,
შეიარაღებული დაპირისპირების შედეგად სულ მცირე 232 პალესტინელი დაიღუპა და 1 697 დაიჭრა, - ინფორმაციას CNN-ი პალესტინის ჯანდაცვის სამინისტროზე დაყრდნობით ავრცელებს.
„სამედიცინო ჯგუფები მთელი ძალისხმევით მუშაობენ საოპერაციო ოთახებში და რეანიმაციულ განყოფილებებში ათობით მძიმე და კრიტიკულ მდგომარეობაში მყოფი ადამიანის გადასარჩენად“, - აცხადებენ სამინისტროში.
სამინისტრო ჰუმანიტარულ და დახმარების ორგანიზაციებს მოუწოდებს, დაუყოვნებლივ იზრუნონ ღაზას სექტორის საავადმყოფოებისთვის დახმარების აღმოსაჩენად.
ისრაელზე თავდასხმის შედეგად დაღუპულთა რაოდენობა 200-მდე გაიზარდა, - ინფორმაციას გამოცემა Times of Israel-ი ჯანდაცვის სამინისტროზე დაყრდნობით ავრცელებს.
უწყების ცნობით, „ჰამასის“ მიერ განხორციელებული თავდასხმების შედეგად 1 104 ადამიანი დაიჭრა.
ისრაელის ჯანდაცვის სამინისტროში აცხადებენ, რომ დაღუპულთა რიცხვი სავარაუდოდ გაიზრდება
სარაკეტო დარტყმა ისრაელზე ადგილობრივი დროით 6:30 საათზე განხორციელდა. მომხდარზე პასუხისმგებლობა „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადეს და ღაზას სექტორში „ჰამასის“ ობიექტებზე იერიში დაიწყეს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
