ვერძი

ამ დღეს თქვენთვის ყველაზე სასარგებლო იქნება საზოგადოებაში გამოჩენა და იმ ადგილებში ყოფნა, სადაც „ელიტა“ იკრიბება. კარგი იქნება, თუ წახვალთ მოდურ კაფეში, ფილმის პრემიერაზე ან ახალ გამოფენაზე. სწორედ ამ ადგილებში გელით შეხვედრა, რომელიც თქვენს მომავალზე ძალიან დადებით გავლენას მოახდენს.

კურო

კარგი იქნება, თუ საღამოს პატარა დღესასწაულს მოაწყობთ და მეგობრებს დაპატიჟებთ (განსაკუთრებით მათ, ვინც დიდი ხანია, არ გინახავთ). აუცილებელი არ არის, რომ წვეულება რაღაც შემთხვევას ან თარიღს დაუკავშიროთ, შეგიძლიათ, უბრალო მეგობრული შეკრება მოაწყოთ. ერთადერთი, რასაც ამ დღეს უნდა მოერიდოთ, გადაჭარბებული ალკოჰოლი სასმელები და უხერხულ თემებზე საუბარია.

ტყუპები

გაცოფებთ იმაზე ფიქრი, რომ მთელი დღე ოთხ კედელში უნდა გაატაროთ. არ აქვს მნიშვნელობა, სად და როგორ, ახლა თქვენთვის მთავარია, რომ სახლიდან გახვიდეთ და თუნდაც უბრალოდ გაისეირნოთ. კარგი იქნება, თუ ამას მოახერხებთ, რათა უხასიათობას თავი დააღწიოთ.

კირჩხიბი

ეცადეთ, რთულ და სერიოზულ თემებზე საუბრით ახლობელ ადამიანთან ვითარება არ გაართულოთ. ისაუბრეთ სასიამოვნო წვრილმანებზე, თუნდაც სისულელეზე.

ლომი

ეცადეთ, რომ მეტი თავშეკავება გამოიჩინოთ, რადგან ამ დღეს დაუფიქრებელი სიტყვების გამო უამრავ მტერს შეიძენთ, მაგრამ თუ პოზიტიურ ტალღაზე „გადართვა“ მოახერხეთ, საუკეთესო მეგობრებს გაიჩენთ. ნებისმიერ შემთხვევაში, თქვენი ემოციები ძალიან ძლიერი და გადამდებია, საკუთარი აზრების ხმამაღლა გამოხატვის სურვილი კი ზოგჯერ უადგილო და საშიში.

ქალწული

ამ დღეს ხალხმრავალ ადგილებში ყოფნას ცდილობთ, სადაც მხიარულებაა და სიცოცხლე ჩქეფს. თავად მხიარულებით არ გამოირჩევით, უბრალოდ, ბედნიერ ადამიანებთან სიახლოვე გსიამოვნებთ. თუ ამ დღეს სერიოზულ საქმეს არ გეგმავთ, კარგი იქნება თუ საღამოს რომელიმე ჯაფეში გაატარებთ.

სასწორები

ამ დღეს საყოველთაოდ აღიარებულ წესებსა და ჩარჩოებს არ ემორჩილებით. უფრო მეტიც, მიგაჩნიათ, რომ ამაზე მაღლა დგახართ. თუმცა სხვებს ამ საკითხზე შეიძლება განსხვავებული შეხედულება ჰქონდეთ. და კიდევ, ნუ იქნებით ზედმეტად ცნობისმოყვარე! ამ დღეს შესაძლოა ამ თვისებამ ბევრი პრობლემა შეგიქმნათ.

მორიელი

ამ დღეს სურვილსა და მოვალეობას შორის მერყეობთ. ერთი მხრივ, დაგროვილი საქმეები სასწრაფოდ მოქმედებას მოითხოვს, მეორე მხრივ, მოსაწყენი საქმისგან გაქცევას და საინტერესო საქმეების კეთებას ცდილობთ. კარგი იქნება, თუ ოქროს შუალედის პოვნას მოახერხებთ.

მშვილდოსანი

ეს დღე საინტერესო ადამიანებთან ურთიერთობას გპირდებათ. მოსალოდნელია ახალი საინტერესო ნაცნობობა ან შეხვედრები, რომლებიც თქვენს გეგმებს მთლიანად შეცვლის. მიუხედავად იმისა, რომ ვარსკვლავები რადიკალურ ცვლილებებს არ გპირდებიან, ეს დღე ახალი შთაბეჭდილებებით დაგამახსოვრდებათ. საღამოს ქალაქგარეთ გასეირნება შესანიშნავი გადაწყვეტილება იქნება.

თხის რქა

ამჟამად დღის წესრიგში პირველ საკითხად კამათი, დაპირისპირება და ურთიერთობების გარკვევა იქნება. თუ გსურთ, კონფლიქტური სიტუაციიდან გამომდინარე უარყოფითი შედეგები აიცილოთ, ეცადეთ ურთიერთობები მინიმუმამდე შეამციროთ და თუნდაც ერთი დღით განმარტოვდეთ.

მერწყული

მოგზაურობაზე ფიქრი არ გასვენებთ. საეჭვოა, რომ სამსახურში ან სახლში თქვენი გეგმები მოეწონოთ, თუმცა სურვილს ვერ უმკლავდებით. ბევრად უკეთესი იქნება, თუ მომავალ მოგზაურობას მშვიდად დაგეგმავთ.

თევზები

ამ დღეს შეიძლება ჭორებისა და ინტრიგების ატმოსფეროში თავით ჩაეფლოთ. ფრთხილად იყავით - ამან შეიძლება გარშემო მყოფებთან თქვენი ურთიერთობა ძალიან გაართულოს.