,
თბილისში, პარლამენტის მიმდებარე ტერიტორიაზე, ანტისახელისუფლებო აქცია იმართება. პარლამენტის ერთ-ერთ შესასვლელთან პოლიციამ 7 აქტივისტი დააკავა.
პოლიციამ აქტივისტების დაკავება მას შემდეგ დაიწყო, რაც ისინი გაფრთხილებას არ დაემორჩილნენ და დეპუტატებს შეძახილებით შეხვდნენ. არსებული ინფორმაციით, დაკავებულებს შორის არიან მოძრაობა “საქართველოს“ წევრებიც.
აქციას ოპოზიციური პარტიები მართავენ. მათ აქციის გამართვის შესახებ ჯერ კიდევ გუშინ განაცხადეს მას შემდეგ, რაც ოპოზიციასა და ხელისუფლებას შორის ევროპული საბჭოს პრეზიდენტის, შარლ მიშელის მედიატორობით შეხვედრა გაიმართა.
ჩამოვიდა შარლ მიშელი და ხელისუფლებამ კრიზისს დაარქვა კრიზისი - ლეგიტიმაცია მოკლებულმა ხელისუფლებამ ხალხის ხმა უნდა გაიგონოს, შეეჩვივნენ არაფრის შემჩნევას და ვარდისფერ სათვალეებს, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ განაცხადა.
მისივე თქმით, ხელისუფლება შეჯანჯღარებულია, მაგრამ ფუნდამენტურ ცვლილებებთან დაკავშირებით გადაწყვეტილება მიღებული არ აქვთ.
