USD
EUR
RUB
თბილისი
ქეთევან სეფაშვილი- ავსტრიაში მცხოვრები ქართველი მუსიკოსი
თარიღი : 01.25.2022 13:10  227
ციურიხის ხელოვნების უნივერსიტეტის დასრლების შემდეგ საცხოვრებლად ვენაში გადავედი. რთულია იმ ქვეყანაში კარიერის დაწყება, სადაც არ გისწავლია. მით უმეტეს თუ ეს ქვეყანა ავსტრიაა-მუსიკის სამშობლო. მიუხედავად ამისა გამიმართლა და ავსტრიულმა მუსიკალურმა საზოგადოებამ თბილად მიმიღო. გემოვნების, განათლების და სწორი იდეების ჩამოყალიბებაში ძალიან დამეხმარა ევროპის საფორტეპიანო სკოლა.
ჩვენ, საქართველოშიც არაჩვეულებრივი საფორტეპიანო სკოლა გვაქვს, “ნიჭიერთა ათწლედი” და თბილისის სახელმწიფო კონსერვატორია კარგი საწყისია მუსიკალური განათლების. მიუხედავად ამისა, მაინც აუცილებელია ევროპაში სწავლის გაგრძელება. იმ ქვეყნებში, სადაც მოცარტის, ბეთჰოვენის, შუბერტის მუსიკით არის ჰაერი გაჟღენთილი, როგორც საქართველოში- ფოლკლორი.
რთულია უცხო ქვეყანაში თავის დამკვიდრება, როდესაც არავინ გიცნობს და ამის მიუხედავად მაინც გინდა სცენაზე გახვიდე. ვისაც ხელოვნების სამსახურში ყოფნა უნდა და მსმენელის ხელოვნებით დაინტერესება ეს რთული ნაბიჯები მაინც უნდა გადადგას. ჩემთვის ყოველი სცენაზე გასვლა, დიდი პასუხისმგებლობაა. მნიშვნელობა არ აქვს ეს იქნება 1500 კაციანი მუზიკფერაინის ოქროს დარბაზი თუ პატარა სალონური კონცერტი. ყოველი გამოსვლის შემდედ მუსიკოსი იზრდება და ხვეწს თავის იდეებს, ისევე როგორც მხატვრის ყოველი ტილო სხვადასხვა სილამაზით და დახვეწილობით გამოირჩევა.
ყველაფერი იწყება სწავლით და მთავრდება სწავლით! ვისაც საზღვრებს გარეთ განათლების მიღება სურს მინდა ვურჩიო, გამოდით თქვენი კომფორტის ზონიდან და გახდით დამოუკიდებლები, ისწავლეთ არა მხოლოდ დაკვრა და მუსიკა, არამედ ცხოვრება! მოძებნეთ პედაგოგი ვისიც გჯერათ, ვინც თქვენს პიროვნულობას არ შეცვლის თავისი იდეებით, ვისგანაც მხოლოდ შენიშვნას კი არ მიიღებთ, არამედ ისწავლით. იცოდეთ რა გზის გავლა გინდათ. ნუ შეუშინდებით სირთულეებს, რადგან ყოველი წინ გადადგმული ნაბიჯი წარმატების მომტანია.
პატივი ეცით და გიყვარდეთ საქმე, რომელსაც ემსახურებით. ნებისმიერი საქმე გამოგივათ, თუ გექნებათ ამ საქმის მიმართ დიდი სიყვარული, პატივისცემა და დისციპლინა!
სხვა
3 თვეში საქართველოში $25.7 ათასის ორგანოების იმპორტი განხორციელდა

მიმდინარე წლის 3 თვეში საქართველომ 25.7 ათასი დოლარის ღირებულების ორგანოთერაპიისთვის განკუთვნილი ჯირკვლები და სხვა ორგანოების იმპორტი განახორციელა. 2022 წლის დასაწყისში ქვეყანაში შემოტანილი ორგანოების მოცულობა გასული 4 წლის ანალოგიური პერიოდების იმპორტს აღემატება.

ოფიციალური სტატისტიკით ორგანოთერაპიისთვის შემოტანილი ამ დასახელების საქონლის მოცულობა იანვარ-მარტში 0.13 ტონა იყო.

რაც შეეხება ორგანოების იმპორტის წლიურ მონაცემებსა და იმ ქვეყნებს, სადაც საქართველო საქონელს ყიდულობს, საქსტატის მიხედვით, ბოლო ათი წლის განმავლობაში იმპორტის ყველაზე მაღალი მაჩვენებელი 2012 წელს გვქონდა (183 ათასი დოლარი, 0.74 ტონა). აღსანიშნია, რომ პანდემიის დაწყების პირველ წელს საქართველოდან 0.23 ტონა ორგანოების შესაძენად 155 ათასი დოლარი გავიდა. გასულ წელს კი 0.44 ტონა იმპორტირებული საქონლის ღირებულებამ 89.9 ათასი დოლარი შეადგინა.

ოფიციალური სტატისტიკიდან ჩანს, რომ ორგანოთერაპიისთვის განკუთვნილი ჯირკვლებისა და სხვა ორგანოების ყველაზე დიდი მომწოდებელი საქართველოსთვის აშშ-ია - 77.9 ათასი დოლარი, მას მოსდევს გაერთიანებული სამეფო - 3.8 ათასი დოლარი, ჰონ-კონგი - 3.3 ათასი დოლარი, გერმანია - 2.1 ათასი დოლარი, ავსტრალია - 0.9 ათასი დოლარით. საიმპორტო ქვეყნებს შორისაა: კანადა, იტალია, ახალი ზელანდია, ისრაელი, ბელგია და შვეიცარია.

წყარო:https://bm.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.