,
ოზურგეთის მუნიციპალიტეტში სტიქიის სალიკვიდაციო სამუშაოები უწყვეტ რეჟიმში გრძელდება, - ამის შესახებ აღნიშნულია ოზურგეთის მერიის მიერ გავრცელებულ ინფორმაციაში.
მათივე ცნობით, პარალელურად, მიმდინარეობს დაზარალებული მოქალაქეების საკვები პროდუქტებითა და პირველადი ნივთებით დახმარება.
„უწყვეტ რეჟიმში განვაგრძობთ მუშაობას სტიქიის ზონაში. სოფელ ნაგომარში დავიწყეთ საავტომობილო გზაზე დროებითი ხიდის მოწყობა. ადგილზე მუშაობს მძიმე ტექნიკა და საპროექტო ჯგუფი. სტიქიამ ასევე პრობლემები შეუქმნა სოფელ ჯუმათში - ჭოკლაურის უბანს, სადაც მეწყრული პროცესების განვითარების შედეგად დაზიანდა გზა და საცხოვრებელი სახლები. ამ წუთებში აქტიურად მუშაობს მუნიციპალური წყალმომარაგების კომპანია „სატისის,“ ტექნიკური ჯგუფიც, რათა უმოკლეს დროში აღვადგინოთ წყლის მიწოდება.
თანამოქალაქეებისთვის დახმარების მიწოდება, კრიტიკული ინფრასტრუქტურის აღდგენა და ზიანის შეფასება - ეს არის ახლა ჩვენი უმთავრესი პრიორიტეტები,“- განაცხადა ოზურგეთის მერმა, ავთანდილ თალაკვაძემ.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
