების კეთება უწევთ, თუმცა პროფესიული კუთხით ეს არც მისაღები და არც სწორი არ არის.

საკრებულოს წევრის თქმით, თბილისში მშენებლობის დასაწყებად რამდენიმესაფეხურიანი სანებართვო სისტემა არსებობს, რომელიც საბოლოო სახის მიღებამდე ნებისმიერმა პროექტმა უნდა გაიაროს.

„თბილისში ძნელად თუ მოიძებნება მშენებლობა, რომელსაც ესა თუ ის მხარე, ჯგუფი თუ ადამიანი არ აკრიტიკებს. ჩვენს დედაქალაქში მშენებლობის ნებართვის მისაღებად რამდენიმესაფეხურიანი სისტემა არსებობს. ნებისმიერმა პროექტმა საბოლოო სახის მიღებამდე რამდენიმე ეტაპი უნდა გაიაროს.

ყოფილი აბრეშუმის ფაბრიკის ტერიტორიის მიმდებარედ დაგეგმილი მშენებლობის პროექტთან დაკავშირებით ახლა პირველი ეტაპი ხორციელდება, რაც განაშენიანების რეგულირების გეგმის (გრგ-ის) დავალებას გულისხმობს. სწორედ ამ დავალების ფარგლებში განხორციელდება ყველა ის საჭირო კვლევა, რომლებზეც ჩვენი ოპონენტები საუბრობენ“, - აცხადებს რევაზ სოხაძე.

მისივე განმარტებით, მუნიციპალიტეტის მთავრობის გადაწყვეტილებაში, რომელიც საკრებულოს უახლოეს სხდომაზე უნდა დამტკიცდეს, ჩამოთვლილია კვლევები, რომლებიც უნდა ჩატარდეს. გრგ-ის დავალებაც სწორედ ამას გულისხმობს.

„დამკვეთი იღებს დავალებას, თუ რა კვლევები უნდა აწარმოოს და პროექტი მხოლოდ ამის შემდეგ, ჩატარებული კვლევების შედეგებზე დაყრდნობით, უნდა წარმოადგინოს.

მუნიციპალიტეტის მთავრობის გადაწყვეტილებაში, იმისათვის, რომ ნებისმიერი რისკისგან დაზღვეული ვიყოთ, ჩამოთვლილია ყველა ის კვლევა, რომლებზეც ჩვენი ოპონენტები აპელირებენ. დღეს გრგ-ის დავალების ეტაპზე, ნებისმიერი მსჯელობა არქიტექტურულ იერსახეზე თუ სხვა რამეზე არის არარელევანტური, რადგან ეს არის კონცეფცია, გარკვეული მონახაზი, მაგრამ, რა თქმა უნდა, არ არის ზუსტი პროექტი“, - აცხადებს რევაზ სოხაძე.

მისივე თქმით, ოპოზიციის მიერ დასმულ ყველა კითხვას პასუხი გრგ-ის დავალების შესრულების შემდეგ გაეცემა.

„ამ პროექტთან დაკავშირებით მსჯელობა დედაქალაქის სხვადასხვა წრეებში უკვე დიდი ხანია მიმდინარეობს. პროექტს გავლილი აქვს ისტორიული საბჭო. იყო სხვადასხვა ვარიანტები, თუ როგორ უნდა მომხდარიყო აღნიშნული ტერიტორიის განაშენიანება, საბოლოო ჯამში შეჯერება მაღლივ განაშენიანებაზე მოხდა, მე პირადად მიმაჩნია, რომ ეს კონცეფცია, რომელიც დღეს არის წარმოდგენილი, არის ოპტიმალური და მისაღები“, - აცხადებს რევაზ სოხაძე.

თბილისი
პეკინის N6-8-ში არსებულ შიდა ეზოში საგზაო სამუშაოები მიმდინარეობს
პეკინის N6-8-ში არსებულ შიდა ეზოში საგზაო სამუშაოები მიმდინარეობს.
 
პროექტის ფარგლებში, 1 100კვ. მ ფართობზე ასფალტის ორფენიანი საფარი იგება. შედეგად, მოქალაქეებისთვის გადაადგილება უფრო კომფორტული გახდება.
 
პროექტს, საბურთალოს რაიონის კონტრაქტორი კომპანია „ელ ენდ ელ“ ახორციელებს.
 
აღნიშნულ ტერიტორიაზე „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, უკვე განხორციელდა წყლისა და წყალარინების ქსელის რეაბილიტაცია.
 
პროექტის ჯამური ღირებულება ღირებულება 406 602 ლარია.
 
მიმდინარე სამუშაოებს საბურთალოს რაიონის გამგებელი გიზო ვასაძე გაეცნო.
სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.