,
დემოგრაფიული განვითარების სფეროში მიღებული ზომები არასაკმარისია, შობადობა კვლავ იკლებს, - ამის შესახებ რუსეთის პრეზიდენტმა, ვლადიმერ პუტინმა სტრატეგიული განვითარების საბჭოს სხდომაზე განაცხადა.
„სამწუხაროდ, ნეგატიური ტენდენცია გრძელდება. დემოგრაფიული განვითარების სფეროში მიღებული ზომები, როგორც ჩანს, არასაკმარისია. შობადობა კვლავ იკლებს“, - განაცხადა პუტინმა.
მისი თქმით, მთავრობის მიზანს შობადობის ზრდა, ოჯახების მხარდაჭერა და ჯანსაღი სიცოცხლის გახანგრძლივება წარმოადგენს.
„რა თქმა უნდა, დემოგრაფიაზე გავლენას გარე გამოწვევებიც ახდენს. მიუხედავად ამისა, ხაზს ვუსვამ იმას, რომ ჩვენს გრძელვადიან ისტორიულ მიზანს ჩვენი ერის შენარჩუნება და ზრდა წარმოადგენს. არსებული ვითარებისა და ობიექტური გამოწვევების მიუხედავად, ეს მიზანი უნდა შევინარჩუნოთ“, - აღნიშნა რუსეთის პრეზიდენტმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
