2023 წლის 30 მარტის შეჯამება უკრაინაში:

- ბახმუტში, ქალაქის სიღრმეში ღამით ღრმად შესული რუსული დანაყოფები უკრაინულ ჩასაფრებებში მოყვნენ, რის შედეგადაც მათი ნაწილი განადგურდა ნაწილი კი ტყვედ ჩავარდა. როგორც ჩანს უკრაინელებს ბევრი ლოკალური სცენარი აქვთ დამუშავებული რის ფონზეც რუსული ნაწილების გადაადგილება ძალიან ჭირს.

- დონეცკის ოლქში, ავდიივკას სიახლოვეს, სამხრეთ-დასავლეთიდან რუსულმა სამხედრო ძალებმა ქალაქის მიმართულებით გაჭრა სცადეს მაგრამ მნიშვნელოვანი დანაკარგები მიიღეს ტექნიკასა და ცოცხალი ძალის მიმართულებით რის შემდეგ სასწრაფოდ დაიხიეს უკან. ზოგადად, ავდიივკასათვის ბრძოლა ძალიან კომპექსურია და რუსები ძალიან დიდ ძალებს ახარჯავენ მას და თანაც ომის პირველივე დღიდან.

- როგორც მოსალოდნელი იყო 1 აპრილიდან რუსეთში მობილიზაციის დამატებითი ტალღა იწყება. ამჯერად 400 ათასი სამხედროს თავმოყრა და გაწვრთნა იგეგმება. მობილიზაციის კვოტის შესრულება იმდენად რთული ამოცანა არ იქნება, რამდენადაც მათი გადამზადება და აღჭურვა. წინა მობილიზაციამ რომ ფრონტის მიმართულებით არაფერი შეცვალა ეს უკვე ვიხილეთ.

- რუსეთში wall street journal-ის რეპორტიორი დააკავეს ჯაშუშობის ბრალდებით. რუსები ეცდებიან რაც შეიძლება მეტი ადამიანი დააკავონ ასეთი ბრალდებით და შემდგომ ან პროპაგანდისათვის გამოიყენონ ისინი ან/და დასავლეთში დაკავებულ ნამდვილ რუს ჯაშუშებზე გაცვალონ. ასეთი ქმედებები კარგად წარმოაჩენს თუ როგორ მოქმედებს რუსეთი და რომ მსგავსი ქმედება რუსეთისათვის პირველი არ არის.

მიყევით ბმულს - გიორგი კობერიძე