2023 წლის 6 აპრილის შეჯამება უკრაინაში:
- უკრაინელთა მხრიდან რუსულ რადარებზე სამხედრო ნადირობა მიმდინარეობს. მაქსიმალურად ცდილობენ სხვადასხვა სახის, მათ შორის კონტრბატარეული რადარების განადგურებას. ამ უკანასკნელის დანიშნულება საარტილერიო პოზიციის დადგენაა, რაც საპასუხო ცეცხლის გახსნისათვის აუცილებელი პირობაა. რეალურად სწრაფად იცვლება სიტუაცია ამ მხრივ. უკრაინული არტილერია ძალიან გააქტიურებულია.
- ყირიმის ცენტრალურ ქალაქ სიმფეროპოლში ხანძარია. დრონების დარტყმას მოჰყვა ცეცხლი თუ დივერსიას არაა ცნობილი, მაგრამ ადმინისტრაციული საკითხები ამ ქალაქიდან იმართება.
- დონეცკის ოლქში, ბახმუტის მიმართულების საბრძოლო მოქმედებები ცენტრის სიახლოვეს, რკინიგზის ხაზთან მიმდინარეობს. დღეის მოცემულობით რუსები უფრო მეტად ქალაქის აღებული ნაწილის გაწმენდას ცდილობენ ვიდრე სწრაფ წინსვლას, მაგრამ არც ეს დავალებაა ადვილი შესასრულებელი - უკრაინული დრონები ახალდაკავებულ პოზიციებზე რუსულ შეჯგუფებებს ეძებენ და შემდგომ არტილერია ბომბავს მათ.
- უკრაინული არტილერია აქტიურია ქალაქი დონეცკის სიახლოვეს რუსული სამხედრო სამართავი პუნქტების წინააღმდეგ. ახლა მაქსიმალურად მნიშვნელოვანია რუსული ოფიცრობის კიდევ უფრო შემცირება და მათი რიგების დასუსტება. ისედაც მძიმე მდგომარეობა შეიქმნა რუსულ არმიაში ამ მიმართულებით ბოლო თვეების განმავლობაში, მაგრამ ახლა უკრაინელები კიდევ უფრო ცდილობენ გააქტიურებას.
