რუსეთის პრეზიდენტმა ვლადიმერ პუტინმა გენერალი ვალერი გერასიმოვი უკრაინაში რუსული ჯარების მეთაურის თანამდებობიდან გაათავისუფლა. გავრცელებული ინფორმაციით, ის რუსეთის საჰაერო სადესანტო ძალების მეთაურმა, გენერალ-პოლკოვნიკმა მიხაილ ტეპლინსკიმ შეცვალა.
„ვ.გერასიმოვი დარჩება რუსეთის არმიის სათავეში გენერალური შტაბის უფროსად, მაგრამ ომზე საერთო პასუხისმგებლობა ახლა ეკისრება მ.ტეპლინსკის, ქვეყნის საჰაერო-სადესანტო ჯარების მეთაურს“, - ნათქვამია ინფორმაციაში.
აღსანიშნავია, რომ ვ.გერასიმოვი 2023 წლის იანვრიდან ხელმძღვანელობდა რუსეთის ჯარებს უკრაინაში საბრძოლო ზონაში.
სამხედრო ლიდერი არ გამოჩენილა საზოგადოებაში ვაგნერის PMC-ის ამბოხის შემდეგ. ცნობილია, რომ ევგენი პრიგოჟინმა ვ.გერასიმოვისა და თავდაცვის მინისტრის სერგეი შოიგუს გადადგომა მოითხოვა.