,
მთავრობის განკარგულებით, საქართველოს რაგბის კავშირი 10 მილიონი ლარის ფინანსურ დახმარებას მიიღებს.
დოკუმენტის თანახმად, თანხის გადარიცხვა განხორციელდება საქართველოს სპორტის სამინისტროს მიერ 2025-2026 წლების სახელმწიფო ბიუჯეტებში გათვალისწინებული ასიგნებებიდან.
დაფინანსების მიზანია 2023-2025 წლებში რაგბის კავშირის მიერ გაწეული ფაქტობრივი ხარჯების ანაზღაურება, აგრეთვე სხვადასხვა კრედიტორების მიმართ არსებული დავალიანებებისა და ვალდებულებების დაფარვა. როგორც მთავრობის განკარგულებაში აღნიშნულია, ხარჯები თავდაპირველად არ იყო გათვალისწინებული სამინისტროს შესაბამის საბიუჯეტო ასიგნებებში
"ქართული ოცნების" პრემიერის, ირაკლი კობახიძის მიერ ხელმოწერილ განკარგულებაში წერია, რომ აღნიშნული გადაწყვეტილება მიღებულ იქნა საქართველოს სპორტის სამინისტროს წინადადების საფუძველზე.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
