,
ქუთაისი საქართველოში მოსახლეობის რაოდენობით უკვე მეოთხე ქალაქია.
ყველაზე დიდი ქალაქების სამეული ასეთია: თბილისი, ბათუმი, რუსთავი.
წლების განმავლობაში ქუთაისი მოსახლეობის რაოდენობით თბილისის შემდეგ მეორე ქალაქი იყო, ბათუმის განვითარების შემდეგ მესამე ქალაქი გახდა, ახლა კი სამეულში ქუთაისის ნაცვლად რუსთავია.
ერთ დროს საპარლამენტო ქალაქს მოსახლეობა ყოველდღიურად ტოვებს.
სამსახურის დეფიციტი, დაბალი ანაზღაურება და მომავლის პერსპექტივის არ არსებობა – ეს ის ფაქტორებია, რის გამოც ქუთაისელები ქალაქიდან მიდიან.
რამდენიმე თვის წინ ქუთაისელებმა მოსახლეობის მასობრივი გადინების გამო ჩემოდნების აქცია პერფორმანსიც გამართეს და ქალაქში არსებული მწვავე პრობლემები გააჟღერეს.
საქართველოს სტატისტიკის ეროვნულის სამსახურის ინფორმაციით, 2022 წელს ქუთაისის მუნიციპალიტეტში 129 300 ადამიანი ცხოვრობდა. 2021 წელს კი მოსახლეობის რაოდენობა 134 400 შეადგენდა, 2020 წელს 135 200-ს, 2019 წელს – 138 200 ადამიანს.
წყარო:https://infoimereti.ge
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
