,
თბილისში გარეუბნების ზრდა და იმ ტერიტორიებს განვითარება, სადაც ბინების ყიდვა განსაკუთრებით პოპულარულია, სხვადასხვა ფაქტორებით არის განპირობებული: საცხოვრებელი ფასების ზრდა ქალაქის ცენტრში, ინფრასტრუქტურის გაუმჯობესება, ტრანსპორტის ხელმისაწვდომობა და ადამიანების მიერ უფრო დიდ სივრცეზე მოთხოვნა. ამ მიზეზებმა გამოიწვია თბილისში გარეუბნების ზრდა და მათზე მოთხოვნის მუდმივი მატება. ერთდროს ნაკლებად სასურველი უბნები დღეს ლიდერობენ გაყიდვებში. მოთხოვნის პარალელურად იზრდება ფასებიც, ეს ჩანს სტატისტიკაშიც, გასულ წელს გარეუბნებში ბინის ფასი დაახლოებით 10%-ით გაიზარდა, მაშინ როდესაც ცენტრში ზრდა გაცილებით მცირე იყო.
თბილისში, ცენტრში, საცხოვრებელი ფართების ფასები ბოლო წლებში მნიშვნელოვნად გაიზარდა. ეს გამოწვეულია გაზრდილი მოთხოვნით და მიწის შეზღუდული რესურსებით. გარეუბნები ხშირად გთავაზობთ უფრო დაბალ ფასებს და მეტ სივრცეს.
თბილისის გარეუბნებში გადასვლა უფრო კომფორტული გახდა ტრანსპორტის საშუალებების გაუმჯობესების შედეგად. ახალი მარშრუტების, ავტობუსებისა და მეტროს ხაზების განვითარებამ ქალაქის ცენტრთან კავშირი გაადვილა. ეს მნიშვნელოვნად ამარტივებს გადაადგილებას და იწვევს მოთხოვნის ზრდას გარეუბნებში.
თბილისის გარეუბნებში ინფრასტრუქტურის განვითარება მნიშვნელოვან როლს ასრულებს მათ პოპულარობაში. ბოლო წლების განმავლობაში, დიდი ინვესტიციები განახორციელდა სატრანსპორტო ქსელების, სკოლების, სუპერმარკეტების, რეკრეაციული პარკების და სხვა საჭირო ინფრასტრუქტურული ობიექტების განვითარებაში. ამის შედეგად, გარეუბნები უფრო მომხიბვლელი და კომფორტული ადგილები გახდა საცხოვრებლად.
თბილისის ცენტრი ხშირად ხმაურიანია, ხალხით სავსეა და საცობებით არის დატვირთული. ამ დროს გარეუბნებში ცხოვრება ბევრად უფრო მშვიდი და კომფორტულია. ოჯახები, განსაკუთრებით პატარა ბავშვებით, ხშირად არჩევენ გარეუბნებში ცხოვრებას რადგან აქ ბავშვებს აქვთ მეტი შესაძლებლობა თავისუფალი დროის უსაფრთხო გარემოში გატარებისთვის.
თბილისის მოსახლეობა 1.3 მილიონს აღწევს (საქართველოს მოსახლეობის თითქმის 35%) და ყოველდღიურად მატულობს, რაც განსაკუთრებით გარეუბნების ხარჯზე ხდება. სტუდენტები, შრომითი მიგრანტები თუ რეგიონებიდან ჩამოსული ადამიანები საცხოვრებლად გარეუბნებს ირჩევენ (თბილისის მოსახლეობის ნახევარზე მეტი გარეუბნებშია თავმოყრილი). ინვესტორებისთვის ეს მესიჯია, რათა მეტად მიმართონ ძალები ამ ლოკაციებისკენ. აქედან გამომდინარე შეგვიძლია ვთქვათ, რომ აღნიშნული დასახლებების განვითარება ჯერ არ დასრულებულა და ყველაფერი წინაა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
