კრემლის დიდ სასახლეში რუსეთის პრეზიდენტის ვლადიმერ პუტინის ინაუგურაციის ცერემონია გაიმართა. 2000 წლის შემდეგ ეს პუტინის მეხუთე ინაუგურაციაა. ცერემონია გადაიცა რუსეთის ფედერალურმა მედიამ, მათ შორის TASS-მა.

პუტინმა ფიცი დადო, სადაც პირობა დადო, რომ დაიცავს „ადამიანის და მოქალაქის უფლებებსა და თავისუფლებებს“.

ცერემონიას რუსეთის პრემიერ-მინისტრი მიხაილ მიშუსტინი, თავდაცვის მინისტრი სერგეი შოიგუ, მოსკოვის მერი სერგეი სობიანინი, ჩეჩნეთის ხელმძღვანელი რამზან კადიროვი და სხვა რუსი ოფიციალური პირები და რეგიონული ხელმძღვანელები ესწრებოდნენ.

ამავდროულად, რიგი „არამეგობრული“ ქვეყნების დიპლომატებმა, მათ შორის დიდი ბრიტანეთიდან და ევროკავშირის უმეტესი ქვეყნებიდან, უარი განაცხადეს ცერემონიაზე დასწრებაზე. გავრცელდა ინფორმაცია, რომ ცერემონიას საფრანგეთის ელჩი პიერ ლევი დაესწრება.