,
დღეს პარლამენტის კულტურის კომიტეტის სხდომაზე, კომიტეტის თავმჯდომარის მოადგილემ ქეთევან დუმბაძემ გელათის ტაძრის შესახებ განცხადება გააკეთა.
ბოლო დღეებში გამართული მწარე დისკუსიის კონტექსტში დუმბაძემ აღნიშნა, რომ „ერთი გადაბრუნებული სიტყვის თქმით შეიძლება შუბლზე დაგაწერონ, რომ მოღალატე ხარ და გელათი არ გიყვარს“.
დუმბაძის ინფორმაციით, 17 თებერვალს იმ ოთხი ჯგუფის შეკრება გაიმართება, რომელმაც გელათთან დაკავშირებით კვლევა გააკეთა, პარალელურად, კულტურის სამინისტრო „იუნესკოდან” საბოლოო პასუხს ელოდება.
„იუნესკოს“ მიერ გამოყოფილი იტალიელი მეცნიერები ჩამოვიდნენ, იმუშავეს. მათ თქვეს, რომ ის, რაც პირველ ეტაპზე გაკეთდა - კრამიტი უნდა მოიხნას, სახურავი უნდა გაიხსნას, რომ ჰაერი შევიდეს... არასწორად არის დაგებული, არის დამსკდარი, ეს ყველაფერი დაჭედებულია ლურსმნებით, რომელიც იჟანგება - დაღუპულია გელათი! ის, რომ გელათი იღუპება, ეს არის ტრაგედია, ცუდია ის, რომ ეს ყველაფერი თეა წულუკიანის წინააღმდეგ მიზანმიმართულ ბრძოლას ემსგავსება. არ არსებობს თემა, რომელიც მან გააკეთა - გამოცხადდება კონკურსი, პროექტი, თუ ჩატარდება კონცერტი, ეს ქალი არ იყოს გალანძღული და დაბულინგებული მცირე ჯგუფების მიერ, მაგრამ ძალიან სერიოზულად - ყოველ შემთხვევაში, „ფეისბუქი“ ამ ყველაფრით დუღს.
ჟურნალისტებიც არასდროს სვამენ კითხვას, როგორ იყო დეტალურად, არ ესწრებიან შეკრებებს - არის ჩუბინაშვილის ინსტიტუტის დასკვნა, იტალიელების - „იუნესკოს” დასკვნა არსებობს, საპატრიარქოს დასკვნა არსებობს. იტალიელები იძახიან: - არ გაჩერდეთ, აუცილებლად იმუშავეთ - როგორც კი გაჩერდებით, ფრესკების გადარჩენის მხრივ უკუსვლა წავა. დღეს საპატრიარქო ამბობს, ყველაფერი გააჩერეთ: - ვის ენდოს, ვის იმას მიჰყვეს, სახელმწიფოა ხომ? - კულტურის სამინისტრო ასე ხომ ვერ მიიღებს გადაწყვეტილებას, როცა საბოლოო დასკვნა უნდა დაიდოს?! გავაჩერეთ რესტავრაცია და მერე რა იქნება, ვინმეს შეუძლია თქვას?!“, - განაცხადა დუმბაძემ პარლამენტის კულტურის კომიტეტის სხდომაზე.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
