USD 2.6978
EUR 2.9112
RUB 2.9177
თბილისი
რამდენი მილიონი ლარის შემოსავალი აქვს “აჭარაბეთს"?
თარიღი:  242

“აჭარაბეთი” საქართველოს აზარტული თამაშების სექტორის ერთ-ერთი ლიდერია, რომელიც ონლაინ კაზინოსა და ტოტალიზატორის მეშვეობით ოპერირებს.

საქართველოში “აჭარაბეთის” ოპერატორ კომპანიას შპს “ავიატორი” ეწოდება, რომელმაც reportral.ge-ის 2021 წლის ფინანსური ანგარიში უკვე წარუდგინა.

დოკუმენტის თანახმად, გასულ წელს კომპანიის შემოსავალმა ₾381 მილიონს მიაღწია, რაც წინა წელთან შედარებით ₾113 მილიონით მეტია. კომპანიის შემოსავალი წარმოადგენს მიღებულ ფსონებსა და მოგების სახით გაცემულ თანხას შორის სხვაობას, შესაბამისად უშუალოდ მოთამაშეების მიერ აჭარაბეთის სისტემაში შეტანილი თანხები გაცილებით უფრო დიდი იყო, ხოლო 381 მილიონი მიღებულ თანხებსა და გაცემულ მოგებას შორის სხვაობაა.

ფინანსური ანგარიშის თანახმად, გაზრდილია კომპანიის წმინდა მოგებაც. თუკი 2020 წელს კომპანიის წმინდა მოგება ₾85 მილიონი იყო, 2021-ში ის ₾147 მილიონამდე გაიზარდა.

კონკრეტული წყაროების მიხედვით, კომპანიის შემოსავლები ასე ნაწილდება:

• შემოსავალი ონლაინ კაზინოდან - 309 მილიონი ლარი;
• შემოსავალი ტოტალიზატორიდან - 32.5 მილიონი ლარი;
• შემოსავალი peer to peer თამაშებიდან - 24.3 მილიონი ლარი;
• სხვა შემოსავალი - 13.6 მილიონი ლარი.

ფინანსური ანგარიშის თანახმად, “აჭარაბეთმა”, ანუ “ავიატორმა” 2021 წელს ₾43 მილიონის ხელფასები გასცა, ხოლო მარკეტინგზე ₾34 მილიონი დახარჯა.

ფინანსური ანგარიშის მიხედვით, “აჭარაბეთმა” თამაშების პროვაიდერ კომპანიებს 60 მილიონამდე გადაუხადა, კლიენტთა გადახდების დამუშავების საფასური 47 მილიონი ლარი იყო, ხოლო ტოტალიზატორების ფსონების გადასახადი 26 მილიონი ლარი იყო. შესაბამისად, უშუალოდ თამაშების მიწოდების ხარჯმა კომპანიისთვის 137.6 მილიონი ლარი შეადგინა.

2019 წელს “აჭარაბეთის” 51%-იანი წილი Adjarabet კომპანიის დამფუძნებელმა თემურ უგულავამ ირლანდიურ კომპანია Flutter Entertainment-ის 115.4 მილიონ ევროდ მიჰყიდა. შესაბამისად, დღეისთვის ჯგუფის მაჟორიტარული წილის მფლობელი სწორედ Flutter-ია. ჯგუფის მაკონტროლებელ კომპანიას შპს “ატლასი” ეწოდება, მის 51%-იან წილს Flutter-ი, ხოლო 49%-იან წილს “სითი ლოფტი” ფლობს, რომელიც თავისმხრივ ბიზნესმენ თემურ უგულავას ეკუთვნის.

“აჭარაბეთი” საქართველოს გარდა სომხეთის ბაზარზეც ოპერირებს, კონსოლიდირებული სახით, ორივე ქვეყნიდან მიღებული შემოსავალი წარმოდგენილია კომპანია “ატლას ჰოლდინგის” ფინანსურ ანგარიშში.

• შემოსავალი საქართველოს ბაზრიდან - 381 მილიონი ლარი;
• შემოსავალი სომხეთის ბაზრიდან - 258 მილიონი ლარი.
• ჯამური შემოსავალი - 639 მილიონი ლარი.

მთლიანობაში ჯგუფის წმინდა მოგებამ 2021 წელს 158.8 მილიონი ლარი შეადგინა.

წყარო:https://bm.ge/

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.