USD 2.6978
EUR 2.9112
RUB 2.9177
Tbilisi
პანდემიისას დაწყებული ბიზნესი – "სიტკბო" სამცხე–ჯავახეთიდან
Date:  528

„სიტკბო“ სხვადასხვა ნატურალური პროდუქტისა და ტკბილეულის მწარმოებელი კომპანიაა, რომელიც ბაზარზე ერთი წელია ოპერირებს.

საწარმო სამცხე-ჯავახეთში მდებარეობს და საშრობ სივრცეს, სამრეცხაოს, დასაფასოებელ და შესაფუთ სივრცეებს აერთიანებს.

პროდუქციის რეალიზება ახალციხესა და თბილისში ხდება, „სიტკბოს“ საფირმო მაღაზიებში ბრენდის პროდუქციის გარდა პარტნიორი კომპანიების ნაწარმიც იყიდება, ამას გარდა, „სიტკბო“ სასტუმროებთან და რესტორნებთანაც თანამშრომლობს.

კომპანია სხვადასხვა მიმართულებით ჯამში 7 ადამიანს ასაქმებს და გაფართოებასთან ერთად პერსონალის რაოდენობის გაზრდასაც აპირებს.

„სიტკბოს“ დამფუძნებელი ლექსო სუარიძე bm.ge-ს უყვება, რომ კომპანიის შექმნის იდეა პანდემიის პერიოდში გაუჩნდა, მაშინ, როდესაც მსოფლიოში სიტუაცია კრიზისული იყო და თავადაც შემოსავლის გარეშე დარჩა.

„ჩვენმა საქმემ პირველი დღეების ათვლა საკმაოდ რთულ პერიოდში დაიწყო, პანდემიამ ჩემი არსებული საქმიანობების გაბანკროტება და შემოსავლის გარეშე ჩემი დარჩენა გამოიწვია, „სიტკბომდე“ რამდენიმე საქმიანობის დაწყება ვცადე, რომლებმაც არ გაამართლა, ახალი საქმის იდეა მალევე გამიჩნდა, საჭირო პირველადი ინვესტიცია საბანკო სესხით განვახორციელე, უკვე შეიძლება ითქვას, რომ საქმიანობა საკმაოდ წარმატებულია, საწარმო ჯერ პატარაა, თუმცა, განვითარებასთან ერთად, ყველა საჭირო ინვენტარს დავამატებთ და ევროსტანდარტის სრულიად აღჭურვილი საწარმო გვექნება“ - ამბობს „სიტკბოს“ დამფუძნებელი.

კომპანიას გეგმაში პროდუქციის ექსპორტზე გატანაც აქვს, რისთვისაც, ნიმუშები სხვადასხვა ქვეყანაში უკვე გააგზავნეს, ამას გარდა, „სიტკბო“ პროდუქტით ქსელურ მარკეტბშიც შევა და სარეალიზაციო ლოკაციებს ბათუმი და რუსთავიც შეემატება.

წყარო:bm.ge

sport
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

See all
Survey
ვინ გაიმარჯვებს რუსეთ - უკრაინის ომში?
Vote
By the way