USD 2.7503
EUR 3.1249
RUB 3.3429
თბილისი
რესპუბლიკური საავადმყოფოს თანამშრომლებს ფიქრისთვის 90 დღე აქვთ. საავადმყოფოს დირექტორის მოვალეობის შემსრულებელი, თეა თავართქილაძე ამბობს, რომ თანამშრომლებისთვის მწვავე იყო ამ შეთავაზებების მოსმენა
თარიღი:  

ჯანდაცვის სამინისტროს პროექტების განმახორციელებელი ერთეულის მენეჯერის, ნინო კვერნაძის განცხადებით, რესპუბლიკური საავადმყოფოს თანამშრომლებს კომპენსაციის რამდენიმე პაკეტი შესთავაზეს და მათ ფიქრისთვის 90 დღე აქვთ.

საქმე ის არის, რომ მთავრობა რესპუბლიკური საავადმყოფოს თავიდან ააშენებს. არსებული შენობის დემონტაჟის აუცილებლობა ჩატარებული ექსპერტიზებით დადგინდა.

„დღეს რესპუბლიკური საავადმყოფოს თანამშრომლებთან შედგა შეხვედრა და მათ გაეცნოთ ყველა ის საკომპენსაციო პაკეტი და მოცულობა, რაზეც სამინისტრომ იმუშავა ბოლო ერთი თვის განმავლობაში. საკომპენსაციო პაკეტი განსხვავებულია შრომის კოდექსისგან და გაცილებით დიდია, რასაც შრომის კოდექსი ითვალისწინებს და რაც არის 2 თვე. თანამშრომელი, რომელიც მხოლოდ რესპუბლიკურ საავადმყოფოში მუშაობს, მისთვის განსხვავებული პაკეტია შეთავაზებული და შეთავაზებები ეხება როგორც სამედიცინო პერსონალს, ისე ადმინისტრაციულ თანამშრომლებს. რაც შეეხება პაკეტს, იმ შემთხვევაში, თუ პირი თავიდანვე უარს იტყვის რესპუბლიკურთან გააგრძელოს რაიმე ტიპის შრომითი ხელშეკრულება, მიეცემა კომპენსაცია ხელფასის 12 თვის ოდენობით, იმ შემთხვევაში, თუ პირი მუშაობს სხვა სამსახურში, მას მიეცემა მხოლოდ 4 თვის კომპენსაცია, იმ შემთხვევაში, თუ პირი უარს იტყვის 12-თვიან ანაზღაურებაზე, შესაძლებლობა მიეცემა, აირჩიოს სხვა ტოლფასი თანამდებობა და ამ შემთხვევაშიც კი, ის მიიღებს 4 თვის კომპენსაციას. თუ დასაქმებული უარს აცხადებს მიმდინარე პოზიციის დატოვებაზე და მასზე ვერ მოხდა ტოლფასი თანამდებობის შეთავაზება, ამ შემთხვევაში განიხილება, რომ მას შეუნარჩუნდეს 3-წლიანი ხელშეკრულება ხელფასის სრული ოდენობით, თუმცა განიხილება დასაქმების შესაძლებლობა იქამდე, ვიდრე არ დასაქმდება“, - განაცხადა ნინო კვერნაძემ და განმარტა, რომ ტოლფასი სამსახურის შეთავაზებაში განიხილება შინაარსობრივად იგივე სამსახური, თუმცა გეოგრაფიულად რამდენად მისაღები იქნება, ეს მოლაპარაკების საგანია.

რაც შეეხება ფინანსურ საკითხებს, ნინო კვერნაძე განმარტავს, რომ შესაძლებელია, რესპუბლიკური საავადმყოფოს ექიმებს იმაზე მეტი ხელფასი ჰქონდეს, ვიდრე სხვა კლინიკებს, რის გამოც ექიმებისთვის კომპენსაციების მიცემა გადაწყდა.

რაც შეეხება ექიმების პოზიციას, კვერნაძე ამბობს, რომ ექიმებთან არაერთი შეხვედრისას პოზიციების შეჯერება ხდებოდა. მისი ინფორმაციით, ამ ეტაპზე რესპუბლიკურ საავადმყოფოს 600-მდე თანამშრომელი ჰყავს და მათ შეთავაზებაზე ფიქრისთვის 90 დღე აქვთ.

საავადმყოფოს დირექტორის მოვალეობის შემსრულებელი, თეა თავართქილაძე ჟურნალისტებთან ამბობს, რომ თანამშრომლებისთვის მწვავე იყო შეთავაზებების მოსმენა. თუმცა ყველა თანხმდება, რომ შენობას რეაბილიტაცია ესაჭიროება.

"გამოქვეყნდა მთავრობის განკარგულება რესპუბლიკური საავადმყოფოს დემონტაჟის შესახებ. ბატონი ილია ღუდუშაური და სამინისტროდან კოლეგები იყვნენ მოსული. შეხვედრა მოხდა კლინიკის უმეტეს ნაწილთან. გაგვაცნეს განკარგულება. რა თქმა უნდა თანამშრომლებისთვის მწვავე იყო ამის მოსმენა. ასევე სამინისტრომ ნაწილობრივ მოიტანა კომპენსაციების პაკეტი, რომლის განხორციელებასაც გეგმავს. ცხადია ასეთ ფორმატში ეს სრულად ვერ მოესწრებოდა. საუბარია დაახლოებით 650 თანამშრომელზე, რომლებიც დასაქმებული არიან როგორც კლინიკურ, ასევე ადმინისტრაციულ ნაწილში. კომპენსაცია შეეხება ყველას. საუბარია, 4-დან 12 თვემდე ხელფასის ტოლ კომპენსაციებზე. ასევე, დასაქმებაში დახმარებას. იმ პოზიციებზე, რაც ახლა უკავიათ.

ეს ჩემთვისაც სიახლე იყო და ტელევიზიით გავიგე. ყველა ხედავს, რომ შენობა არის ძალიან ავარიული , ფასადი დაზიანებულია, რის გამოც გადაკეტილია შენობის წინა პერიმეტრი. ცუდი მეტეოროლოგიური პირობების გამო მოხდა რამდენიმე კვირის წინ შენობიდან მინის ვარდნა. ფასადი მოსახსნელია. უნდა აშენდეს ახალი და ბევრად უფრო უკეთესი სახელმწიფო კლინიკა, ამაზე ყველა ვთანხმდებით.

დირექტორის მოადგილემ ვერ უპასუხა შეკითხვას მშენებლობის ვადებზე, აშენდება თუ არა დამატებით ტერიტორიაზე სხვა შენობა, ეხება თუ არა, საკომპენსაციო შეთავაზება მას და ა.შ.

,,კონკრეტულ პასუხებს ამ ეტაპზე ვერ გაგცემთ ვერაფერზე", - თქვა თეა თავართქილაძემ.

კულტურა
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.