,
თურქეთში გამართული პარალიმპიური შეჯიბრებიდან დაბრუნებულ საქართველოს ახალგაზრდულ ნაკრებს თბილისის საერთაშორისო აეროპორტში გულშემატკივრები დახვდნენ.
ისტორიაში პირველად, საქართველოს ახალგაზრდულმა პარალიმპიურმა ნაკრებმა ჩემპიონატიდან ოთხი მედალი ჩამოიტანა: ორი ოქრო, ერთი ვერცხლი და ერთი ბრინჯაო.
ჩემპიონები გახდნენ პარატაეკვონდოისტები ანა ჯაფარიძე და ნატა ოჩიგავა. ვერცხლის მედალს სანდრო მეგრელიშვილი დაეუფლა, ხოლო ბრინჯაოს მედალი ცურვაში ზაკო მუშკუდიანმა მოიპოვა.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
