2023 წლის 5 თვეში საქართველოდან უცხოეთში რეკორდული მოცულობის 795 მილიონი დოლარის ღირებულების 42 ათასი ავტომობილი გავიდა ექსპორტზე. თანხობრივად ექსპორტი წინა წელთან შედარებით 316%-ით არის გაზრდილი.

საქართველოდან ექსპორტირებული ავტომობილის საშუალო ფასი 18 ათასი დოლარია. რაც შეეხება ქვეყნებს, პირველ ადგილზე აზერბაიჯანია, სადაც საქართველოდან 189 მილიონი დოლარის ავტომობილები გავიდა. მეორე ადგილზე 187 მილიონით ყაზახეთი, მესამეზე კი ყირგიზეთია 182 მილიონის ექსპორტით.

ავტოექსპორტის სტატისტიკა ქვეყნების, ზრდის ტემპის და საშუალო ფასის მიხედვით:

1) აზერბაიჯანი - $189 მლნ, წლიური ზრდა 96%; მანქანების რაოდენობა 12,916, ერთის საშუალო ფასი $15 ათასი;
2) ყაზახეთი - $187 მლნ, წლიური ზრდა 692%; მანქანების რაოდენობა 10,894, ერთის საშუალო ფასი $17 ათასი;
3) ყირგიზეთი - $182 მლნ, წლიური ზრდა 1962%; მანქანების რაოდენობა 4,571, ერთის საშუალო ფასი $40 ათასი;
4) სომხეთი - $149 მლნ, წლიური ზრდა 1690%; მანქანების რაოდენობა 8,296, ერთის საშუალო ფასი $18 ათასი;
5) რუსეთი - $41 მლნ, წლიური ზრდა 458%; მანქანების რაოდენობა 2,943, ერთის საშუალო ფასი $14 ათასი;
6) ტაჯიკეთი - $13 მლნ, წლიური ზრდა 382%; მანქანების რაოდენობა 1,221, ერთის საშუალო ფასი $11 ათასი;
7) ბელგია - $11 მლნ, წლიური ზრდა -22%; მანქანების რაოდენობა 223, ერთის საშუალო ფასი $50 ათასი;
8) არაბთა გაერთიანებული საამიროები - $6 მლნ, წლიური ზრდა 45%; მანქანების რაოდენობა 74, ერთის საშუალო ფასი $83 ათასი;
9) უკრაინა - $5 მლნ, წლიური ზრდა -67% ; მანქანების რაოდენობა 347, ერთის საშუალო ფასი $15 ათასი;
10) თურქეთი - $3 მლნ, წლიური ზრდა 318% ; მანქანების რაოდენობა 165, ერთის საშუალო ფასი $19 ათასი;

თუკი ექსპორტის ზრდის ეს ტემპი შენარჩუნდა, წლის ბოლომდე საქართველოს შემოსავალი ავტომობილებით ვაჭრობიდან $1.7-1.9 მილიარდს მიაღწევს.

სტატისტიკის თანახმად, ყველაზე მაღალი 83 ათასი დოლარის საშუალო ფასის მქონე ავტომობილები UAE-ში გადის. მეორე ადგილზეა ბელგია $50 ათასის ოდენობით, მესამეზე კი ყირგიზეთი $40 ათასის ოდენობით.