2023 წლის 12 აპრილის შეჯამება უკრაინაში:
- დღეს ბახმუტში სიტუაცია შედარებით დასტაბილურდა. უკრაინელებმა დამატებითი ცოცხალი ძალის მობილიზება შეძლეს, რის ფონზეც რუსების მრავალმიმართულებიანი შეტევა უშუალოდ ქალაქის დასავლეთ ნაწილზე ვერ განვითარდა. რუსები მრავალი ჯგუფების მეშვეობით ცდილობენ უკრაინულ პოზიციებზე შეტევას და ალყის იმიტაციას.
მეორეს მხრივ თავად რუსები აწყდებიან გარკვეულ პრობლემებს - ბახმუტი იმდენად დანგრეულია, რომ უკვე აღებული პოზიციების ეფექტური შენარჩუნებაც კი ვერ ხდება, რადგან საკომუნიკაციო ქსელი მოშლილია, ინფრასტრუქტურა აღარ არსებობს ხოლო დანაღმულ ტერიტორიაზე გადაადგილება ჭირს.
- გავრცელდა ვიდეო როგორ აჭრის რუსი სამხედრო თავს უკრაინელ ტყვეს. ეს არის ომის დანაშაულის კიდევ ერთი ფაქტი, მაგრამ გარდა სამართლებრივი მხარისა საქმე გვაქვს იმ მხეცურ და ველურ ძალასთან, რომელსაც არამხოლოდ უკრაინისათვის აქვს ომი გამოცხადებული, არამედ საქართველოსათვისაც. არის ვერსია, რომ ვიდეო კრემინას სიახლოვეშია გადაღებული. ვიდეოს გადაღების დროითი პერიოდის შესახებ რამდენიმე ვარიანტი არსებობს, მაგრამ დაზუსტებით არაა ცნობილი როდის მოხდა ეს. რეალურად კი უკრაინული და დასავლური უშიშროება აუცილებლად გამოავლენს ამ ფაქტში მონაწილეებს და აუცილებლად დასჯიან.
- დასავლური დახმარების ახალი პაკეტები სავარაუდოდ, მაისში ჩავა უკრაინაში. ეს კი ქმნის ვერსიას რომ მაისის ბოლომდე უკრაინული კონტრშეტევა არ იქნება. ან პირიქით, სწორედ ამ მოლოდინის საპირისპიროდ შესაძლოა სწორედ მაისამდე (ან ადრეულ მაისს) ვიხილოთ კონტრშეტევის წამოწყება. რაც უფრო მოახლოვდება დრო მით უფრო ბევრი ვერსია გაჩნდება. ეს ქმნის დაბნეულობას მოწინააღმდეგის რიგებში და ფიტავს მის მობილიზებას.
