,
.jpg)
უკრაინის პრეზიდენტმა ვოლოდიმირ ზელენსკიმ ხელი მოაწერა ეროვნული უსაფრთხოების გუნდის მიერ შეთავაზებულ სანქციებს 3 ტელეკომპანიის მიმართ. აღნიშნული მედიასაშუალებები უკრაინის პრორუსულ ოპოზიციურ პლატფორმასთან არის ასოცირებული. გადაწყვეტილების ამოქმედების შემდეგ ისინი მხოლოდ ონლაინ მაუწყებლობენ.
საუბარია სამ უკრაინულ ტელეარხზე: 112, NewsOne და ZiK, რომელთაც ნომინალურად პრორუსული ოპოზიციური პლატფორმის “За життя” წევრი, ტარას კოზაკი ფლობს. თუმცა, “რადიო თავისუფლების” თანახმად, უკრაინული მედიაში ისმის ცნობები, რომ ტელეკომპანიების რეალური მფლობელი ხსენებული პლატფორმის პოლიტსაბჭოს ლიდერი, ვიქტორ მედვედჩუკია.
რუსეთის პრეზიდენტ ვლადიმერ პუტინის ნათლიმამა ვიქტორ მედვედჩუკი უკრაინაში ერთ-ერთ უმდიდრეს და გავლენიან პირად მიიჩნევა. 2014 წელს, ვიქტორ იანუკოვიჩის გადადგომის შემდეგ, აშშ-მა მას სანქციები დაუწესა და უკრაინის დემოკრატიის შერყევაში დაადანაშაულა. მედვედჩუკი უარყოფს კავშირს ზემოხსენებულ ტელეკომპანიებთან.
ამჟამად სამივე ტელეკომპანიის სიგნალი გათიშულია. ისინი მხოლოდ ინტერნეტში მაუწყებლობენ.
უკრაინის პრეზიდენტის განცხადებით, სანქციები არ იყო მარტივი გადაწყვეტილება. ზელენსკის თქმით, უკრაინა მხარს უჭერს სიტყვის თავისუფლებას, თუმცა ეწინააღმდეგება “აგრესორი ქვეყნის მიერ დაფინანსებულ პროპაგანდას, რომელიც ძირს უთხრის უკრაინას ევროპული და ევროატლანტიკური ინტეგრაციის გზაზე”.
სახელმწიფოს ამ პოზიციას არ ეთანხმებიან სანქცირებული მედიასაშუალებები, რომელთაც საერთო განცხადებაში “პოლიტიკური ანგარიშსწორება” უწოდეს ზელენსკის ნაბიჯს.
ამ გადაწყვეტილებამდე რამდენიმე დღით ადრე, ზელენსკის პარტიამ მხარი დაუჭირა დეპუტატის მანდატის შეჩერებას ოლექსანდრ დუბინსკისთვის, რომელიც ვაშინგტონის სანქციების ქვეშაა აშშ-ის 2020 წლის არჩევნებში მისი სავარაუდო ჩარევის გამო.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
