რა მდგომარეობაა ამ დროისთვის უკრაინაში

რა მდგომარეობაა ამ დროისთვის უკრაინაში

თარიღი : 03.28.2023 142

2023 წლის 27 მარტის შეჯამება უკრაინაში:

- პარტიზანული აქტივობა სამხრეთ უკრაინაში როგორც ჩანს კვლავ მძლავრადაა გაშლილი და გაზაფხულის დადგომასთან ერთად კიდევ უფრო იკრებს ძალას. ბოლო 24 საათში პარტიზანებმა მარიუპოლში კოლაბორაციონისტისა და საოკუპაციო ძალების წარმომადგენლის მანქანა ააფეთქეს. დანაღმული მანქანა აფეთქდა მელიტოპოლშიც, რომელიც სამხედრო საწყობის სიახლოვეს იმყოფებოდა. ზოგადად ასეთ აქტივობებს არ აქვთ მხოლოდ სამხედრო დანიშნულება არამედ ფსიქოლოგიური ეფექტის თვალსაზრისით უფრო მეტად შედეგიანია ხოლმე. როდესაც კოლაბორაციონისტს ან საოკუპაციო ძალების წარმომადგენელს მშვიდად არ სძინავს და სიკვდილის ეშინია ეს ძალიან დიდი დემორალიზაციის წყარო ხდება ხოლმე, ხოლო ახალ კოლაბორაციონისტებს ორჯერ დააფიქრებს სანამ რაიმე ნაბიჯს გადადგამენ.

- დონეცკის ოლქში, ვოლნოვახას სიახლოვეს რუსული სამხედრო საწყობი იქნა დაბომბილი და განადგურებული. წმინდად ლოჯისტიკურად რომ შევხედოთ - რაც უფრო დიდი რაოდენობით სამხედრო ძალები გყავს მობილიზებული მით უფრო მეტი ამუნიცია სჭირდებათ მათ. თუკი მოწინააღმდეგე ძლიერია, ამუნიციის განთავსება ფრონტიდან იმდენად შორს უნდა მოხდეს, რომ არტილერია ვერ სწვდებოდეს მას. თუმცა ასეთ შემთხვევაში მისი ფრონტამდე ტრანსპორტირება და განაწილება ცალკე სირთულეებთანაა დაკავშირებული. მაგრამ რუსებს სხვა პრობლემაც უდგათ, დრონების, HIMARS-ისა და ექსკალიბურის ჭურვების გამოყენებამ რუსული მომარაგება ლამის საზღვართან მიაჯაჭვა და იქაც კი ვერ ხდება მათი დაცვის უზრუნველყოფა. ერთ-ერთ მიზეზი ესეცაა თუ რატომ აღარაა ძველებურად დიდი არტილერიის გამოყენების - რესურსები არამხოლოდ იხარჯება არამედ საწყობების დაბომბვების შემდეგ მცირდება ან ლოჯისტიკის გაუმართაობით მუდმივ დეფიციტშია ხოლმე.

- რუსებმა დღეს დონეცკის ოლქში უკრაინელთა მიერ კონტროლირებადი ქალაქი სლავიანსკი დაბომბეს. ქალაქის მოსახლეობა 110 ათასამდეა. რაკეტები ქალაქის ცენტრში ჩამოვარდა. დაღუპული და დაშავებული მშვიდობიანი მოსახლეობაა. ქალაქი საბრძოლო მოქმედების ზონიდან დაახლოებით 25 კილომეტრში მდებარეობს და რუსული შეტევის ერთ-ერთი დეკლარირებული სამიზნეა.

რუსები დარტყმას ცდილობენ როგორც კიევის ისე დნიპროს მიმართულებითაც, თუმცა ორივე ქალაქს ჰაერსაწინააღმდეგო სისტემები კარგად იცავენ.

- ბახმუტში სიტუაცია მძიმეა თუმცა კონტროლირებადი. ინტენსიური საბრძოლო მოქმედებები მიმდინარეობს ქალაქის სამხრეთ და ჩრდილოეთ მიმართულებაზე. ქალაქის ცენტრში უკრაინელები არიან. შეტაკებები ცენტრიდან ჩრდილოეთში დაახლოებით 2 კილომეტრში მიმდინარეობს, სამხრეთში კი დაახლოებით 1.5 კილომეტრში.

- ჩინეთი ბელარუსში რუსული ტაქტიკური ბირთვული იარაღის განთავსების წინააღმდეგია. ჩინელები ასეთი პრეცედენტების შექმნის წინააღმდეგნი არიან, რადგან სხვა ყველას შეუძლია ამ პრინციპის გამოყენება იგივე ჩინეთის წინააღმდეგაც და მის სიახლოვეს ბირთვული იარაღის დამატებითი არსენალის განთავსება. ამასთან, ჩინეთი ცდილობს რუსეთზე პერმანენტული ზეწოლის წარმოებას და ჩვენებას, რომ მოსკოვის ყველა ნაბიჯს პეკინში ტაშით არ შეხვდებიან.

- ბელარუსში, მინსკის სიახლოვეს ავტოსაწარმო იწვის. ზოგადად, ასეთი მოვლენები ძალიან მომრავლდა რაც თავის მხრივ ბევრ ეჭვს ბადებს, მით უფრო რომ თავად ბელარუსის ხელისუფლება საუბრობდა შიდა საბოტაჟურ ქსელზე.

მიყევით ბმულს - გიორგი კობერიძე

კულტურა

პარიზის წიგნის ფესტივალზე საქართველოს მწერალთა სახლი ეროვნული სტენდით პირველად არის წარმოდგენილი

კულტურის სამინისტროს მხარდაჭერით 12-14 აპრილს საქართველოს მწერალთა სახლი 2024 წლის პარიზის წიგნის ფესტივალზე ეროვნული სტენდით პირველად მონაწილეობს.

Grand Palais Éphémère–ში ფესტივალისა და საქართველოს ეროვნული სტენდის გახსნას მწერალთა სახლის დირექტორი ქეთევან დუმბაძე, საქართველოს საგანგებო და სრულუფლებიანი ელჩი საფრანგეთის რესპუბლიკაში გოჩა ჯავახიშვილი და ლიტერატურული სფეროს წარმომადგენლები ესწრებოდნენ.

საქართველოს ეროვნული სტენდის პრეზენტაცია გაიმართა ღონისძიებით - „ჰაგიოგრაფიიდან პოსტმოდერნიზმამდე“. მწერალთა სახლის სტენდის სტუმრებს, ქართული მწერლობის გაცნობასთან ერთად, საინტერესო კალიგრაფიულ აქტივობაში ჩართვის შესაძლებლობა ჰქონდათ. კალიგრაფმა გიორგი სისაურმა მათ ქართული ანბანით დაუწერა სასურველი სიტყვები, გამონათქვამები, ფრაზები, სახელები და ა. შ. ასევე გაიმართა ღონისძიება, სახელწოდებით, „თექვსმეტსაუკუნოვანი უწყვეტი ლიტერატურული პროცესი“, რომელიც განიხილავს ქართულ ლიტერატურას, ქართულ-ფრანგულ ლიტერატურულ ურთიერთობებსა და ქართული და ევროპული ლიტერატურის კავშირს.

პირველ საფესტივალო დღეს გამართულ პანელ-დისკუსიაში მონაწილეობა მიიღეს საქართველოს საგანგებო და სრულუფლებიანმა ელჩმა საფრანგეთის რესპუბლიკაში გოჩა ჯავახიშვილმა და ფრანგული ფილოლოგიის დოქტორმა, პროფესორმა, ივანე ჯავახიშვილის სახელობის თბილისის სახელმწიფო უნივერსიტეტის რომანული ფილოლოგიის ფაკულტეტის ხელმძღვანელმა ბელა ხაბეიშვილმა. შეხვედრას ასევე ესწრებოდნენ უცხოელი გამომცემლები, ლიტერატურული აგენტები, მედიის წარმომადგენლები და ქართული სათვისტომოს საპატიო წევრები.

ფესტივალის მსვლელობისას ქართულ სტენდზე დაგეგმილია არაერთი აქტივობა და საქმიანი შეხვედრა - PUBLISHERS MATCHMAKING. შეხვედრის მონაწილეები იქნებიან საქართველოს მწერალთა სახლი, ქართული გამომცემლობები: „სეზან ფაბლიშინგი“, „მედუზა,“ „ბაკმი“ და მთარგმნელები - მაია ვარსიმაშვილი და მაია გიორხელიძე. შეხვედრაზე განიხილავენ ქართული ლიტერატურის კატალოგს. მთარგმნელი დალი იაშვილი წარადგენს მიხეილ ჯავახიშვილის მოთხრობას - „ლამბალო და ყაშა“ და მოთხრობების კრებულს. მთავარ სცენაზე გაიმართება წიგნის - „მზე, მთვარე და პურის ყანა“ წარდგენა. წიგნს წარადგენენ ავტორი - მწერალი და კინორეჟისორი თემურ ბაბლუანი და ეროვნული კინოცენტრის წარმომადგენელი ევროპაში სოფიო ბაბლუანი. ქართველ გამომცემლებთან ერთად საქართველოს სტენდთან იქნებიან ფრანგული გამომცემლობები: LE CHERCHE MIDI, GINGKO, EDITIONS DES CARNETS DU DESSERT DE LUNE, MEDUZA, და იტალიური გამომცემლობა MODERN TIMES, რომლებიც წარმოადგენენ ფრანგულად თარგმნილ კლასიკურ და თანამედროვე ქართულ პროზასა და პოეზიას.

საქართველოს ეროვნულ სტენდზე წარმოდგენილი იქნება ბუკლეტი ქართველი ავტორების 50-ამდე ნამუშევრის სინოპსისითა და ამონაბეჭდებით ისეთი ცნობილი ნაწარმოებებიდან, როგორიც არის „შუშანიკის წამება“, „ვეფხისტყაოსანი“ და სხვა.

აღსანიშნავია, რომ პარიზის წიგნის ბაზრობა ევროპის ერთ-ერთი ყველაზე მნიშვნელოვანი კულტურული მოვლენაა, რომელიც ყოველწლიურად გაზაფხულზე იმართება და მასში მონაწილეობას 1 200 გამომცემელი და 2 000 ავტორი იღებს. საქართველოს წელს პირველად მიეცა საშუალება, საკუთარი სტენდით ჩაერთოს საფესტივალო აქტივობებში.

ფესტივალში ეროვნული სტენდით მონაწილეობა საქართველოსთვის ძალიან მნიშვნელოვანია.

საფესტივალო აქტივობები მწერალთა სახლს, ქართველ მწერლებსა თუ გამომცემლებს დაეხმარება ლიტერატურული ურთიერთობების წარმართვაში, ქართული მწერლობის პოპულარიზაციაში, ახალი კონტაქტების მოძიებასა და მთარგმნელობითი საქმიანობის ხელშეწყობაში.

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

კულტურა

სრულად

თბილისის თანამედროვე ხელოვნების ბაზრობა გაიხსნა

სრულად

კულტურის სამინისტრომ ანსამბლ „ერისიონს“ ტრადიციული სასცენო სამოსი გადასცა

სრულად