USD 2.7428
EUR 2.8772
RUB 2.6387
თბილისი
რა ვითარებაა უკრაინაში ამ დროისთვის
თარიღი:  309

2023 წლის 9-10 აგვისტოს შეჯამება უკრაინაში:

- უკრაინული იერიში მდინარე დნეპრის აღმოსავლეთ სანაპიროზე გრძელდება. ერთის მხრივ ანტონოვის ხიდის მომიჯნავე პლაცდარმი გააფართოეს უკრაინელებმა და ოლეშკისაკენ ცდილობენ გადაადგილებას, სადაც მდინარე კონკასა და ჩაიკას შორის მონაკვეთზე მიმდინარეობს შეტაკებები, ხოლო მეორეს მხრივ კოზაჩი ლაჰერთან (კაზაკთა ბანაკი - ასე ითარგმნება ამ ადგილის სახელწოდება ქართულად) ვითარდება იერიშები. უკრაინელებმა კუნძულების დაკავება მოახერხეს და ახლა ჭაობების სიახლოვეს მიმდინარეობს შეტაკებები, ქალაქის სამხრეთით. უკრაინული იერიშის შესაკავებლად დიდი რაოდენობით რუსული ნაწილები შევიდნენ დასახლებაში.

დნეპრის სანაპიროს შენარჩუნება რუსებს აშკარად უჭირთ. გრძელი, ჭაობიანი და კახოვკას კაშხლის აფეთქების შემდეგ თავდაცვის გადარეცხილი ხაზი აქვთ დასაცველი მათ. ეს კი როგორც ჩანს უჭირთ და საკმაოდ დიდ რეზერვებსა და ძლებს მოითხოვს.

ამასთან, უკრაინელები აქტიურად ბომბავენ მთელს პერიმეტრს. ყველა ტიპის უკრაინული არტილერია სწვდება მათ. ამ პროცესში გუშინ ინტენსიურად დაიბომბა ნოვა კახოვკაში რუსული სამხედრო ნაწილიც.

- რუსები ცდილობენ შეტევა განავითარონ ხარკივის ოლქში, კუპიანსკის მიმართულებით, ქალაქის ჩრდილოეთით, ლიმან პერშის მონაკვეთზე. ამ მოცემულ რეალობაში, სტრატეგიული თვალსაზრისით ეს მონაკვეთი საკმაოდ უმნიშვნელოდ იქცა და ახლა მასზე ძალიან დიდი ძალებითა და ძალიან დიდი მსხვერპლის ფასად დაწოლა ანალიტიკოსებისათვის გასაკვირია. ბევრი მოსაზრება წავიკითხე ამ თემაზე და სამი ძირითადი აზრი იკვეთება: 1. შეტევა შეტევისათვის - უბრალოდ არ უნდათ რუსებს ინიციატივა არ ჰქონდეთ სადმე და ყველა მიმართულებით თავდაცვაში იდგენენ; 2. უკრაინელთა ყურადღების ამ მიმართულებით გადასატანად და სხვაგან ძალების მოსაკლებად; 3. რუსები მდინარე ოსკილს მიუყვებიან და ცდილობენ თავდაცვის ხაზი მის გაყოლებაზე შექმნან. სამივე მოსაზრებას აქვს არსებობის უფლება და ერთმანეთს არ გამორიცხავს (პირიქით, ავსებს კიდეც). მაგრამ იმდენად დიდ ძალისხმევად უჯდებათ მათ ამ შეტევის განვითარება, რომ რამდენად ეყოფათ ძალა საეჭვოა.

მიუხედავად ამისა, უკრაინელები ქალაქ კუპიანსკის თავდაცვისათვის მაინც ამზადებენ და მოსახლეობის ევაკუაციის გეგმაც აქვთ შემუშავებული. კუპიანსკი უკრაინელებმა 2022 წლის სექტემბრის კონტრშეტევისას გაათავისუფლეს.

აღსანიშნავია ისიც, რომ რუსები კუპიანსკის ჩრდილოეთით იანვრიდან მოყოლებული აქტიურობენ, ხოლო აქტიურ იერიშებს ბოლო სამი თვეა ახორციელებენ.

- უკრაინელები დონეცკის ოლქის სამხრეთ ნაწილში, ველიკა ნოვოსილკას სამხრეთით, უროჟაინეზე ახორციელებენ შტურმს. გარდა ამისა მიმდინარეობს საარტილერიო დუელი. ამ პატარა მონაკვეთზე იმდენად ინტენსიურია შეტაკებები, რომ ამის მსგავსი მთელს უკრაინაში ძალიან ცოტა წერტილია.

- ყირიმში უკრაინელებმა ჯანკოის აეროპორტის მიმდებარე ტერიტორია დაბომბეს მინიმუმ ორჯერ. აფეთქებების შესახებ იტყობინებოდნენ ნოვოფედოროვკას აეროპორტის ტერიტორიაზეც.

- რუსებმა ქალაქი ზაპორიჟია ორჯერ დაბომბეს. ორჯერვე მშვიდობიანი მოსახლეობა. ესაა განგრძობითი ტერორი.

- რუსულმა დრონებმა რივნეს ოლქში (დასავლეთ უკრაინა) ბელარუსიდან გაშვებული დრონებით ნავთობბაზა დაბომბეს.

- უცნაურად ვითარდება "ვაგნერის" ბედი: როგორც ჩანს მათ ლუკაშენკას იმაზე დიდი ფული მოსთხოვეს, ვიდრე მას ამის გადახდა შეეძლო ან სურვილი ჰქონდა. სწორედ ამიტომ ომის შემსწავლელი ინსტიტუტის ინფორმაციით მათი ნაწილი მაინც უკან, რუსეთში ბრუნდება და შოიგუს უწყებასთან გააფორმებს კონტრაქტს. ჯერჯერობით საუბარია 500-600 გასულ სამხედროზე (სულ ბელარუსში მყოფი ვაგნერის რაოდენობა 3000 სამხედროდან 10 ათას სამხედრომდე მერყეობს). თუკი ეს ინფორმაცია ნამდვილი გამოდგა რა საინტერესოა რა ნაწილი დარჩენა ბელარუსში და როგორ გამოიყენებენ მათ რუსეთში - გაუშვებენ ისევ ფრონტის ხაზზე, სადაც ისინი კვლავ სჭირდებათ თუ გაუშვებენ აფრიკის ქვეყნების გასაძარცვავად. ხოლო მეორეს მხრივ, თუკი ლუკაშენკა მათ ნაწილს დაიტოვებს, დიდი რაოდენობით ისინი შეიძლება არც კი ესაჭიროებოდეს - რამდენიმე ასეული მსროლელი მკველთა რაზმი "პრეტორიანული გვარდიის" მსგავსად ეყოლება მას, რომელსაც საკუთარი ხალხის წინააღმდეგ თუ დივერსიისათვის ეფექტურად გამოიყენებს.

მიყევით ბმულს - გიორგი კობერიძე

 

მსოფლიო
«The Daily Telegraph» (დიდი ბრიტანეთი): „ტრამპმა ისეთი ამერიკა მიიღო, რომელიც რომის იმპერიას ჰგავს დაცემის პერიოდში“

ბრიტანული გაზეთი „დეილი ტელეგრაფი“ (The Daily Telegraph) აქვეყნებს სტატიას სათაურით „ტრამპმა ისეთი ამერიკა მიიღო, რომელიც რომის იმპერიას ჰგავს დაცემის პერიოდში“ (ავტორი - ტიმ სტენლი, ისტორიკოსი, პოლიტიკური მიმომხილველი).

გთავაზობთ პუბლიკაციას მცირე შემოკლებით:

კემბრიჯის უნივერსიტეტის ლექტორი ასეთ ისტორიას ჰყვება: ერთხელ სტუდენტ ქალიშვილისთვის გასაუბრება ჩაუტარებია რომაელ კლასიკოსებზე და, როგორც ხდება ხოლმე, გოგონას ვერაფერი ვერ უთქვამს. ბევრს ეცადა პროფესორი - ხან აქედან მიუდგა, ხან იქიდან, ხან მიანიშნა, მაგრამ ამაოდ. ბოლოს ლექტორი შეევედრა - „მითხარი, საერთოდ რაიმე თუ იცი რომაული სამყაროდან, არაფერმა არ დაგაინტერესა?“. პაუზა. სტუდენტი ფიქრობს და ბოლოს გახარებული ამბობს: „გლადიატორი“. ლექტორს იმედი მიეცა, იქნებ რაიმე ვრცლად იცის გლადიატორებზეო და ჰკითხა: „და რამ დაგაინტერესა „გლადიატორში“ - რომის პოლიტიკამ, კულტურამ, საზოგადოებამ?“. „რასელ ქროუმ“, - უპასუხა გოგონამ. ლექტორს უკანასკნელი იმედი გაუქრა...

გასულ კვირას ლონდონში, კინოთეატრ Imax-ში „გლადიატორი II“-ს ვუყურე. ვფიქრობ, მასში რასელ ქროუ რომ არ თამაშობს, ფილმისთვის ძალიან დიდი დანაკლისია, თუმცა რიდლი სკოტმა თავის ქმნილებაში საკუთარი სათქმელი მაინც თქვა.

კრიტიკოსების ნაწილი აღნიშნავს, რომ სიქველი უფრო ნიჰილისტურია, ვიდრე ორიგინალი, რომელიც ეკრანზე 2000 წელს გამოვიდა. პირველ ფილმში ნათქვამი იყო, რომ მარკ ავრელიუსის - იმპერატორისა და ფილოსოფოსის - რომის იმპერიის გარდაქმნის იდეა იმედიანად გამოიყურებოდა, მაგრამ მისი ვაჟის, იმპერატორ კომოდუსის მმართველობის დროს ყველაფერი წყალში ჩაიყარა. მართალია, გენერალ მაქსიმუს დეციმუს მირიდის მსგავს კარგ ადამიანებს სიტუაციის გამოსწორება შეეძლოთ, მაგრამ, სამწუხაროდ, ვერ მოხერხდა.

ამერიკა, როგორიც 2000 წლის 11 სექტემბრამდე [იგულისხმება მომხდარი ტერაქტების თარიღი] არსებობდა, შეიძლება იმდროინდელ რომად ჩავთვალოთ, როცა იმპერიის ხელისუფლების გეგმები „დიდი იმედების მომცემი“ იყო. ფილმში მარკ ავრელიუსის მმართველობიდან ორი ათეული წლის შემდეგ „გლადიატორი II“-ის სლოგანი გახდა „რომი უნდა დაეცეს“ - იმიტომ, რომ იმპერია შიგნიდან დალპა და გარდაქმნას საჭიროებდა. რომს მართავენ ტყუპი ძმები - იმპერატორები სეპტიმიუს გეტა და სეპტიმუს კარაკალა, ისინი გაუთავებლად ომობენ ბარბაროსებთან და რომის მოსახლეობას სპორტის სასტიკი სახეობით ართობენ, კონსულად კი მაიმუნს ნიშნავენ. იმპერატორების გარემოცვა, თანამედროვე გაგებით, ზელიბერალურია...

დღევანდელი ამერიკელი კონსერვატორები (ჩათვალე - რესპუბლიკელები) თვლიან, რომ ამერიკა ბოლო წლებში ლიბერალური რომის მიერ დაშვებულ შეცდომებს იმეორებს.

ნაციონალისტები მიუთითებენ, რომ ლიბერალურმა რომმა თავშესაფარი მისცა გოთებს (ბარბაროსებს), რომლებმაც საბოლოო ჯამში იმპერია გაძარცვეს და დაანგრიეს; ქრისტიანები რომაელ ლიბერალებს სექსუალურ თავაშვებულობაში ადანაშაულებენ, ხოლო მკაცრი ინდივიდუალისტები - საომარი სულის დაკარგვაში. „რომი დაეცა იმიტომ, რომ რომაელებმა რომაელების გაჩენა და აღზრდა შეწყვიტეს“, - თქვა ამას წინათ ილონ მასკმა ინტერვიუში. ტრადიციულად, მდიდრულ საზოგადოებაში უფრო ცოტა ბავშვი იბადება, რაც ამ საზოგადოების ელიტას აიძულებს სამუშაო ძალის იმპორტი განახორციელოს და დაქირავებულების იმედად იყოს. ამგვარ საზოგადოებაში ცენტრალური ადგილი უჭირავს კულტურული თვითმკვლელობის იდეას. ყველა დროის საზოგადოებებში ხდება ომები და ეპიდემიები, მაგრამ ძლიერებს ყველაფერს უძლებენ, სუსტები კი კრახს განიცდიან.

ამერიკას ერთი მუჭა არისტოკრატიული ოჯახები მართავენ. დონალდ ტრამპს, ისევე როგორც იულიუს კეისარს (ცეზარს), ხელისუფლებაში მოსვლა დიდწილად იმიტომაც სურდა, რომ თავისი ხელშეუხებლობა შეენარჩუნებინა და პატიმრობა თავიდან აეცილებინა. ერთი შეხედვით, თითქოსდა არაკეთილშობილური ქცევაა, მაგრამ ასე აკეთებდნენ ხალხები და პოლიტიკოსები ყველა დროში.

დონალდ ტრამპის ლოზუნგი - „დავუბრუნოთ ამერიკას ძველი დიდება“ - ეხმიანება როგორც მარკ ავრელიუსისა და გენერალ მაქსიმუს დეციმუსის („გლადიატორი - I“) ოცნებას, ასევე მაქსიმუსის ვაჟის ლუციუსის („გლადიატორი II“) სურვილს - რომისათვის ძველი დიდების დაბრუნების შესახებ.

საბოლოო ჯამში, „გლადიატორი II“ არ იძლევა პასუხებს იმ პრობლემებზე, რომლებიც მასშია ნაჩვენები. მართალია, დაგმობილია კოლიზეუმის არენაზე მიმდინარე ბრძოლები, მაგრამ ახლო რაკურსით ვხედავთ გლადიატორების ყველა ტრამვას, შეტაკებაში მიღებულს. რიდლი სკოტი სიქველში კვლავ იმეორებს ინგლისურ-ამერიკულ რწმენას ღმერთივით პიროვნების მიმართ, მაგრამ ხალხის ცხოვრება ნაკლებად არის წარმოჩენილი. ფილმში არსად არავინ ლაპარაკობს მონების მდგომარეობაზე, დევნილ ებრაელებზე თუ ქრისტიანებზე, მთავარ გმირს ლუციუსს არ აქვს შედგენილი გეგმა რომში რესპუბლიკური მმართველობის აღსადგენად. ლუციუსი მხოლოდ დადებითი გმირის როლს ასრულებს, მას ხალხი მაინცდამაინც არ აინტერესებს - იმიტომ, რომ იგი იმპერატორის შთამომავალია.

წყარო: https://www.telegraph.co.uk/news/2024/11/24/trump-america-rome-gladiator-lawfare-concubines/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.