,
რესტორან „11 კათხას“ დირექტორი დავით ტრაპაიძე „ბიზნესპარტნიორთან“ აცხადებს, რომ რესტორანი ერთ წელზე მეტია დახურულია და არ მუშაობს. მისი განმარტებით, გამომდინარე იქიდან, რომ ობიექტი ტურისტულად აქტიურ ქუჩაზეა, შემოსავლების ძირითად ნაწილს უცხოელი ტურისტებიდან მიღებული თანხები წარმოადგენდა. ამ პირობებში, კი როდესაც ქვეყანაში ტურისტები არ არიან, რესტორანის გახსნა და მუშაობა არ ღირს.
„ჩვენ ვართ პუშკინის ქუჩაზე, მუშაობას აზრი არ აქვს. ნაკლები შემოსავლების პირობებში და იმ დროს, როცა რესტორნები შაბათ-კვირას არ მუშაობენ, კომუნალურები 50%-ით გაგვიძვირდა. ამათ ჰგონიათ, რომ მარტო გახსნაა საქმე. რომ გვქონდეს საკრედიტო ხაზი, ან რესურსი გვქონდეს, კი ბატონო, მაგრამ თანამშრომელი ვამუშაო და შემდეგ ხელფასი ვერ გაგავუხადო, ასე არ გამოვა,“ - აცხადებს ტრაპაიძე.
რაც შეეხება მოლოდინებს, ტრაპაიძე აცხადებს, რომ სამომავლოდ, შესაძლოა ბაზარზე რესტორნების გამსხვილების პროცესიც დაიწყოს. კერძოდ, გაქრეს ნაკლები ფინანსების მქონე ობიექტები, რომლებსაც ფინანსურად შედარებით ძლიერი კომპანიები შეისყიდიან.
„წლები თუ არა, თვეები მაინც დასჭირდება იმას, რომ ძველ მაჩვენებლებს დავუბრუნეთ. ვისაც საშუალება ექნება გაიხსნება და იმუშავებს, ვისაც არა და ჩანაცვლდება ბიზნესები. სულ მცირე 50 000 ლარი მაინცაა საჭირო იმისთვის, რომ რესტორანმა მუშაობა განაახლოს, თანამშრომლები 1 თვე შეინახო და კომუნალურები იხადო. ამას ემატება იჯარის თანხაც,“ - აცხადებს ტრაპაიძე.
ავტორი: სოფო ქსოვრელი
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
