,
“არავინ იცის რამდენად ეფექტური იქნება კორონავირუსის ვაქცინები”, ამბობს ცნობილი ვირუსოლოგი და ექსპერტი, ბელგიელი პროფესორი ერიკ დე კლერკი, რომელიც ჩეხ მეცნიერთან, პროფესორ ანტონინ ჰოლოთან ერთად, მონაწილეობდა შიდსის და B ჰეპატიტის საწინააღმდეგო მედიკამენტების შექმნაში.
“რაც შეეხება ვაქცინაციას, ძალიან გაურკვეველია რამდენად იქნება ეფექტური. არსებობს ბევრი რამ, რაც არ უნდა დაგვავიწყდეს. მაგალითად, რამდენჯერ მოგვიწევს ვაქცინის გაკეთება. ორჯერ, ერთხელ სამჯერ თუ ოთხჯერ? ჩვენ არ ვიცით რა ანტისხეულებს გამოიმუშავებს იგი. ხალხი ფიქრობს, რომ როდესაც ვაქცინა ანტისხეულებს გამოიმუშავებს, ისინი ყოველთვის კარგია. მაგრამ ეს მთლად ასე არ არის. არ უნდა დაგვავიწყდეს, რომ არსებობს ანტისხეულებიც, რომლებსაც “პოტენციურ ანტისხეულებს” უწოდებენ და ამან შეიძლება პირიქით დააჩქაროს ინფექციის მოქმედება.” – განაცხადა პროფესორმა
დე კლერკის თქმით, არ არის სათანადოთ ცნობილი ამ ვაქცინაციის გვერდითი ეფეტებიც. არის შემთხვევბი, როდესაც მკურნალობისას წამალი ინფექციას განკურნავს, მაგრამ გვერდით ეფექტი ადამიანისათვის გაცილებით საზიანოა ვიდრე თვით ინფეცია.
“რაც შეეხება მედიკამეტ რემდესივირს, მე ჯერ კიდევ სანდოდ მიმაჩნია იმის ალბათობა, რომ რემდესივირი, covid-19– ის წინააღმდეგ ეფექტურია. მე არ ვიცი, რატომ განაცხადა მსოფლიო ჯანდაცვის ორგანიზაციამ, რომ მათ არ სჯერათ ამ პრეპარატის. ფაქტია, რომ ყველა ინფორმაცია, ყველა მონაცემი, რომელიც აქამდე გამოქვეყნდა და შემდგომში დადასტურდა, ამ პრეპარატის ეფექტურობაზე მეტყველებს.”-აღნიშნა ბელგიელმა პროფესორმა ერიკ დე კლერკმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
