,
მთავრობის მიერ დაწესებული შეზღუდვების 2–თვიანი გეგმის თანახმად, 16 იანვრიდან ეკონომიკა ნაწილობრივ უნდა გაიხსნას. მათ შორის არის სავაჭრო ცენტრები, რომლებსაც გახსნის მოლოდინი აქვთ, თუმცა მთავრობაში ჯერ დადასტურებით არ ამბობენ, შევა თუ არა ძალაში ნოემბერში გამოცხადებული გადაწყვეტილება.
დაავადებათა კონტროლის ეროვნული ცენტრის ხელმძღვანელმა, პაატა იმნაძემ თქვა, რომ განიხილება მოდელი, რომლის თანახმად, შესაძლოა არასასურსათო სავაჭრო ობიექტები თანამშრომლებისთვის COVID-19-ზე ტესტების ჩატარების შემდეგ გაიხსნას.
შრომის ინსპექტირების დეპარტამენტის უფროსი, ბექა ფერაძე ადასტურებს, რომ სავაჭრო ცენტრების გახსნა-არგახსნის საკითხი ჯერ ბოლომდე გადაწყვეტილი არ არის და საკითხი ეპიდვითარების შესაბამისად გადაწყდება.
„ვმუშაობთ სხვადასხვა მოდელზე, თუ როგორ უნდა გაიხსნას სავაჭრო ცენტრები და იმ კვირაში აქტიურად დავძრავთ ამ საკითხს. ჯერ გამიჭრდება ამაზე საუბარი. ორშაბათს შევხვდებით მოლების წარმომადგენლებს და ამის შემდეგ ჩამოვყალიბდებით ამ საკითხზე. ზოგადად, საბჭო მომდევნო კვირაში იმსჯელებს გახსნის საკითხზე, წარვადგენთ ჩვენს მოდელსაც და შემდეგ მიიღება გადაწყვეტილება“, - ამბობს ფერაძე.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
