2023 წლის 7 აპრილის შეჯამება უკრაინაში:
- სახმელეთო საბრძოლო მოქმედებებს სამი ძირითადი წერტილი აქვს - ბახმუტი და მისი შემოგარენი, ავდიივკა და მარიინკა. სამივე მათგანი დონეცკის ოლქშია. ბახმუტის ცენტრალური რაიონი რუსების ხელშია მოქცეული. ახლა შეტაკებები ქალაქის დასავლეთ ნაწილში მიმდინარეობს. ქალაქის ეს მხარე შედარებით უკეთაა გამაგრებული და მომარაგებაც უფრო ადვილად ხდება პერიფერიებიდან. ქალაქის ის ნაწილი, რომლებიც რუსებმა დაიკავეს თითქმის სრულიადაა განადგურებული.
ქალაქი დონეცკის ჩრდილოეთით, ავდიივკასკენ რუსული სამხედრო გადაადგილება ძალიან ძლიერ წინააღმდეგობას ხვდება. რუსებს ქალაქის მიმართულებით წინსვლა არ აქვთ.
ქალაქი დონეცკის სამხრეთით კი მარიინკას ცენტრში პოზიციური ბრძოლები გრძელდება. დღეს ქალაქის სიახლოვეს რუსული მოიერიშე თვითმფრინავი სუ-25 ჩამოაგდეს.
- დონეცკის ოლქში, ბახმუტის სიახლოვეს "ვაგნერის" ერთ-ერთი სამართავი შტაბი გაანადგურეს წუხელ უკრაინელმა არტილერისტებმა. HIMARS-ის გამოყენებით შენობა მთლიანად განადგურდა.
- ლუგანსკი ოლქში, კრემინას ტყეში შეტაკებები მიმდინარეობს. რუსები იძულებულები არიან გაწვრთნილი ნაწილები კრემინას მისადგომებთან დატოვონ, მიუხედავად იმისა, რომ მათი თებერვლის კონტრშეტევა წარუმატებელი იყო და შემტევი უკრაინული ნაწილების განადგურება ვერ შეძლეს. უკრაინელები კი ტყეში მოქმედებას განაგრძობენ. თუმცა მოიერიშეთა ტემპი ძალიან მაღალი არ არის. თუკი კრემინა გათავისუფლდება სიტუაცია ლუგანსკის ოლქში სრულიად შეიცვლება.
- ბოლო დღეებია რუსულ არმიაში - განსაკუთრებით მობილიზებულებში - იმატა დეზერტირობამ და ტყვედ ჩაბარებამ/ჩავარდნამ. როგორც ჩანს მოსალოდნელი კონტრშეტევის ფონზე სტრესი ძალიან მაღალი აქვთ.
.jpg)
