,
თუ გავითვალისწინებთ, რომ სამყაროში 100 მილიარდზე მეტი გალაქტიკაა, რომელთაგან თითოეული 10-100 მილიარდ ვარსკვლავს მოიცავს, ცოტა გულდასაწყვეტია, რომ დედამიწიდან შეუიარაღებელი თვალით სულ ოთხი გალაქტიკის დანახვა შეიძლება
ხუთი ათასის? ორი მილიონის? ათი მილიარდის?
ოთხის. თუმცა, იმ ადგილიდან, სადაც ზიხართ, მხოლოდ ორი გალაქტიკის დანახვა შეგიძლიათ. მათ შორის ერთი – „ირმის ნახტომია“ (რომელშიც ჩვენ ვიმყოფებით).
თუ გავითვალისწინებთ, რომ სამყაროში 100 მილიარდზე მეტი გალაქტიკაა, რომელთაგან თითოეული 10-100 მილიარდ ვარსკვლავს მოიცავს, ცოტა გულდასაწყვეტია, რომ დედამიწიდან შეუიარაღებელი თვალით სულ ოთხი გალაქტიკის დანახვა შეიძლება; ერთდროულად კი მხოლოდ მათი ნახევრის (ორის თითოეული ნახევარსფეროდან). ჩრდილოეთ ნახევარსფეროდან შესაძლებელია ირმის ნახტომისა და ანდრომედას (M31) გალაქტიკების დანახვა, სამხრეთ ნახევარსფეროდან კი მაგელანის დიდი და მცირე ღრუბლების.
განსაკუთრებული მხედველობის მქონე ზოგიერთი ადამიანი ამტკიცებს, რომ შეუძლიათ კიდევ სამის დანახვა. ესენია: M33 სამკუთხედის თანავარსკვლავედში, M81 დიდი დათვის თანავარსკვლავედში და M83 ჰიდრის თანავარსკვლავედში, თუმცა ამის დამტკიცება ძალიან ძნელია.
შეუიარაღებელი თვალისთვის, სავარაუდოდ, ხილული ვარსკვლავების რაოდენობა ძლიერ მერყეობს, თუმცა ყველა თანხმდება, რომ მათი საერთო რიცხვი აშკარად ნაკლებია 10 000-ზე. მოყვარულ ასტრონომთა კომპიუტერული პროგრამები იმავე მონაცემებს ეყრდნობა: 9600 ვარსკვლავს ითვლის, როგორც „შეუიარაღებელი თვალისთვის ხილულს, თუმცა რეალურად ამ ციფრის არავის სჯერა. სხვა შეფასებებით, ეს რაოდენობა დაახლოებით 8000-იდან იწყება და 3000-ზე ნაკლებზეც ჩამოდის.
ამერიკის შეერთებული შტატები “მშვიდობის საბჭოს” პირველი ოფიციალური სამიტისთვის ემზადება. პრეზიდენტ ტრამპის მიერ შექმნილი ახალი საერთაშორისო ორგანიზაციის პირველ სხდომას ვაშინგტონში მდებარე, ტრამპისვე სახელობის მშვიდობის ინსტიტუტი უმასპინძლებს.
არსებული ინფორმაციით, მას წევრი ქვეყნების უდიდესი ნაწილი, 20-ზე მეტი სახელმწიფოს ლიდერი დაესწრება. მათ შორის იქნებიან საუდის არაბეთის, თურქეთის, ეგვიპტის, კატარისა და ინდონეზიის წარმომადგენლები. ასევე სომხეთისა და აზერბაიჯანის მმართველები.
როგორც ირკვევა, პირველ სამიტზე პრეზიდენტი დონალდ ტრამპი ღაზას რეკონსტრუქციისთვის ფონდის შექმნას დააანონსებს და გამოაცხადებს, თუ როგორ დაკომპლექტდება ის “საერთაშორისო სტაბილიზაციის სამხედრო ძალა”, რომელიც ღაზას სექტორის საზღვარზე განლაგდება და უზრუნველყოფს, რომ ისრაელსა და ჰამასს შორის სამხედრო მოქმედებები აღარ განახლდეს.
ჯერჯერობით, უცნობია, ზუსტად რა რაოდენობის სამშვიდობოებს გაგზავნიან სახელმწიფოები, თუმცა ცნობილია, რომ ინდონეზიის კონტრიბუცია ამ მხრივ 8,000 ჯარისკაცი იქნება. რაც შეეხება ფინანსებს, პრეზიდენტი ტრამპი მოელის, რომ ღაზას სექტორის ხელახლა აღდგენისთვის წევრი სახელმწიფოებისაგან მილიარდობით დოლარს მოიზიდავს. შეგახსენებთ, “მშვიდობის საბჭოს” წევრობის საწევროს გადასახადი ერთ ქვეყანაზე $1 მილიარდია, თუმცა განსაზღვრული არ არის, ეს თანხა უნდა ჩაირიცხოს ერთიანად, თუ სხვადასხვა პროექტების ფარგლებში, მთელი წლის განმავლობაში. შესაბამისად, სავარაუდოა, რომ შტატების ლიდერი კოლეგებს ფონდში პირველადი ფინანსური კონტრიბუციის შეტანას სწორედ $1-მილიარდიანი ვალდებულების ფარგლებში სთხოვს.
რაც შეეხება ჰამასს, რომლის განიარაღებისა და ძალაუფლების ჩამორთმევის გარეშეც “მშვიდობის საბჭო” ღაზას სექტორის რეკონსტრუქციასა და ახალი ადმინისტრაციის სრულფასოვან მმართველობას ვერ უზრუნველჰყოფს, არსებული ინფორმაციით, მის ტერორისტებს საშუალება ექნებათ, სამშვიდობო ძალებს საკუთარი ნებით ჩააბარონ იარაღი და როგორც პალესტინის მშვიდობიანმა მცხოვრებლებმა, ისე განაგრძონ ცხოვრება. მათთვის, ვისაც ასეთ რეალობაში დარჩენა არ ენდომება, “მშვიდობის საბჭო” პარტნიორი ქვეყნების მეშვეობით ღაზას სექტორიდან გასვლაში დაეხმარება. შეგახსენებთ, ამჟამად ჰამასის ხელმძღვანელობის პოზიციაა, რომ ახალ ღაზაში დარჩენა და ჯარისკაცების საპოლიციო ძალებში გაწევრიანება სურთ, რათა იმ ბრძოლამ, რაც წლების განმავლობაში სექტორის დაცვისთვის გასწიეს, უკვალოდ არ ჩაიაროს. თუმცა როგორც ტრამპის ადმინისტრაცია, ისე ისრაელი ამ ფორმით ჰამასის ღაზაში დარჩენას კატეგორიულად ეწინააღმდეგებიან. სავარაუდოა, რომ შუამავალი სახელმწიფოები, რომლებიც “მშვიდობის საბჭოშიც” არიან წარმოდგენილი, 19 თებერვალს ამ საკითხზე აქტიურად იმსჯელებენ.
