,
დიმიტრი მაჭავარიანი : ,, მამობის 10 გაკვეთილი, რომელიც ჩემმა შვილებმა მასწავლეს"
დიმიტრის და ეკას ახლახანს ტყუპები შეეძინათ და უკვე 6 შვილის მშობლები გახდნენ.
დიმიტრი, რომელიც პროფესიით იურისტია და ჯანდაცვის სამინისტროში მუშაობს , სოციალურ ქსელში მშობლებისთვის საინტერესო და მნიშვნელოვან რჩევებს აქვეყნებს: მეგობრებო, ეშხში შევედი ამ თემებზე ფიქრით და გადავწყვიტე, გავაგრძელო!
მამობის 10 გაკვეთილი, რომელიც ჩემმა შვილებმა მასწავლეს.
მეგონა, რომ მე უნდა მესწავლებინა ყველაფერი ჩემი შვილებისთვის.
მაგრამ, რეალურად, მათ უფრო მეტი მასწავლეს, ვიდრე მე მათ – ყოველ შემთხვევაში, მოცემულ მომენტში!
აი, 10 გაკვეთილი, რომელიც ერთად ვისწავლეთ:
ყველაზე ღირებული ინვესტიცია ის დროა, რომელსაც შვილებთან ერთად ატარებ.
სიყვარული არ იყოფა – ის მრავლდება. რაც უფრო მეტი ბავშვი გყავს, მით უფრო დიდ სიყვარულს გრძნობ.
პირობა ყოველთვის უნდა შეასრულო. ბავშვისთვის „გპირდები“ ყველაზე წმინდა სიტყვაა.
ცხოვრებაში არ არსებობს „მნიშვნელობა არ აქვს“ – ბავშვებისთვის ყველა წვრილმანი მნიშვნელოვანია.
ბავშვები სარკეა – თუ გინდა, რომ პატიოსანი და მოსიყვარულე იყვნენ, ჯერ თავად უნდა აჩვენო მაგალითი.
ცხოვრება თამაშია – და თუ მასთან ერთად არ გაერთე, აზრი ეკარგება.
ხანდახან საჭიროა გაჩერდე და უბრალოდ მოუსმინო.
შეცდომები ცხოვრების ნაწილია – მთავარია, როგორ გამოვასწორებთ მათ.
დრო ძალიან სწრაფად გადის – დღეს ისინი პატარები არიან, ხვალ კი უკვე დიდები.
მამობა საუკეთესო რამაა, რაც კი შეიძლება წარმომედგინა.
.jpg)
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
