,
ვერძი (21 მარტი - 20 აპრილი)
ეს დღე დაგანახვებთ, რამდენად გულწრფელები და პატიოსნები არიან თქვენ გვერდით მყოფი ადამიანები. შესაძლოა, ზოგიერთ მათგანთან დამშვიდობებაც მოგიწიოთ, მაგრამ ამის გამო არ ინერვიულოთ - თქვენ უბრალოდ ნამდვილი მეგობრისა და მოკავშირესთვის ადგილს ათავისუფლებთ. მოერიდეთ ჩხუბს და საჯარო დაპირისპირებას, რაც თქვენს რეპუტაციაზე აისახება.
კურო (21 აპრილი - 21 მაისი)
ყველა თვალსაზრისით რთული დღეა. დილიდან ჩართული ხართ მოვლენებში, რომლებსაც მხოლოდ ქაოსი და გაურკვევლობა მოაქვთ. შეწყვიტეთ სამყაროს წინააღმდეგ ბრძოლა და თვალი ადევნეთ, რა მოხდება. ვარსკვლავები გირჩევენ, რომ მნიშვნელოვანი საქმეები მომდევნო დღეებისთვის გადადოთ, ახლა კი დაისვენოთ და ახლობელ ადამიანებზე იზრუნოთ.
ტყუპები (22 მაისი - 21 ივნისი)
საეჭვო ვითარებაში მხოლოდ საკუთარ ინტუიციას უნდა ენდოთ. თქვენი ხალისი და დიპლომატიური თვისებები ნებისმიერ კარს გააღებს და ახალ შესაძლებლობებს გაგიხსნით. დღის მეორე ნახევარში ძალისა და ენერგიის მოზღვავებას იგრძნობთ. სასურველია, რომ ამ დროს ფიზიკური აქტივობით დაკავდეთ. ხელსაყრელი დღეა სოციალური ღონისძიებებისა და მეგობრებთან შეხვედრებისთვის.
კირჩხიბი (22 ივნისი - 22 ივლისი)
ამ დღეს ვიღაც თქვენთვის ხაფანგის დაგებას ეცდება, ამიტომ ყურადღება წუთითაც არ უნდა მოადუნოთ. თავი შორს დაიჭირეთ ადამიანისგან, რომელიც თქვენით მანიპულირებას და თქვენი ნაკლის წარმოჩენას ცდილობს. გირჩევთ ცოტა იეშმაკოთ და ნამდვილი ემოციები არ გამოავლინოთ. ხელსაყრელი დღეა ახალი ნაცნობობისთვის - ადამიანი, რომელსაც დღეს გაიცნობთ, თქვენი საუკეთესო მეგობარი გახდება.
ლომი (23 ივლისი - 23 აგვისტო)
ემოციებით სავსე ხართ და საკუთარი მოქმედების კონტროლი გიჭირთ. თქვენი შიში უსაფუძვლოა, ამიტომ ეცადეთ, თავი ხელში აიყვანოთ და ადამიანების მიმართ მეტი პატივისცემა გამოიჩინოთ, რათა საქმე კონფლიქტამდე არ მიიყვანოთ. იგივე ეხება პირად ურთიერთობებსაც - დროა, ოჯახთან დაძაბული ურთიერთობა მოაგვაროთ და კომპრომისული გამოსავალი იპოვოთ.
ქალწული (24 აგვისტო - 23 სექტემბერი)
შემოქმედებითი საქმიანობისა და გონებრივი მუშაობის ერთობლიობა ამ დღეს განსაკუთრებით საინტერესოს გახდის. ახალი ნაცნობობა სასარგებლო იქნება და უახლოეს მომავალში ძალიან დაგეხმარებათ. ეცადეთ, დაასრულოთ საქმე, რომელსაც მუდმივად სამომავლოდ ინახავდით. დღის მეორე ნახევარი ხელსაყრელი დროა განმარტოებისა და დასვენებისთვის. გაატარეთ ეს დრო მხოლოდ საკუთარი თავისთვის.
სასწორი (24 სექტემბერი - 23 ოქტომბერი)
ამ დღეს ქალწულებს საერთო ენის პოვნა უახლოეს მეგობართანაც კი გაუჭირდებათ. ვარსკვლავები შეეცდებიან, ყველანაირად ხელი შეუშალონ მეგობრობას, მშვიდობის დამყარებას ან სიმართლის პოვნას. თქვენი შიში უსაფუძვლოა - სინამდვილეში, ყველაფერი ბევრად უფრო მარტივია, ვიდრე ფიქრობთ. პროვოკაციებს ნუ აჰყვებით - მხოლოდ სიმშვიდე და საღი აზრი დაგეხმარებათ, რომ ეს დღე კონფლიქტის გარეშე დაასრულოთ.
მორიელი (24 ოქტომბერი - 22 ნოემბერი)
ვარსკვლავები გირჩევენ, ახალი პროექტების დაწყებამდე ძველი საქმეები დაასრულოთ. ამ დღეს მთელი ყურადღება ოჯახზე და საოჯახო საქმეებზე უნდა გადაიტანოთ. შესაძლოა, პრობლემას, რომელიც თქვენს ახლობელს აწუხებს, სათანადოდ არ აფასებთ.
მშვილდოსანი (23 ნოემბერი - 21 დეკემბერი)
ეს დღე გაურკვევლობას მოგიტანთ. მოვლენების განვითარებით უკმაყოფილო ხართ, მაგრამ ამის მიზეზებს ვერ ხედავთ. ეცადეთ რჩევა სანდო და ობიექტურ ადამიანს სთხოვოთ. გარემოების სწორად აღქმაში მხოლოდ გულწრფელი სიმართლე დაგეხმარებათ.
თხის რქა (22 დეკემბერი - 20 იანვარი)
ამ დღეს მიზნის მისაღწევად ყველაზე უსაფრთხო გზა უნდა შეარჩიოთ. თქვენმა დაუფიქრებელმა მოქმედებამ შეიძლება გარშემო მყოფები თქვენ საწინააღმდეგოდ განაწყოს. მოერიდეთ ფაქტების დამახინჯებას. მოსალოდნელია საქმიან პარტნიორთან ურთიერთობის გაწყვეტა.
მერწყული (21 იანვარი - 18 თებერვალი)
შესანიშნავი დროა მოგზაურობისა ან დასვენებისთვის. ხელიდან არ გაუშვათ საყვარელ ადამიანთან ერთად ბუნებაში განმარტოების შესაძლებლობა. ყურადღება მიაქციეთ ბედის მინიშნებებს და ეცადეთ, ნანახიდან სწორი დასკვნები გამოიტანოთ.
თევზები (19 თებერვალი - 20 მარტი)
დილას სამსახურთან დაკავშირებული ნერვიულობა გელით. ფინანსური პრობლემა ნაწილობრივ მოგვარდება, მაგრამ არა ისე, როგორც თქვენ ელოდით. საქმიანი მოლაპარაკებები იმედებს გაგიცრუებთ. ვარსკვლავები გირჩევენ, ზედმეტი ინიციატივა არ გამოიჩინოთ, დღეს ეს თქვენ წინააღმდეგ იმუშავებს.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
