,
პარლამენტმა „ადგილობრივი თვითმმართველობის კოდექსში“ შესატან ცვლილებას პირველი მოსმენით, 77 ხმით მხარი დაუჭირა.
კანონპროექტის ერთ-ერთი ინიციატორის, არჩილ გორდულაძის განცხადებით, თბილისის მუნიციპალიტეტს ემატება უფლებამოსილება, განსაზღვროს, რომ სამარშრუტო სატრანსპორტო საშუალების მოძრაობისათვის განკუთვნილ ზოლში გადაადგილების უფლება, მუნიციპალიტეტის წარმომადგენლობითი ორგანოს მიერ შესაბამისი კატეგორიის მსუბუქ ავტომობილებთან – ტაქსებთან (M1 კატეგორია) ერთად, ენიჭება მოტოციკლს ან/და მოპედს.
„ეს მადრიდში, ბარსელონაში, ვენაში არსებული პრაქტიკაა, რომლითაც შემცირდა ავტოავარიების შემთხვევები, შესაბამისად, შემცირდა დაზარალებულების რაოდენობა. ამ კარგი პრაქტიკის ასახვა ხდება საქართველოს კანონმდებლობაში“, - განაცხადა არჩილ გორდულაძემ.
კანონპროექტს პარლამენტი დაჩქარებული წესით განიხილავს.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
