რა ვითარებაა ამ დროისთვის უკრაინაში

რა ვითარებაა ამ დროისთვის უკრაინაში

თარიღი: 394

რუსული ძალები ხერსონისა და დონეცკის ოლქებს თავს დაესხნენ. დაიბომბა ორი დასახლება და დაიღუპა სამი ადამიანი, ხოლო ორი - დაშავდა.

უკრაინული მედიის ცნობით, ხერსონის ოლქში თავდასხმა საცხოვრებელ უბანზე მოაწყვეს. დონეცკის ოლქში კი რუსი სამხედროების სამიზნე კერძო სექტორი გახდა.

აღმოსავლეთ ფრონტზე ვითარების შედარებით გამოსწორების შესახებ ცნობას ავრცელებს უკრაინის შეიარაღებული ძალების მთავარსარდალი. ქვეყნის სამხრეთ ნაწილში კი, რუსეთის შემტევი დრონების მომრავლების გამო, საჰაერო განგაშია გამოცხადებული.

15-მდე აფეთქების შესახებ იუწყება ქალაქ ხარკოვის მერი იჰორ ტერეხოვი. მისი ინფორმაციით, რუსეთის სამიზნე ენერგეტიკული ინფრასტრუქტურაა. ხარკოვში აფეთქებებით გამოწვეული ხანძრებია. არაერთ რაიონს ელექტროენერგიის მიწოდება შეუწყდა.

8 სარაკეტო დარტყმის შესახებ იუწყება ზაპოროჟიეს საოლქო-სამხედრო ადმინისტრაციის ხელმძღვანელი ივან ფიოდოროვი. მისი წინასწარი მონაცემებით, დაინგრა 2 კერძო სახლი და 7 დაზიანდა. არიან დაშავებულები, რომელთა რიცხვი ჯერ დაზუსტებული არ არის.

რაკეტებით და დრონებით შეტევა იყო დნეპროპეტროვსკის ოლქის ქალაქ კრივოი-როგზე. ადგილობრივი ხელისუფლების თანახმად, დარტყმები იყო კრიტიკული ინფრასტრუქტურის ობიექტებზე. დეტალები ჯერჯერობით უცნობია.

უკრაინის საჰაერო ძალების სარდლობამ ადგილობრივი დროით 05:00 საათისთვის გაავრცელა პირველი ცნობა, რომ რუსეთის საოკუპაციო ძალებმა კასპიის ზღვის რაიონიდან გაუშვეს ფრთოსანი რაკეტები. მანამდე, შუაღამის შემდეგ, საჰაერო ძალებმა მოსახლეობა გააფრთხილეს უპილოტო საფრენი აპარატებით მოახლოებული თავდასხმის შესახებ. შეტევის მოსაგერიებლად ამოქმედდა საჰაერო თავდაცვის სისტემა.

თბილისი

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული პროექტების შესახებ ანგარიში წარადგინა

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული ინფრასტრუქტურული, სოციალური, საგანმანათლებლო, კულტურული და სპორტული პროექტების შესახებ ანგარიში წარადგინა.

წლიური ანგარიშის პრეზენტაციას თბილისის მერის მოადგილე კახა აბულაძე დაესწრო.

როგორც რაიონის გამგებელმა აღნიშნა, 2025 წელს კრწანისის რაიონში არაერთი მნიშვნელოვანი პროექტი დასრულდა, მათ შორის, სრულად განახლდა ზემო ფონიჭალის ცენტრალური ქუჩა, სადაც მოეწყო 1 372 გრძივი მეტრი დახურული სანიაღვრე ქსელი, გრუნტის დამჭერი კედელი, გასუფთავდა უკანონოდ შემოღობილი ტერიტორიები და მათ ნაცვლად გამწვანების თარგები მოეწყო. პროექტის განსახორციელებლად ადგილობრივი ბიუჯეტიდან 3 000 000 ლარზე მეტი დაიხარჯა.

სულ, საანგარიშო პერიოდში საგზაო ინფრასტრუქტურა 84 მისამართზე მოწესრიგდა.

რაც შეეხება მწვანე სივრცეებს, რაიონში 12 მისამართზე მოეწყო და რეაბილიტირდა სკვერები და მოსასვენებელი ზონები, ხოლო 98 მისამართზე მცირე სარემონტო სამუშაოები ჩატარდა.

“ბინათმესაკუთრეთა ამხანაგობების განვითარების ხელშეწყობის“ პროგრამის ფარგლებში, 183 პროექტი განხორციელდა, კერძოდ რეაბილიტირდა სახურავები, ლიფტები, წყალარინების სისტემები და შეკეთდა სართულშუა ნაპრალები.

როგორც პრეზენტაციაზე აღინიშნა, კრწანისში მცხოვრებ 8000-ზე მეტ განმცხადებელს სხვადასხვა სახის სოციალური დახმარება გაეწია.

ამასთან, გამგეობის ორგანიზებით, მოეწყო სხვადასხვა სპორტული, შემეცნებითი და გასართობი ღონისძიება.

ანგარიშის პრეზენტაციას, თბილისის მერის მოადგილის გარდა, ესწრებოდნენ კრწანისის მაჟორიტარი დეპუტატი საკრებულოში ლევან ჯაფარიძე, თბილისის საკრებულოს განათლებისა და კულტურის კომისიის თავმჯდომარე ბექა ოდიშარია და თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე ბექა მიქაუტაძე.

სრულად