USD 2.6964
EUR 3.1367
RUB 3.3786
Тбилиси
რას გვპირდება 7 მაისის ჰოროსკოპი?
дата:  1395

რას გვირჩევენ ვარსკვლავები 7 მაისისთვის:

ვერძი (21 მარტი - 20 აპრილი)

ამ დღეს შეიძლება პასუხი მიიღოთ კითხვაზე, რომელიც დიდი ხანია, გაღელვებთ. ყურადღებით მოუსმინეთ გარშემო მყოფთა საუბრებს - მოსმენილი გაგახარებთ. გახსოვდეთ, რომ წარმატების მისაღწევად ყველა ხერხი არ გამოდგება.

 კურო (21 აპრილი - 21 მაისი)

გინდათ თუ არა, ამ დღეს მოგიწევთ საყვარელ ადამიანებს მეტი დრო დაუთმოთ და მათი პრობლემები მოაგვაროთ. იყავით სამართლიანი და გულისხმიერი და ნუ გაბრაზდებით, თუკი მადლიერებით არ გიპასუხეს. გირჩევთ, საღამო მშვიდად გაატაროთ და რთული სამუშაო კვირის წინ ძალები აღიდგინოთ.

ტყუპები (22 მაისი - 21 ივნისი)

დღის პირველი ნახევარი ემოციურად რთული იქნება. შეეცადეთ, თქვენი უადგილო შენიშვნებით და კრიტიკით ახლობლები არ გააღიზიანოთ. სადილის შემდეგ სიტუაცია შეიცვლება და ახლობელ ადამიანებთან საერთო ენის პოვნას შეძლებთ. მოერიდეთ ნეგატიურად მოაზროვნე ადამიანებს, დაიცავით თავი არასასურველი სიტუაციებისა და გავლენებისგან. ბიზნესპარტნიორებთან მოლაპარაკებები წარმატებული იქნება.

კირჩხიბი (22 ივნისი - 22 ივლისი)

დაეხმარეთ ადამიანს, რომელიც დახმარებას ითხოვს. ეცადეთ, გარშემო მყოფები შთააგონოთ - ეს თქვენს თვითშეფასებაზე დადებითად აისახება. ახლა თქვენი ქმედება თქვენს მომავალს განსაზღვრავს. ვარსკვლავები გირჩევენ, რომ სახლის გარეთ მეტი დრო გაატაროთ, ფეხით იაროთ და ენერგიით დაიმუხტოთ.

ლომი (23 ივლისი - 23 აგვისტო)

შესაძლოა, ამ დღეს დაიწყოთ საქმე, რომელიც საერთოდ არ გაინტერესებდათ, ახალი გატაცება იპოვოთ ან ახალ ცოდნას დაეუფლოთ. თქვენი ცნობისმოყვარეობა შეიძლება ძალიან გამოგადგეთ. დროა, საკუთარი ცხოვრება თავად მართოთ. ყველაზე კარგად თქვენ იცით, რისი მიღება გსურთ და ვისი იმედი გაქვთ. ეცადეთ, ფულის ხარჯვის დროს ზომიერება გამოიჩინოთ.

ქალწული (24 აგვისტო - 23 სექტემბერი)

7 მაისს ოპონენტების ემოციებსა თუ მინიშნებებს მეტი ყურადღება უნდა მიაქციოთ და მათი განწყობა ამოიცნოთ. მოერიდეთ გარშემო მყოფთა კრიტიკას, რათა ვინმე უნებლიეთ არ შეურაცხყოთ. არახელსაყრელი გარემოებები შესაძლებლობას მოგცემთ, რომ საუკეთესო თვისებები გამოავლინოთ და საკუთარ თავში დაფარული ნიჭი აღმოაჩინოთ.

სასწორი (24 სექტემბერი - 23 ოქტომბერი)

ემოციურად არასტაბილური დღეა. გირჩევთ ყველა მნიშვნელოვანი შეხვედრა ან მოლაპარაკება ერთი დღით გადადოთ. ნუ გადაიღლებით. ეცადეთ, კონფლიქტები როგორც სახლში, ისე სამსახურში თავიდან აიცილოთ. თუ ვინმეს აწყენინეთ, უნდა აღიაროთ და მოიბოდიშოთ. სახლის დალაგება და ნივთების მოწესრიგება სტრესისგან გაგათავისუფლებთ.

მორიელი (24 ოქტომბერი - 22 ნოემბერი)

დღის პირველ ნახევარში მორიელებს ყურადღების კონცენტრირება და მუშაობა უჭირთ, ამიტომ სასურველია, ყველა მნიშვნელოვანი შეხვედრა შუადღისთვის დაგეგმოთ. ნუ მოგერიდებათ, რომ საკუთარ უნარებზე და მიღწევებზე საჯაროდ ისაუბროთ, ახალი ადამიანები გაიცნოთ და ახალი პროექტები დაგეგმოთ. შედარებით მარტივად გაუმკლავდებით ყველაფერს, თუ ინტუიციას დაეყრდნობით და წინდახედულობას გამოიჩენთ.

მშვილდოსანი (23 ნოემბერი - 21 დეკემბერი)

ეცადეთ, თქვენ გარშემო განვითარებული მოვლენები აკონტროლოთ. გეგმა ისე შეადგინეთ, რომ მნიშვნელოვანი არაფერი გამოტოვოთ. კარგი იქნება, თუ დაძაბულობას პოზიტიური განწყობით, იუმორით და კომპლიმენტებით განმუხტავთ. ეს ურთიერთობის გაღრმავებასა და შედეგის მიღწევაში დაგეხმარებათ.

თხის რქა (22 დეკემბერი - 20 იანვარი)

ვარსკვლავები გირჩევენ, რომ მცირე რუტინულ საკითხებს ყურადღება მიაქციოთ - 7 მაისს მათზე ბევრი რამ იქნება დამოკიდებული. რაც შეიძლება სწრაფად მოაგვარეთ ფინანსური სირთულეები და შეასრულეთ დაპირებები.

 მერწყული (21 იანვარი - 18 თებერვალი)

მზად ხართ ნებისმიერ საკითხზე იკამათოთ და საკუთარი სიმართლე ამტკიცოთ. ეცადეთ, კრიტიკული შენიშვნები და კომენტარები მშვიდად მოისმინოთ და კონფლიქტს თავი აარიდოთ. მთავარია, ძველი შეცდომა არ გაიმეოროთ და უმნიშვნელო კამათის გამო ახლობელი არ დაკარგოთ. ნერვული დაძაბულობის მოხსნა ფიზიკური აქტიურობით ან ვარჯიშით უნდა სცადოთ.

თევზები (19 თებერვალი - 20 მარტი)

გირჩევთ, ყველაზე რთული და მნიშვნელოვანი ამოცანები დღის მეორე ნახევრისთვის დაგეგმოთ, როცა ენერგიის დონე მოიმატებს. დღის პირველ ნახევარში კი უმჯობესია ის აკეთოთ, რაც ყველაზე კარგად გამოგდით. ხელსაყრელი დროა მავნე ჩვევებისგან თავის დასაღწევად.

аналитика
სომხეთსა და აზერბაიჯანს შორის დაახლოება სამხრეთ კავკასიისთვის კი ძალიან დიდი უპირატესობაა მაგრამ საქართველოზე გამავალი შუა დერეფნისათვის ეს ყველაფერი სერიოზული დარტყმა იქნება - გიორგი კობერიძე
თავს თუ არ მოვიტყუებთ დასავლეთის ჩართილობით სომხეთსა და აზერბაიჯანს შორის დაახლოება სამხრეთ კავკასიისთვის კი ძალიან დიდი უპირატესობაა და რეგიონის მიზიდულობასაც გაზრდის, მაგრამ საქართველოზე გამავალი შუა დერეფნისათვის ეს ყველაფერი სერიოზული დარტყმა იქნება. ამერიკის მცდელობა იშუამდგომლოს სომხეთსა და აზერბაიჯანს შორის, განპირობებულია ორი მარტივი და ერთმანეთზე დამოკიდებული მიზნით:
 
1. ზანგეზურის დერეფნის ირიბი კონტროლი: - აშშ-ს მიზანია არ დაუშვას ირანის, ჩინეთისა და რუსეთის გავლენა ამ ახალ საერთაშორისო ეკონომიკურ მიმართულებაზე. პირიქით, ამ დერეფნის ვაშინგტონზე დამოკიდებულებაა პრიორიტეტი. მეთოდურად, ამერიკული გავლენისა და არაპირდაპირი კონტროლის უკან უამრავი მექანიზმი არსებობს: ამერიკული კერძო კომპანიების მეშვეობით, ინვესტიციებით, გზის უსაფრთხოების ვალდებულებით, საერთაშორისო მისიით, სამმხრივი პარტნიორობით, რეჟიმების მხარდაჭერით, რაიმე სახის ხელშეკრულებით და ასე შემდეგ. მეთოდი ბევრია, გავლენებისა და ირიბი კონტროლის ზრდა კი ამ ყველაფრიდან გამომდინარეობს.
 
2. შუა დერეფნის შიგნით ალტერნატივების გაჩენა: - ამერიკელებს უყვართ გამოთქმა, რომ არასდროს უნდა ჩადო ყველა კვერცხი ერთ კალათაში. საქართველოზე გამავალი შუა დერეფანი თითქმის უალტერნატივო იყო. რუსული ანუ ჩრდილოეთის დერეფანი დახურულია. წითელი ზღვის საზღვაო დერეფანი ორი წელია საბრძოლო ზონადაა ქცეული, ირან-ისრაელის ომებმა ახლო აღმოსავლეთის საჰაერო გზაგამტარიც არასტაბილურად აქცია და კავკასიაზე გადმორთო. ამ ყველაფრიდან და სომხეთ-აზერბაიჯანული დაპირისპირებიდან გამომდინარე საქართველო ერთ-ერთ ძირითად ეკონომიკურ დერეფნად რჩებოდა. ყოველ შემთხვევაში ბოლო 25 წელიწადი ასე იყო მოაზრებული და საქართველოც ასე პოზიციონირებდა.
 
ახლა კი საქართველოსთან დაკავშირებით განწყობები იცვლება და სხვადასხვა კალათის მნიშვნელობა იზრდება: ამერიკელი და ევროპელი ანალიტიკოსები ღიად საუბრობენ რომ ზანგეზურის ალტერნატივა უნდა ამუშავდეს და დაიტვირთოს, რომლის მნიშვნელობა ეკონომიკურიც იქნება და პოლიტიკურიც. ეკონომიკურში იმას გულისხმობენ, რომ გზა მოკლდება აზერბაიჯანსა და თურქეთს შორის: სომხეთზე გამავალი გზა უფრო მოკლე იქნება ვიდრე საქართველოზე გამავალი. ამასთან, ზანგეზურის გზით სომხეთის სამხრეთული სიუნიქის პროვინციაც გამოცოცხლება და აზერბაიჯანის ნახიჩევანიც. სწორედ ამ უკანასკნელიდანაა ალიევების ოჯახი. შესაბამისად, ბაქოს დამატებითი მოტივაციაც აქვს ნახიჩევანის გასავითარებლად და იქ გზის დასატვირთად.
 
ეკონომიკური გასაგებია, მაგრამ შეფასებებში პოლიტიკური განზომილება ყველაზე სამწუხარო და თვალშისაცემია: დასავლური ანალიტიკური ორგანიზაციები ღიად აცხადებენ, რომ საქართველო რუსულ და ჩინურ ორბიტაზეა გადასული, შესაბამისად, მისდამი ნდობა აღარ არსებობს. ამიტომ, მათი არგუმენტებით, აუცილებელია შეიქმნას ახალი პოლიტიკური საყრდენი კავკასიაში, რომელიც რუსეთის გავლენების მიღმა იქნება.
ვახსენოთ თურქეთიც: ანკარასათვის სომხეთის ეკონომიკური მიბმა გავლენის ზრდასთანაა დაკავშირებული. რაც უფრო სუსტად იქნება წარმოდგენელი რუსეთი სომხეთში, ნიშნავს რომ თურქეთი მით უფრო გაძლიერდება იქ. სომხეთთან შედარებით თურქეთი ეკონომიკური გიგანტია და მისი შესვლა ახალ ბაზარზე დიდი ეფექტის მქონე იქნება და პოლიტიკურად გადათარგმნის პერსპექტივაც ექნება. ეს ერთ და ორ დღეში არ მოხდება, მაგრამ ფაქტია, რომ ამ ორ ქვეყანას შორის, ოფიციალურ დონეზე ხისტი რიტორიკა სრულიად შეცვლილია.
 
ცხადია, სომხეთის რუსეთისაგან სრულად ჩამოხსნაზე საუბარი ამ ეტაპზე გადაჭარბებულია, მაგრამ მოსკოვი რომ გავლენებს კარგავს ეს შესანიშნავია. კვლევითი ორგანიზაციები არაორაზროვნად საუბრობენ, რომ წაგებულებს შორის რუსეთი, საქართველო და ჩინეთია. თუმცა ეს უკანასკნელი თურქეთთანაც გამონახავს ენას. რუსეთს სომხეთში ბევრი სვლა არ აქვს საბოტაჟებისა და გადატრიალების გარდა (და ომებისაგან განსხვავებით ისინი მას ძალიან კარგად გამოსდის). ისიც მოსალოდნელია, რომ დასავლეთის ჩართულობის ხელის შესაშლელად მოსკოვი ყველა ღონეს იხმარს და მათ ნაწილს უკვე ხმარობს კიდეც - სომხეთში არეულობა და გადატრიალება სცადა მან - ამ თემაზე გამოძიება სომხეთში ახლაც მიმდინარეა. არც ჩინეთი იქნება გულხელდაკრეფილი.
 
რაც შეეხება საქართველოს: ახლა საქართველოში ჩატარებული ნატოს წვრთნები Agile Spirit სწორედ იმის მანიშნებელი იყო, რომ აშშ კვლავ ცდილობს კავშირების შენარჩუნებას აქ. საქართველოს რუსულ ბანაკში საბოლოო აღმოჩენა შავ ზღვაზე რუსეთის გაძლიერებას და კავკასიაში მოსკოვის გავლენების ზრდას მოასწავებს. ამასთან, ინფრასტრუქტურის თვალსაზრისით საქართველოში უკვე ბევრი რამაა მოწყობილი, თუმცა ისიც ვიხილეთ, რომ აზერბაიჯანში საგზაო ინფრასტრუქტურას ძალიან დიდი სისწრაფით აშენებენ ხოლმე. ჩვენ ისეთ რეგიონში ვართ, სადაც ცვლილებებისათვის საერთაშორისო პოლიტიკური ნება ყველაზე მნიშვნელოვანია ხოლმე. ეს პოლიტიკური ნება კი დასავლეთს როგორც ჩანს აქვს. პოლიტიკურ ნებას კი ინვესტიციები მიჰყვება ხოლმე, ინვესტიციებს კი დაცვა სჭირდება. შესაბამისად, ჩაანაცვლებს თუ არა საქართველოს ზანგეზურის დერეფანი საკითხავია, მაგრამ მნიშვნელობას კი ნამდვილად შეამცირებს.
 
более
голосование
ვინ გაიმარჯვებს რუსეთ - უკრაინის ომში?
голосование
Кстати