2023 წლის 11 აპრილის შეჯამება უკრაინაში:
- [რუკა] ქალაქი ბახმუტის მდგომარეობა საკმაოდ მძიმეა. ქალაქის დასავლეთ ნაწილში შეტაკებები არ წყდება. ორივე გზა - ბახმუტი-ივანივსკე-კოსტიანტინივკა და ბახმუტი-ხრომოვე-ჩასივ იარი ინტენსიურ რუსულ ცეცხლშია, რის გამოც მათი გავლით შეწყვეტილია მომარაგება. ნაცვლად ამისა, ეს ყველაფერი ტალახიან საველე გზის გავლით ხორციელდება. ქალაქის შენარჩუნება ჯერჯერობით ხერხდება, მაგრამ საბრძოლო მოქმედების სივრცე საკმაოდ დავიწროებულია, შესაბამისად ტექნიკისა და ცოცხალი ძალის გაშლა ჭირს. მიუხედავად ამისა, ქალაქში ძალიან ბევრი თავდაცვის ზღუდეა მოწყობილი რის გამოცაა, რომ რუსები გადაადგილებისას ცოცხალი ძალის გარდა დიდი რაოდენობით ტექნიკას კარგავენ. ომის დაწყებიდან დღემდე ბრძოლაში ყველაზე დიდი რაოდენობით ცოცხალი ძალა რუსეთმა სწორედ ბახმუტისათვის ბრძოლაში დაკარგა. მე-9 თვეა ინტენსიური ბრძოლა მიმდინარეობს ქალაქისათვის. სავარაუდოა, რომ ქალაქისათვის ბრძოლა მანამ გაგრძელდება, სანამ ქალაქის მომარაგება რაიმე გზით კიდევ იქნება შესაძლებელი. ამ შემთხვევაში უკრაინელთა მხრიდან ბახმუტი რუსული ცოცხალი ძალის მაქსიმალური დანაკარგების ზონადაა გათვლილი. თუკი ბახმუტი დაეცა რუსებმა შემდგომი შეტევა ჩასივ იარსა და კოსტიანტინივკაზე თავისუფლად ვეღარ უნდა შეძლონ.
ბახმუტი სწორედ რუსული არმიის გამოფიტვას ემსახურება. რეალურად კი, რუსეთის თავდაცვის სამინისტროს კლანს "ვაგნერის" ლიდერის, პრიგოჟინის ხელშეწყობა რამდენად მოუნდება და მისი მხარდაჭერა ბახმუტის აღების მცდელობისას და შემდგომი ოპერაციებისას - უცნობია.
- რუსეთში გაწვევის სისტემა იცვლება. თუკი სამხედრო გაწვევის ცნობა მოგივა (ფიზიკურად და ელექტრონულად), რომც არ ჩაიბარო მაინც ჩაბარებულად ჩაითვლება 7 დღის ვადაში. ამ ამბის გამო რუსები წუხან და ქვეყნიდან ხელახალი გაქცევისათვის იწყებენ მზადებას. არავის უნდა ბახმუტის მისადგომებთან სიკვდილი.
- რუსეთში ყველა საბაჟო გაჩერებულია. პროგრამული ხარვეზია და ტვირთბრუნვა შეჩერდა. კოლაფსია ამ მხრივ. ოფიციალური განცხადება ჯერჯერობით ხარვეზზე საუბრობს, თუმცა ინტერნეტპროპაგანდისტები დასავლეთის მიერ ჰაკერულ თავდასხმაზე იწყებს საუბარს.
- დიდ ბრიტანეთში წვრთნების აბსოლუტური უმრავლესობა დასრულებულია (ახალი ბრიგადები კიდევ გაივლიან წვრთნებს სამომავლოდ. პრაქტიკულად ყოველ ორ-სამ თვეში ერთხელ ახალი წვრთნა იწყება). უკრაინელი სამხედროები მალე სამშობლოში იქნებიან და კონტრშეტევაში გადამწყვეტ მონაწილეობას მიიღებენ.
