,
,,მესტიის მუნიციპალიტეტში მიმდინარეობს ბევრი მნიშვნელოვანი პროექტი, არის გამოწვევებიც, რომელზეც შესაბამის რეაგირებას მოვახდენთ. მნიშნელოვანია, მესტიის ისტორიული ზონის რეაბილიტაცია და ეს პროცესი გაგრძელდება, რაც აუცილებელია ერთი მხრივ, კულტურული მემკვიდრეობის შენარჩუნებისათვის და მეორე მხრივ, ტურიზმის განვითარებისათვის. აქტიურად მიმდინარეობს მუშაობა ზუგდიდი-მესტიის გზის რეაბილიტაციისთვის, თუმცა არის გარკვეული პრობლემური ადგილები, რომელიც ათწლეულებია არსებობს, შევეცდებით, რომ სწორი საინჟინრო გადაწყვეტები მოვნახოთ მათ გადასაჭრელად”-განაცხადა ინფრასტრუქტურის მინისტრმა, რევაზ სოხაძემ რეგიონში ინფრასტრუქტურული პროექტების დათვალიერების შემდეგ.
რევაზ სოხაძე, ზემო სვანეთში ინფრასტრუქტურული პროექტების მიმდინარეობას, შედეგებსა და გამოწვევებს, საქართველოს პარლამენტის წევრებთან - სოზარ სუბართან და ვიქტორ ჯაფარიძესთან, ასევე, ადგილობრივი ხელისუფლების წარმომადგენლებთან ერთად ადგილზე გაეცნო.
აქტიურად მიმდინარეობს ზუგდიდი-მესტიის დამაკავშირებელი გზის რეაბილიტაცია. იგეგმება ასფალტ-ბეტონის საფარის მოწყობა, ხიდებისა და საყრდენი კედლების შეკეთება, ასევე საგზაო ინფრასტრუქტურის მოწყობა, რაც მნიშვნელოვნად გააუმჯობესებს გადაადგილების უსაფრთხოებასა და კომფორტს. პროექტის ღირებულება 43.6 მლნ ლარს შეადგენს და სახელმწიფო ბიუჯეტიდან ფინანსდება.
მინისტრმა ადგილზე დაათვალიერა მდინარე ნენსკრას ხეობაში მდებარე ხაიში-საკენი-ომარიშარას საავტომობილო გზის მონაკვეთის სარეაბილიტაციო სამუშაოები. იგეგმება ცემენტ-ბეტონის საფარის, ქვედა საყრდენი კედლების და ახალი სახიდე გადასასვლელის აშენება მდინარე ნენსკრაზე.
მიმდინარეობს ზუგდიდი-მესტიის დამაკავშირებელ გზაზე, სტიქიისგან დაზიანებული ცალკეული მონაკვეთების აღდგენა. მოეწყობა ასფალტის საფარი, რკინა-ბეტონის კედლები და ზღუდარები. პროექტის ღირებულება 670 ათას ლარამდეა. მინისტრმა მესტიის მუნიციპალიტეტში საგანმანათლებლო და ურბანული პროექტებიც მოინახულა.
როგორც მინისტრმა განმარტა, ზოგიერთ საბავშვო ბაღში არსებული პრობლემების მოსაგვარებლად, სამინისტრო საქმის სრული ანალიზის შემდეგ მიიღებს გადაწყვეტილებებს პრობლემის გადასაჭრელად.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
