პენსიების დარიგების მიზნით კომერციული ბანკის შესარჩევად გამოცხადებულ ტენდერში შეთავაზება მხოლოდ „ლიბერთი ბანკმა“ წარადგინა.

სოციალური მომსახურების სააგენტოს ტენდერში მონაწილეობის მიღებას ორი მსხვილი ბანკი, „საქართველოს ბანკი“ და „ლიბერთი“ განიხილავდა, თუმცა საბოლოოდ მონაწილეობა მხოლოდ "ლიბერთიმ" მიიღო. ელექტრონული ტენდერი ახლა შერჩევა/შეფასების ეტაპზეა.

ორეტაპიან ტენდერში გამარჯვებულმა ბანკმა სახელმწიფოს მომსახურება 2023 წლის 1 იანვრიდან 2029 წლის 31 დეკემბრის ჩათვლით უნდა გაუწიოს.

ტენდერის პირობების მიხედვით, სერვისისთვის სახელმწიფო ბიუჯეტიდან ყოველწლიურად მაქსიმუმ 15 მლნ ლარი ხოლო კონტრაქტის განმავლობაში (7 წელი) 105 მლნ ლარი გამოიყოფა.