,
ტაილანდის დედაქალაქ ბანგკოკში ფიფას 74-ე კონგრესი გაიმართა.
კონგრესის მუშაობაში მონაწილეობას საქართველოს ფეხბურთის ფედერაციის დელეგაცია იღებდა. ღონისძიებას სფფ-ის პრეზიდენტი ლევან კობიაშვილი და გენერალური მდივანი დავით მუჯირი ესწრებოდნენ.
კონგრესის ფარგლებში შედგა ფიფას პრეზიდენტის, ჯანი ინფანტინოს შეხვედრას უეფას კონფედერაციის წარმომადგენლებთან და გაიმართა ამხანაგური საფეხბურთო მატჩი ფიფას და უეფას შორის, რომელშიც მონაწილეობა ლევან კობიაშვილმა მიიღო.
ფიფას კონგრესზე დასახელდა 2027 წლის ქალთა მსოფლიო ჩემიონატის მასპინძელი ქვეყანა. წილისყრის შედეგად, 119 ხმით, ტურნირის მასპინძლად ბრაზილია დასახელდა. ამასთან, კონგრესმა ფეხბურთში რასიზმთან და დისკრიმინაციასთან ბრძოლის წესდება დაამტკიცა.
კონგრესზე რამდენიმე მნიშვნელოვანი რეფორმა განიხილეს. რეფორმა შეეხო მსოფლიოს ჩემპიონატის ორგანიზების საკითხს, რომლის თანახმადაც შესაძლებელი ხდება მომდევნო ორი მუნდიალის მასპინძლის ერთდროულად გამოცხადება. ამ ცვლილებებს რა თქმა უნდა ბევრი მაკრიტიკებელი ჰყავს, რადგან FIFA მასპინძლის წინასწარი შერჩევით უპირატესობას ანიჭებს გარკვეულ ქვეყნებს, რომელთაც უფრო მეტი რესურსები და ფინანსური შესაძლებლობები აქვს.
ცნობისთვის გეტყვით, რომ წარსულში ორი ტურნირის მასპინძლობის ერთად გაცემის უფლება მას მერე გაიწვიეს, რაც 2018 და 2022 წლის მუნდიალების მასპინძლობის უფლება რუსეთმა და კატარმა მიიღეს. ფარულ კენჭისყრაზე ცვლილებებს მხარი FIFA-ს 202-მა წევრმა დაუჭირა, 4 ფედერაცია კი წინააღმდეგი იყო. შესაბამისად, წინ აღარაფერი უდგას 2030 წლის მუნდიალის მასპინძლის გამოცხადების საკითხს, რომელიც ესპანეთში, პორტუგალიასა და მაროკოში შედგება და პლუს თითო თამაში არგენტინაში, პარაგვაისა და ურუგვაიში ჩატარდება.
2034 წლის მსოფლიო ჩემპიონატის მასპინძლად კი საუდის არაბეთი მოიაზრება, რომელმაც კონკურენტ შვედეთს მას შემდეგ სძლია, რაც ამ უკანასკნელმა რეგისტრაციის უკანასკნელ დღეს თავისი კანდიდატურა უკან გაიწვია.
კიდევ ერთი სიახლე შეეხება ვიდეო ასისტენტ რეფერის სისტემასაც, რომლის მიხედვითაც თამაშის ვიდეო გამეორების მოთხოვნის უფლება არა მარტო მსაჯებს, არამედ გუნდების მწვრთნელებსაც ექნებათ.
ამჟამად VAR-ის სისტემა მსოფლიოს 65 ქვეყნის ფედერაციას აქვს დანერგილი და ის წარმატებით გამოიყენება. ახალი წესის მიხედვით კი მატჩის მიმდინარეობისას მწვრთნელებს მისი გამოყენების უფლება 2-ჯერ ექნებათ. ფეხბურთელები საჭიროების შემთხვევაში საეჭვო ეპიზოდის შესახებ მწვრთნელებს გააფრთხილებენ, რის შემდეგაც კლუბის თავკაცი მსაჯებს მიმართავს. საბოლოოდ თუკი მსაჯთან მიმართვა და ეპიზოდის გადამოწმება მომჩივანი გუნდისთვის წარმატებით ჩაივლის და პირველადი გადაწყვეტილება შეცვლილი იქნება, მწვრთნელებს მარაგში ისევ 2 ცდა დარჩებათ.
გეტყვით იმასაც, რომ კონგრესზე განხილვის შედეგად შესაძლოა FIFA-მ შტაბ-ბინა შეიცვალოს და ციურიხიდან სხვა ქალაქში გადაიტანოს. სავარაუდო ქალაქებს შორის კი მაიამი და პარიზი მოიაზრებიან.
შშ-ის პრეზიდენტმა, დონალდ ტრამპთან ვენესუელას პრეზიდენტ ნიკოლას მადუროს გასულ თვეში გამართული სატელეფონო საუბრის დროს გადადგომის და ქვეყნის უსაფრთხოდ დატოვებისთვის ვადა გასული კვირის პარასკევამდე მისცა, - ინფორმაციას Reuters-ი ავრცელებს.
გამოცემა წერს, რომ 21 ნოემბრის საუბარს წინ უძღოდა აშშ-ის მიერ ვენესუელაზე ზეწოლის გაზრდა თვეების განმავლობაში, მათ შორის კარიბის ზღვის აუზში ნარკოტიკების კონტრაბანდაში სავარაუდოდ ჩართულ გემებზე დარტყმები, ტრამპის მუქარა ხმელეთზე სამხედრო ოპერაციების გაფართოების შესახებ და Cartel de los Soles-ის, ჯგუფის, რომლის წევრიც ტრამპის ადმინისტრაციის განცხადებით, მადუროა, უცხოურ ტერორისტულ ორგანიზაციად გამოცხადება.
Reuters-ის წყაროების ცნობით, სატელეფონო საუბრისას მადურომ ტრამპს განუცხადა, რომ მზად იყო დაეტოვებინა ვენესუელა იმ პირობით, რომ მას და მის ოჯახის წევრებს სრული სამართლებრივი ამნისტია ექნებოდათ, მათ შორის აშშ-ის ყველა სანქციის მოხსნა და სისხლის სამართლის საერთაშორისო სასამართლოში მისი საქმის შეწყვეტა.
მან ასევე მოითხოვა სანქციების მოხსნა 100-ზე მეტი ვენესუელელი ჩინოვნიკისთვის, რომელთაგან ბევრს აშშ ადამიანის უფლებების დარღვევაში, ნარკოტიკებით ვაჭრობაში ან კორუფციაში ადანაშაულებს,
მადურომ ასევე ითხოვა, რომ ახალი არჩევნების ჩატარებამდე დროებითი მთავრობის ხელმძღვანელი ვიცე-პრეზიდენტ დელსი როდრიგესი ყოფილიყო.
სატელეფონო საუბარის დრომ ტრამპმა მისი მოთხოვნების უმეტესობა უარყო, თუმცა მადუროს უთხრა, რომ მას ერთი კვირა ჰქონდა ოჯახის წევრებთან ერთად ვენესუელას დასატოვებლად.
წყაროების ცნობით, უსაფრთხო გასვლის ვადა პარასკევს ამოიწურა, რის გამოც ტრამპმა შაბათს ვენესუელას საჰაერო სივრცის დახურვის შესახებ განაცხადა.
მადურო და მისი მთავრობა აშშ-ის ადმინისტრაციის ყველა ბრალდებას უარყოფენ და აცხადებენ, რომ შეერთებულ შტატებს ვენესუელაში რეჟიმის შეცვლა სურს, რათა ქვეყნის უზარმაზარი ბუნებრივი რესურსები, მათ შორის ნავთობი, გააკონტროლოს.
