,
პარტია “მოქალაქეებისა” და “გირჩის” წარმომადგენლები მიმდინარე პოლიტიკურ პროცესებთან დაკავშირებით ერთმანეთს შეხვდნენ. შეხვედრა “გირჩის” ოფისში გაიმართა. მხარეებმა, ერთი მხრივ, ოპოზიციის მოთხოვნებზე, მეორე მხრივ კი – ხელისუფლებასა და ოპოზიციას შორის მოლაპარაკებების გაგრძელების პერსპექტივაზე იმსჯელეს.
“[მოლაპარაკებების მიზანია], გამოვიდეთ პოლიტიკური კრიზისიდან, რომელშიც ვიმყოფებით არჩევნების შემდეგ. ჩვენ, როგორც ხალხის მიერ არჩეულ ადამიანებს, გვევალება, რამე გავაკეთოთ ქვეყნის ამ კრიზისიდან გამოსაყვანად.შესაბამისად, ჩვენ ველაპარაკებით ყველა პოლიტიკურ მოთამაშეს, ვინც არის საქართველოს პარლამენტში”, – უთხრა “რუსთავი2”-ს იაგო ხვიჩიამ, შეხვედრის დასრულების შემდეგ.
მისი თქმით, ინდივიდუალური საუბრის ფორმატი უფრო “მშვიდია” და მეტად არის შესაძლებელი აზრთა გაცვლა. “გირჩს” სურს, პოზიციები შეაჯეროს და მოისმინოს არგუმენტირებული საწინააღმდეგომოსაზრებები ოპოზიციონერი კოლეგებისგან.
“გირჩს” წარმომადგენლებთან შეხვედრაზე ალეკო ელისაშვილი და ლევან იოსელიანი მივიდნენ. ელისაშვილმა მედიასთან საუბრისას არ გამორიცხა, რომ ხელისუფლებასა და ოპოზიციას შორის მოლაპარაკების მეხუთე რაუნდი “საერთოდ ჩაიშალოს”.
“თუ ჩაიშლება, ჩვენ მზად ვართ ინდივიდუალურადაც, თუმცა სხვა ოპოზიციურ პარტიებთან ერთად უკეთესი იქნებოდა, ელჩების თანდასწრებით შევხვდეთ “ქართულ ოცნებას” და ხელი მოვაწეროთ იმ შეთანხმებას, რომელიც მიგვაჩნია ქვეყნისთვის უმნიშვნელოვანესად”, – დასძინა მან და შეთანხმების წინაპირობებთან დაკავშირებით დაამატა:
“ეს არის პოლიტპატიმრების საკითხი, ეს არის საარჩევნო სისტემის ფუნდამენტური ცვლილება და საარჩევნო კანონმდებლობის ძირეული ცვლილება, ელექტრონულ არჩევნებზე გადასვლა.
ასევე, ძალიან კარგი იდეაა, თუ თვითმმართველობის არჩევნებზე “ქართულ ოცნებაზე” ჯამურად მეტს აიღებს ოპოზიცია, მაშინ ეს ავტომატურად იყოს 2022 წლისთვის რიგგარეშე არჩევნების დანიშვნა”.
ელისაშვილის თქმით, მისმა მხარდამჭერებმა ხმა მისცეს პარტია “მოქალაქეებს” და “არც სააკაშვილთან, არც ივანიშვილთან და არც მით უმეტეს, გიგა ბოკერიასთან” არაფრის შეთანხმებას აპირებენ.
იაგო ხვიჩიამ, რომელიც მედიას შეხვედრის დაწყებამდეც ესაუბრა, თქვა, რომ “გირჩის” მოთხოვნათა შორის პირველი პოლიტპატიმრების გათავისუფლებაა, მეორე – საარჩევნო კოდექსის ცვლილება, შემდგომ – პროპორციული არჩევნები ბუნებრივი ბარიერით, ბოლოს კი – ხელახალი არჩევნების საკითხი, რომელიც “დანარჩენ ოპოზიციას აინტერესებს”.
“ჩვენ გვინდა, რომ ყველა ოპოზიციურ პარტიასთან გავიაროთ ის, რომ გვქონდეს ერთიანი მოთხოვნა და თან ეს ისეთი იყოს, რომ ხელისუფლებას არ ჰქონდეს არგუმენტი იმასთან დაკავშირებით, რომ ჩვენ ვართ დესტრუქციული ხალხი, ჩვენ არ გვინდა შეთანხმება და ასე შემდეგ. ამიტომ ჩვენ ვთავაზობთ ასეთ გზას, რომ ადგილობრივი თვითმმართველობის არჩევნების ჩატარება ვაქციოთ ერთგვარ პლებისციტად,” – განაცხადა მან.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/
