,
მარტში საქართველოს დერეფანში სატრანზიტო ტრაილერების რაოდენობა გაიზარდა. გასულ თვეში საქართველოს გზებით 44 428 სატრანზიტო ტრაილერმა ისარგებლა. მათ მიერ ბიუჯეტში გადახდილი თანხა 15.5 მლნ ლარია.
გზათსარგებლობის საფასური / 2023 წლის იანვარ-მარტი
იანვარი 12 041 350 ლარი / 34 404 სატრანზიტო ტრაილერი
თებერვალი - 11 970 002 ლარი / 34 200 სატრანზიტო ტრაილერი
მარტი - 15 549 710 ლარი / 44 428 სატრანზიტო ტრაილერი
2023 წლის I კვარტალში საქართველოს დერეფანით 113 032 სატრანზიტო სატვირთომ ისარგებლა. მათ მიერ ბიუჯეტში გზათსარგებლობისთვის გადახდილი თანხა 39.56 მლნ ლარია.
სახელმწიფო ხაზინის მონაცემებით, წლიურად, დერეფანში ტრაილერების რაოდენობა 37.8%-ით, მიღებული შემოსავალი კი, 141%-ით არის გაზრდილი.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
