,
თურქეთს სურს, თავისი გეოგრაფიული სამეზობლოს კავშირები ღრმა თანამშრომლობაზე მიმართოს, - ამის შესახებ თურქეთის პრეზიდენტმა, რეჯეფ თაიფ ერდოღანმა აზერბაიჯანელ კოლეგასთან, ილჰამ ალიევთან ერთობლივ პრესკონფერენციაზე განაცხადა.
"ჩვენ ძალიან გვინდა, რომ ეს ისტორიული შესაძლებლობა არ იყოს გაშვებული ხელიდან განზრახვების, გამონათქვამებისა და საქმიანობის გამო, რომლებიც რეალობას არ ემყარება. მთავარი პირობაა, რომ ყველამ, ვისაც სურს ისარგებლოს ახალი რეალობით, უარი უნდა თქვას თქვას სიძულვილისა და წაქეზების პოლიტიკაზე, მიზნად დაისახოს მშვიდობისა და თანამშრომლობის დამყარება. ასეთი გარემოს ფორმირებისას, ჩვენ როგორც კი ამის საშუალება გვაქვს, ვსაუბრობთ იმაზე, რომ სომხეთთან ურთიერთობების ნორმალიზებისთვის ყველაფერს გავაკეთებთ. იმედი გვაქვს, რომ ეს იმედისმომცემი პროცესი ძალიან ჯანსაღი ფორმით გაგრძელდება, თუ აზერბაიჯანსა და სომხეთს შორის ხელმოწერილი ცეცხლის შეწყვეტის შესახებ შეთანხმება ყოვლისმომცველი და შორსმჭვრეტელი სამშვიდობო ხელშეკრულებით დასრულდება", - განაცხადა ერდოღანმა.
მისი თქმით, ამ ნაბიჯების წყალობით რეგიონი მსოფლიოს რეგიონად გადაიქცევა.
"ჩვენ გვინდა, რომ სომხეთმა კეთილი განზრახვით გაწოდებული სოლიდარობის ხელი მიიღოს, სწორად გამოიყენოს საერთო მომავლის ერთობლივად ფორმირების შესაძლებლობა. ჩვენ ვსაუბრობთ ექვსმხრი პლატფორმაზე, როგორც იცით, ის რუსეთს, თურქეთს, აზერბაიჯანს, სომხეთს, საქართველოსა და ირანს მოიცავს. ამ ექვსმხრივი პლატფორმის დახმარებით ჩვენ რეგიონში სიმშვიდე და მშვიდობა გვინდა. ამ ნაბიჯის გადასადგმელად მე და ჩემი ძმა ნებისმიერი თავდადებისთვის მზად ვართ", - განაცხადა ერდოღანმა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
