რას გვირჩევენ ვარსკვლავები 10 მაისისთვის:
ვერძი (21 მარტი - 20 აპრილი)
ხელსაყრელი დროა ახალი პროექტების დასაწყებად, განსაკუთრებით - თუ გვერდით ჭკვიანი და სანდო პარტნიორი გყავთ. ამ დღეს ბევრი ფიქრი და ანალიზი საჭირო არ არის, უბრალოდ, ეს დღე ზედმეტი ემოციების გარეშე უნდა გაატაროთ. გადაწყვიტეთ მეგობარს დაეხმაროთ? მზად იყავით იმისთვის, რომ თავის პრობლემებს მთლიანად თქვენ მოგახვევთ თავზე.
კურო (21 აპრილი - 21 მაისი)
ამ დღეს განწყობა ისე სწრაფად გეცვლებათ, რომ გარშემო მყოფები ვერ ხვდებიან, როდის გიხარიათ და როდის გწყინთ. ვიღაც თქვენს ცდუნებას ცდილობს, მაგრამ უნდა იცოდეთ, რომ მისი აყოლა სიკეთეს არ მოგიტანთ და საკუთარ სისუსტეს მალე ინანებთ. გაუფრთხილდით ჯანმრთელობას და ნურაფერს დააყენებთ მასზე წინ.
ტყუპები (22 მაისი - 21 ივნისი)
შესაძლოა, ამ დღეს საკუთარი შესაძლებლობების სრულად გამოვლენის საშუალება მოგეცეთ, რაც გარშემო მყოფებისთვის შეუმჩნეველი არ დარჩება. ეცადეთ, თავი შეიკავოთ რჩევების მიცემისგან და საკუთარი აზრები თავს არავის მოახვიოთ.
კირჩხიბი (22 ივნისი - 22 ივლისი)
მთელი დღე ებრძვით სურვილს, რომ ყველაფერი მიატოვოთ და გაიქცეთ იქ, სადაც არავინ გიცნობთ, მაგრამ ახლა ამის გაკეთება არ შეიძლება. ამ დღეს ხალხის მასიდან გამორჩევას არ უნდა ეცადოთ. პირიქით, რაც შეიძლება შეუმჩნეველი უნდა იყოთ.
ლომი (23 ივლისი - 23 აგვისტო)
ამ დღეს პირადი პრობლემების სწრაფად და წარმატებით მოგვარებას შეძლებთ. შეიძლება საყვარელი ადამიანის გულწრფელობა არ დააფასოთ, რითაც ძალიან გაანაწყენებთ. თქვენგან დამოუკიდებელი მიზეზების გამო შეიძლება გეგმის შეცვლა მოგიწიოთ, მაგრამ ნუ ინერვიულებთ - რამდენიმე დღეში ჩანაფიქრის განხორციელებას შეძლებთ.
ქალწული (24 აგვისტო - 23 სექტემბერი)
ამ დღეს პირადი პრობლემების სწრაფად და წარმატებით მოგვარებას შეძლებთ. შეიძლება საყვარელი ადამიანის გულწრფელობა არ დააფასოთ, რითაც ძალიან გაანაწყენებთ. თქვენგან დამოუკიდებელი მიზეზების გამო შეიძლება გეგმის შეცვლა მოგიწიოთ, მაგრამ ნუ ინერვიულებთ - რამდენიმე დღეში ჩანაფიქრის განხორციელებას შეძლებთ.
სასწორი (24 სექტემბერი - 23 ოქტომბერი)
თქვენს ცხოვრებაში ბინის ან სამუშაო ადგილის შეცვლის დრო დადგა. თუნდაც ახლა არ მოგწონდეთ, მალე მიხვდებით, რომ ეს კარგი გადაწყვეტილება იყო. მოვლენებს შორიდან ვერ დააკვირდებით, მეტი უნდა იაქტიუროთ. შესაძლოა, ფინანსურ დოკუმენტებთან მუშაობისას სირთულეებს შეეჯახოთ, ამიტომ გირჩევთ, დახმარება გამოცდილ ადამიანს სთხოვოთ.
მორიელი (24 ოქტომბერი - 22 ნოემბერი)
გეჩვენებათ, რომ ვიღაცამ კუთხეში მიგიმწყვდიათ. ეს კვირა თქვენთვის ქაოსური იქნება, თუმცა კვირის ბოლოს შეძლებთ სიმშვიდის მოპოვებას. სწორი გადაწყვეტილებების მიღებაში თქვენი შესანიშნავი ინტუიცია დაგეხმარებათ.
მშვილდოსანი (23 ნოემბერი - 21 დეკემბერი)
ამ დღეს უმნიშვნელო წვრილმანიც კი სიხარულს განიჭებთ. თუ რაღაც არ გამოგივიდათ, იმედი არ უნდა დაკარგოთ გახსოვდეთ, რომ დაღმართს ყოველთვის აღმართი მოსდევს, ღამეს კი - დღე. დღის მეორე ნახევარში ფულის დაუგეგმავი ხარჯვა გელით.
თხის რქა (22 დეკემბერი - 20 იანვარი)
ამ დღეს უმნიშვნელო წვრილმანიც კი სიხარულს განიჭებთ. თუ რაღაც არ გამოგივიდათ, იმედი არ უნდა დაკარგოთ გახსოვდეთ, რომ დაღმართს ყოველთვის აღმართი მოსდევს, ღამეს კი - დღე. დღის მეორე ნახევარში ფულის დაუგეგმავი ხარჯვა გელით.
მერწყული (21 იანვარი - 18 თებერვალი)
ამ დღეს შეიძლება შემთხვევით გაიგოთ ამბავი, რომელიც ბევრ რამეზე დაგაფიქრებთ და შესაძლოა, დადებითი ცვლილებებისკენ გიბიძგოთ. სამსახურში ყველა თქვენზე უფროსობას ეცდება, მაგრამ საკუთარ პრინციპებს არ უნდა უღალატოთ.
თევზები (19 თებერვალი - 20 მარტი)
თევზებო, ამ დღეს ნებისმიერ ახალ საქმეს გაუმკლავდებით. იყავით თავდაჯერებული, რადგან ზოგიერთი ახლობელი თქვენს კრიტიკასა და მხილებას ეცდება. ეცადეთ, დათმოთ და ამ სიტუაციიდან კონფლიქტის გარეშე გამოხვიდეთ. გამონახეთ დრო, რომ შეეხმიანოთ ადამიანს, რომელიც ძალიან გენატრებათ.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/