2020 წლის 25 დეკემბერს დედაქალაქის საკრებულომ თბილისის მუნიციპალიტეტის 2021 წლის ბიუჯეტი დაამტკიცა. ბიუჯეტის მოცულობა მილიარდ 50 მილიონი ლარით განისაზღვრა, რომელსაც 2021 წლის იანვარში 50 მილიონი ლარი დაემატება. ჯამში, მომავალი წლის ბიუჯეტი მილიარდ 100 მილიონ ლარზე მეტი იქნება.
2020 წლის ბიუჯეტთან შედარებით, 2021 წლის ბიუჯეტის ხარჯები 28,9 მლნ–ით მეტია.
თბილისის 2021 წლის ბიუჯეტი შემდეგნაირად ნაწილდება:
– მშენებლობა და სატრანსპორტო ინფრასტრუქტურის აღდგენა – 174,3 მლნ ლარი;
– მშენებლობა, ინფრასტრუქტურული პროექტების ექსპლუატაცია და ავარიული შენობების გამაგრება – 194,6 მლნ ლარი;
– ეკონომიკის განვითარების ხელშეწყობა – 4,2 მლნ ლარი;
– ბინათმესაკუთრეთა ამხანაგობების განვითარება – 39,2 მლნ ლარი;
- ჯანდაცვა და სოციალური უზრუნველყოფა – 154,1 მლნ ლარი;
– განათლება – 175,1 მლნ ლარი;
– კულტურა, სპორტი და ახალგაზრდობის საქმე – 47,4 მლნ ლარი;
– საზოგადოებრივი წესრიგი და უსაფრთხოება – 4,4 მლნ ლარი;
– ქალაქ თბილისის წარმომადგენლობითი და აღმასრულებელი ორგანოები – 108,1 მლნ ლარი.