,
ბულგარეთის დედაქალაქ სოფიაში ჭაბუკთა შორის ძიუდოს მსოფლიო ჩემპიონატი მიმდინარეობს. ტურნირზე ქართველი ძიუდოისტები წარმატებით ასპარეზობენ. ქართველი ძიუდოისტი ქეთი რობაქიძე (-70 კგ) მსოფლიო ჩემპიონატის ბრინჯაოს პრიზიორი გახდა.
მესამე ადგილისთვის შეხვედრაში ქეთი რობაქიძე (-70 კგ) ფრანგ ლუსი რულერს უნდა დაპირისპირებოდა, თუმცა, მეტოქე არ გამოცხადდა. ბრინჯაოს მედლისათვის შეხვედრამდე ბელგიელი მეტოქე ვალერი ტომბუ და ბულგარელი ალექსანდრა ცენოვა დაამარცხა, მეოთხედფინალი კი პოლონელ დიანა ბენკოვასთან დათმო და ასპარეზობა რეპეშაჟში გააგრძელა, სადაც ჩეხი ვანესა კარაფოვა დაამარცხა.
საქართველოს ნაკრებისთვის 2025 წლის ჭაბუკთა შორის ძიუდოს მსოფლიო ჩემპიონატზე ეს მესამე მედალია. მანამდე, გიორგი მუმლაძე ჩემპიონატის ვიცე-ჩემპიონი გახდა, ვასილ გამეზარდაშვილი კი ბრინჯაოს მედალს დასჯერდა.
ქართველი ძიუდოისტები ტურნირზე საქართველოს სპორტის სამინისტროს მხარდაჭერით იმყოფებიან.
ინფორმაციას სპორტის სამინისტრო ავრცელებს.
აშშ-მა და სომხეთმა ბირთვული ენერგიის მშვიდობიანი მიზნებისთვის გამოყენების შესახებ შეთანხმება გააფორმეს, - ინფორმაციას სომხური მედია ავრცელებს.
აშშ-ის ვიცე-პრეზიდენტმა, ჯეი დი ვენსმა და სომხეთის პრემიერ-მინისტრმა, ნიკოლ ფაშინიანმა შეთანხმებას ხელი მოაწერეს პირისპირ გამართული მოლაპარაკებების შემდეგ.
ჯეი დი ვენსმა ნიკოლ ფაშინიანთან გამართულ ერთობლივ პრესკონფერენციაზე განაცხადა, რომ აშშ-ის პრეზიდენტი, დონალდ ტრამპი სომხეთთან პარტნიორობით ძალიან ამაყობს.
„ეს ულამაზესი ქვეყანაა. ქვეყანა, რომელთან პარტნიორობითაც აშშ-ის პრეზიდენტი ძალიან ამაყობს. სომხეთისთვის არა მხოლოდ მშვიდობას, არამედ სომხეთისა და აშშ-სთვის ეკონომიკურ კეთილდღეობას ვქმნით“, - აღნიშნა ვენსმა.
