,
ავღანეთში „თალიბანის“ კონტროლის გაძლიერებასთან ერთად, ბურკაზე, ტანსაცმელზე, რომელიც სრულად ფარავს ქალის სხეულს, მათ შორის - სახესაც, მოთხოვნა სტაბილურად იზრდებოდა. მას შემდეგ კი, რაც დაჯგუფება დედაქალაქშიც შევიდა, მისი ფასი 10-ჯერაა გაზრდილი.
როგორც მედია იუწყება, ქალები ჩქარობენ, რაც შეიძლება მალე შეიძინონ სამოსი, რათა „თალიბებს“ თვალში არ მოხვდნენ და მათი ყურადღება არ მიიქციონ.
„მოულოდნელი იყო. არავინ ელოდა, რომ ეს ასე მალე მოხდებოდა. ხალხს სჯეროდა, რომ ქაბულს შეეძლო თავის დაცვა ერთი წლის განმავლობაში მაინც, მაგრამ საბრძოლო სული დაკარგულია. არმია უბრალოდ გადასცემს „თალიბანს“ ქაბულს. როგორც ქალებს, ისინი გამოკეტილებს გვაცხოვრებენ. წლების განმავლობაში ვიბრძოდით გარეთ გასასვლელად. ისევ გვჭირდება იმავე მიზნისთვის ბძოლა? ისევ უნდა ვიბრძოლოთ, რომ მუშაობის დასაწყებად, საავადმყოფოში მარტო წასასვლელად ნებართვა მოვიპოვოთ?“, - ამბობს ერთ-ერთი ავღანელი ქალი მედიასთან ანონიმურად.
„თალიბანის“ წესების მიხედვით, სახლიდან გასვლამდე, ქალმა სახე და სხეული უნდა დაიფაროს და აუცილებლად ახლდეს კაცი.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
