,
ვიღაც ჩემგან ზელენსკის კრიტიკას ელოდა, მაგრამ კრიტიკა არ იქნება, ერთადერთი რამ, რაც ახლა უკრაინას სჭირდება, ერთიანობაა, - წერს უკრაინის ყოფილი პრეზიდენტი და ყველაზე დიდი ოპოზიციური პარტიის ლიდერი, პეტრო პოროშენკო Facebook-ის საკუთარ გვერდზე.
„და ახლა ყველას კითხვა აქვს: შემდეგ რა გავაკეთოთ?
ვიღაც ჩემგან ზელენსკი კრიტიკას ელოდა, მაგრამ არა, კრიტიკა არ იქნება, ვინაიდან ეს არ არის ის, რაც ქვეყანას ახლა სჭირდება…
უკრაინისა და აშშ-ის ურთიერთობები - არა მხოლოდ ზელენსკისა და ტრამპის ურთიერთობებია. ეს ორი დიდი ერის ურთიერთობებია, რომლებმაც იციან, რომ დემოკრატია და თავისუფლება ცარიელი სიტყვები არაა არც უკრაინისთვის, არც აშშ-სთვის. და არ შეგვიძლია საკუთარ თავს ანტიამერიკული განწყობების გავრცელების უფლება მივცეთ.
პირველ რიგში, უკრაინის შეიარაღებულ ძალებზე უნდა ვიფიქროთ, რომლებიც ამა თუ იმ ქმედებების შედეგად შესაძლოა ამერიკული იარაღის მიწოდებების გარეშე დარჩნენ. და ეს არანაირად არ არის პრეზიდენტ ზელენსკის კრიტიკა, ვინაიდან ერთადერთი რამ რაც ახლა უკრაინას სჭირდება, არის ერთიანობა“, - წერს პოროშენკო.
მისი თქმით, მას იმედი აქვს, რომ უკრაინის პრეზიდენტს ვოლოდიმირ ზელენსკის „გეგმა ბ“ გააჩნია და მას სჯერა, რომ ბრიუსელსა და ლონდონში შეხვედრების შემდეგ უკრაინა რამდენიმე მნიშვნელოვანი "მესიჯით" გამოვა, როგორებიცაა: ევროპის ერთიანობა (უკრაინისთვის იარაღისა და დაფინანსების მიწოდება), ქვეყნის შიგნით ერთიანობა და გაგება “როდის და როგორ დავამთავროთ ომი?”
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
