რა ხდება ტეხასში (ან ტექსასში, როგორც გინდათ)?

მოკლედ იმის შესახებ თუ  რას წარმოადგენს ტეხასი:

- ტეხასის მშპ (მთლიანი შიდა პროდუქტი ) 2,5 ტრილიონი აშშდოლარია.

- ტეხასს მერვე ეკონომიკა აქვს პლანეტის მასშტაბით

- ტეხასი მსოფლიოში მესამე უმსხვილესი ნავთობის მწარმოებელია რუსეთის ფედერაციისა და საუდის არაბეთის შემდეგ,

- ტეხასის მოსახლეობის რაოდენობის გათვალისწინებით, მას ნავთობის წარმოებიდან მოგება უფრო მეტი აქვს ერთ სულ მოსახლეზე, ვიდრე საუდის არაბეთს და რუსეთის ფედერაციას

- ტეხასური კორპორაციებია: ExxonMobil, AT&T, Dell, Shell, Pizza Hut.

- ტეხასში გადაიტანა 2021 წელს ილონ მასკმა Tesla-ს სათაო ოფისი. იქვე მდებარეობს Starbase SpaceX და თანამედროვე რაკეტების წარმოების ძირითადი ობიექტები

- ტეხასი არის მეორე ყველაზე დასახლებული და უდიდესი შტატი ამერიკაში.

- ტეხასი რომ იყოს ცალკე ქვეყანა, ის მსოფლიოს 10 საუკეთესო ეკონომიკის მქონე სახელმწიფოთა სიაში მოხვდებოდა.

ამერიკელი დემოკრატები არალეგალი მიგრანტების ინტეგრირებას უჭერენ მხარს (როგორც იდეოლოგიურად, ასევე პრაგმატული მოსაზრებით) და აწყობთ მიგრანტების შემოჭრა აშშ-ში, რადგან მილიონობით ასეთი მიგრანტი ბუნებრივად დემოკრატებს მისცემს ხმას

რესპუბლიკელებმა იციან ეს და მხარს არ უჭერენ უკონტროლო მიგრაციას, როგორც იდეოლოგიურად ასევე პრაგმატული მოსაზრებით (მოწინააღმდეგის გაძლიერება რათ უნდათ?)

ტეხასი არის შემოჭრის ძირითადი კერა, რომლის გუბერნატორი რესპუბლიკელია, ხოლო ტეხასის მთავრობას ექვემდებარება Texas Military Department, რომელიც ეროვნულ გვარდიას აკონტროლებს და არაა დამოკიდებული ფედერალურ მთავრობაზე ბევრ ასპექტში. ეროვნული გვარდიის გამოყენება გუბერნატორს კანონიერად შეუძლია და არ უთანხმებს პრეზიდენტს, ან ფედერალებს.

რესპუბლიკელმა გუბერნატორმა გამოიყვანა ტეხასის გვარდია (36-ე ქვეითი დივიზია) და ცდილობს საზღვრის ჩაკეტვას (ოპერაცია Lone Star). ფედერალურმა მთავრობამ მოსთხოვა ახალი ჯებირების და მავრთულხლართების აღება, რაზეც ტეხასმა უარი განაცხადა. 24-მა შტატმა (სადაც რესპები არიან გუბერნატორები) მხარდაჭერა გამოუცხადა ტეხასს და საკუთარი შტატის გვარდიის დანაყოფები გააგზავნა საზღვრის დასაცავად

2024 წლის უკიდურესად მნიშვნელოვანი არჩევნების წინ ორივე პარტია ხელიდან არ უშვებენ შანსს ხმები დააკარგვინოს ოპონენტს. მიგრანტების კრიზისის მოუგვარებლობის გამო შეწყვეტილია აშშ-ს ბიუჯეტის დამტკიცებაც კი, სადაც უკრაინის დახმარებაც შედის!

პრობლების იდეოლოგიური ფესვები ე.წ. "ლიბერალიზმში" (ნეომარქსიზმი, კულტურული მარქსიზმი და ა.შ. ბევრი სახელი აქვთ) იღებს სათავეს. ეს იდეოლოგია 50-70 იანი წლებიდან იკიდებს ფეხს აშშ-ში და ამ ეტაპზე მაინსტრიმი გახდა იმ შტატებში, სადაც დემოკრატები არიან უმრავლესობაში. ტეხასში რაც ხდება, უბრალოდ ერთერთი გამოძახილია ამ იდეოლოგიური დაპირისპირების ორ ბანაკს შორის. ამ ეტაპზე ცხელი ფაზის საშიშროება არაა, მაგრამ საშუალო, ან შორეულ მომავალში პროგნოზირება ცოტა ძნელი საქმეა.