რას გვირჩევენ ვარსკვლავები 8 მაისისთვის:
ვერძი (21 მარტი - 20 აპრილი)
ამ დღეს გარემოებები ისე სწრაფად იცვლება, რომ მოულოდნელ პრობლემებზე სწრაფი რეაგირებისთვის უნდა მოემზადოთ. მთლიანობაში, ხელსაყრელი დღეა, რომელიც პოზიტიური ცვლილებების განხორციელების საშუალებას მოგცემთ. არსებობს შეცდომების გამოსწორების და შერიგების შანსი, რომელიც ხელიდან არ უნდა გაუშვათ.
კურო (21 აპრილი - 21 მაისი)
დაწყებული საქმე ბოლომდე რომ მიიყვანოთ, დიდი ძალისხმევა უნდა გამოიჩინოთ. გარშემომყოფები თქვენს პროვოცირებას ცდილობენ და თქვენს ნერვებს გამუდმებით გამოცდას უწყობენ. გირჩევთ, სიმშვიდე შეინარჩუნოთ და პროვოკაციებს არ აჰყვეთ. დიდი ძალისხმევის მიუხედავად, ზოგი პრობლემის გადაჭრას ვერ შეძლებთ. დღის მეორე ნახევარში ეცადეთ თქვენთვის დამახასიათებელი წინდახედულობა გამოიჩინოთ.
ტყუპები (22 მაისი - 21 ივნისი)
ამ დღეს რთული ამოცანების გადაჭრას უნდა მოერიდოთ - ძალებს უნდა გაუფრთხილდეთ, რადგან კარგად ნაცნობი საქმეებიც კი ჩვეულებრივზე მეტ დროს წაგართმევთ. ვარსკვლავები გვირჩევენ, წვრილმანებზე არ ინერვიულოთ და დახმარებისთვის ოჯახის წევრებს ან მეგობრებს მიმართოთ.
კირჩხიბი (22 ივნისი - 22 ივლისი)
რთული და ემოციურად დაძაბული დღეა. მგზავრობა სამომავლოდ უნდა გადადოთ, რადგან გზაზე უსიამოვნებები გელით - შეიძლება დაგაგვიანდეთ, თანამგზავრებთან იჩხუბოთ ან საბუთები სახლში დაგავიწყდეთ. საყვარელ ადამიანებთან ურთიერთობაში უფრო გულწრფელი უნდა იყოთ და დაუფარავად უთხრათ ყველაფერი, რაც გაწუხებთ. ეს დაგეხმარებათ, რომ მოსალოდნელი კონფლიქტი თავიდან აიცილოთ.
ლომი (23 ივლისი - 23 აგვისტო)
ამ დღეს ფინანსურ საკითხებს მეტი ყურადღება უნდა მიაქციოთ. გირჩევთ, თქვენს პირად და ოჯახურ ბიუჯეტს გადახედოთ და ხარჯები შეამციროთ. ვარსკვლავებ,ი გირჩევენ საგადასახადო დავალიანება შეამოწმოთ, რათა უსიამოვნებები თავიდან აიცილოთ. შეძენისთვის არახელსაყრელი დღეა, ამიტომ მაღაზიებში სიარულს უნდა მოერიდოთ.
ქალწული (24 აგვისტო - 23 სექტემბერი)
ბევრი ქალწული ამ დღეს დაძაბულობას და გაურკვევლობას იგრძნობს. გირჩევთ, უარი თქვათ საეჭვო შეთავაზებებზე და ბიზნესში არ გარისკოთ. მეგობრული დამოკიდებულება უნდა გამოიჩინოთ მათ მიმართაც კი, ვინც არ მოგწონთ. არსებობს შეცდომების გამოსწორების შანსი, რომელიც ხელიდან არ უნდა გაუშვათ. ამ დღეს ახალი საქმის დაწყებას უნდა მოერიდოთ.
სასწორი (24 სექტემბერი - 23 ოქტომბერი)
სასურველია, ამ დღეს აქტიურობა შეამციროთ და დამკვირვებლის პოზიციას დასჯერდეთ. ვარსკვლავები გირჩევენ, არაფერში ჩაერიოთ, რაც თქვენ გარშემო ხდება. უსიამოვნო სიურპრიზების მიუხედავად, ეცადეთ, დაწყებული საქმე ბოლომდე მიიყვანოთ. ყურადღება მიაქციეთ საკუთარ ჯანმრთელობას. ივარჯიშეთ და სუფთა ჰაერზე ისეირნეთ.
მორიელი (24 ოქტომბერი - 22 ნოემბერი)
გირჩევთ, თქვენი პრინციპების, პარტნიორების ან მეგობრების ერთგული დარჩეთ. ახლა სიახლეებისა და ექსპერიმენტების დრო არაა. მოერიდეთ ისეთ კონფლიქტებში ჩარევას, რომლებიც თქვენ არ გეხებათ. ამის ნაცვლად, ეცადეთ თქვენი პროფესიული დონე გააუმჯობესოთ და ახალი უნარები შეიძინოთ - ისინი მალე კარიერული წინსვლისთვის დაგჭირდებათ.
მშვილდოსანი (23 ნოემბერი - 21 დეკემბერი)
ნუ მოგატყუებთ მოჩვენებითი სიმშვიდე თქვენ გარშემო. არ მოდუნდეთ და არჩეულ გზას არ გადაუხვიოთ. უსიამოვნო სიურპრიზების მიუხედავად, ვარსკვლავები გირჩევენ, დაწყებული საქმე ბოლომდე მიიყვანოთ. გირჩევთ, დაგეგმილი მოგზაურობა რამდენიმე დღით გადადოთ. დღის მეორე ნახევარში ოჯახის ხანდაზმულ წევრებს განსაკუთრებული ყურადღება უნდა მიაქციოთ.
თხის რქა (22 დეკემბერი - 20 იანვარი)
წარმატებული და ნაყოფიერი დღეა. საშუალება გექნებათ, რომ თქვენი ინოვაციური იდეები განახორციელოთ, თუმცა, სწრაფ შედეგებს არ უნდა ელოდოთ. სავარაუდოდ, სასურველი შედეგის მისაღწევად რომელიღაც რესურსი ან მნიშვნელოვანი ინფორმაცია გაკლიათ.
მერწყული (21 იანვარი - 18 თებერვალი)
ამ დღეს ტრავმის რისკი ახლავს, ამიტომ რასაც არ უნდა აკეთებდეთ, სიფრთხილე გმართებთ. ამ დღეს ყველა საქმე ჩვეულებრივზე ნელა მოგვარდება, ამიტომ ჯობს აქტიურობა და ფინანსური საქმეები სამომავლოდ გადადოთ ამის ნაცვლად, გამოყავით დრო საოჯახო საქმეებისთვის.
თევზები (19 თებერვალი - 20 მარტი)
ამ დღეს კრიტიკას განსაკუთრებით მძაფრად განიცდით და უწყინარ შენიშვნაზეც კი მწვავედ რეაგირებთ. ეცადეთ, ახლოს იყოთ მათთან, ვისაც ყველაზე მეტად ენდობით, ვინც ნებისმიერ სიტუაციაში მხარს გიჭერთ. მოერიდეთ კამათს და ურთიერთობების გარკვევას. დროა, თაროზე შემოდებული საქმეების დასრულებაზეც იფიქროთ.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/